ஜிம் பாய்ஸூடன் மாஸ் என்ட்ரி: சினிமாவில் கூட இப்படி பார்த்தது இல்லையே; கௌதமி ப்ரமோ வைரல்!

சின்னத்திரையில் ஒளிபரப்பாகி வரும் நெஞ்சத்தை கிள்ளாதே சீரியலில், நடிகை கௌதமி, என்ட்ரி கொடுத்துள்ள நிலையில், அவரின் அறிமுக காட்சி தொடர்பான ப்ரமோ தற்போது இணையத்தில் வைரலாகி வருகிறது.

முன்னணி சேனல்களுக்கு இணையாக, சீரியல்கள் ஒளிபரப்பி வரும் ஜீ தமிழில் ஒளிபரப்பாகி வரும் சீரியல் நெஞ்சத்தை கிள்ளாதே. ஜெய் ஆகாஷ் நாயகனாக நடித்து வரும் இந்த சீரியிலல் ரேஷ்மா நாயகியாக நடித்து வருகிறார். மேலும் வில்லி நடிகை ரேகா கிருஷ்ணப்பா நடித்து வரும் இந்த சீரியல், தற்போது ஜீ தமிழ் டி.ஆர்.பி ரேட்டிங்கில் முக்கிய இடத்தில் உள்ளது.

காதலில் தோல்வியை சந்தித்த நாயகி, உடல் எடை கூடியதால், திருமணமாகாமல் இருக்கும் நடிகனை திருமணம் செய்துகொள்கிறார். இவர்களுக்கு விருப்பம் இல்லாமல் நடக்கும் இந்த திருமணத்திற்கு பிறகு இவர்களுக்கு இடையே மலரும் காதல், குடும்பத்திற்குள் நடக்கும் சதி ஆகியவற்றை அடிப்படையாக கொண்டு திரைக்கதை அமைக்கப்பட்டுள்ள இந்த சீரியல் தற்போது ரசிகர்கள் மத்தியில் வரவேற்பை பெற்று வருகிறது.

இந்த சீரியலில் ரேஷ்மாவுக்கு சர்ப்ரைஸ் கொடுக்கிறார். இது தொடர்பான ப்ரமோ தற்போது வைரலாகி வருகிறது. இதில், மதுமிதாவுக்கு இது மிகவும் பிடிக்கும் என்று ஒரு போட்டோ ஃபிரேம் கொடுக்கப்படுகிறது. அந்த ஃபிரேமில், நடிகை கௌதமி போட்டோ இருக்கிறது. கௌதமி என்றால மதுவுக்கு மிகவும் பிடிக்கும் என்று சொல்ல, இதை நான் தான் கொடுப்பேன் என்று ஜெய் ஆகாஷ் சொல்கிறார்.

இதை விட பெரிய கிஃப்ட் கொடுப்பேன். மதுமிதா இது உங்களுக்கானது நீங்களே போய் ரிசிவ் பண்ணிக்கோங்க என்று சொல்ல, மதுமிதா கதவை திறக்கிறார். அப்போது எண்ட்ரி கொடுக்கும் கௌதமி, நீ ரொம்பவே லக்கி கேர்ள் என்று பாராட்டுக்கிறார். வசதியான வீட்டு பெண்ணாக கௌதமி எண்ட்ரி கொடுத்துள்ளதால் இந்த சீரியல், மீதான எதிர்பார்ப்பு அதிகரித்துள்ள நிலையில், திரைப்படத்தில் கூட இப்படி ஒரு எண்ட்ரியை பார்த்ததே இல்லையே என்று பலரும் கூறி வருகின்றனர்.