தெலுங்கில் ரீமேக் ஆகும் பாண்டியன் ஸ்டோர்ஸ் 2: டைட்டில் என்ன தெரியுமா?

தற்போதைய காலக்கட்டத்தில் திரைப்படங்களை விடவும் சீரியல்கள் ரசிகர்கள் மத்தியில் நல்ல வரவேற்பை பெற்று வருகிறது. இதன் காரணமாக திரைப்படங்களை போலவே சீரியல்களும் ரீமேக் செய்யும் வழக்கம் தொடந்து வருகிறது. அந்த வகையில் தற்போது தமிழில் ஒளிபரப்பாகி வரும் புதிய சீரியல் ஒன்று தெலுங்கில் ரீமேக் செய்யப்பட உள்ளது.

தமிழ் சின்னத்திரையில் ரசிகர்களை கவரும் வகையில் சீரியல்கள் ஒளிபரப்புவதில் முன்னணியில் இருப்பது விஜய் டிவி. தமிழ் சினிமாவில் ஹிட்டான படங்களின் தலைப்புகளில் சீரியல்கள் ஒளிபரப்பி வரவேற்பை பெற்றிருந்த இந்த சேனலில், ஒளிபரப்பான முக்கிய சீரியல் பாண்டியன் ஸ்டோர்ஸ். சகோதர பாசம், கூட்டு குடும்பத்தின் நன்மைகள் உள்ளிட்ட பலவற்றை அடிப்படையாக வைத்து திரைக்கதை அமைக்கப்பட்ட இந்த சீரியல் 5 வருடங்கள் ஒளிபரப்பாகி ரசிகர்கள் மத்தியில் நல்ல வரவேற்பை பெற்றிருந்தது.

மேலும் தமிழ் மட்டுமல்லாமல், தெலுங்கு உள்ளிட்ட சில மொழிகளில் ரீமேக் செய்யப்பட்ட பாண்டியன் ஸ்டோர்ஸ் சீரியல் ரசிகர்கள் மத்தியில் நீங்க இடம் பிடித்த நிலையில், கடந்த சில மாதங்களுக்கு முன்பு முடிவுக்கு வந்தது. அதனைத் தொடர்ந்து உடனடியாக பாண்டியன் ஸ்டோர்ஸ் 2 என்ற பெயரில் தந்தை - மகன் பாசத்தை அடிப்படையாக கொண்ட கதையாக ஒளிபரப்பாகி வருகிறது. 3 மகன்களுக்கும் பெற்றோருக்கும் இடையே நடக்கும் பாசப்போராட்டம் தான் இந்த கதை.

View this post on Instagram

A post shared by Telugu TV Express (@telugutvexpress)

முதல் சீசனில் நடித்த ஸ்டாலின் முத்து, ஹேமா ராஜ்குமார், வெங்கட் ரகுநாதன் ஆகியோர் நடித்து வரும் இந்த சீரியலும் ரசிகர்கள் மத்தியில் நல்ல வரவேற்பை பெற்று வரும் நிலையில், தற்போது இந்த சீரியல், தெலுங்கில் ரீமேக் ஆக உள்ளது. இந்த சீரியலுக்கு தெலுங்கில் லு லாலு பிலாலு என்று டைட்டில் வைக்கப்பட்டுள்ளது. ஏற்கனவே சிறகடிக்க ஆசை சீரியல் மலையாளத்தில் ரீமேக் ஆகியுள்ள நிலையில், தற்போது பாண்டியன் ஸ்டோர்ஸ் 2 தெலுங்கில் ரீமேக் ஆக உள்ளது குறிப்பிடத்தக்கது.