சன் டி.வி.யின் புதிய திகில் சீரியல் : கமிட் ஆன விஜய் டிவி நடிகர் : பாண்டியன் ஸ்டோர்ஸ் நிலை என்ன?

விஜய் டிவியின் பாண்டியன் ஸ்டோர்ஸ் சீரியலில் நடித்து வரும் நடிகர் தற்போது சன்டிவியின் புதிய சீரயிலில் நடிக்க உள்ளதாக தகவல் வெளியாகியுள்ளது.

விஜய் டிவியின் ப்ரைம் டைம் சீரியலிகளில் முக்கிய இடம் பெற்றது பாண்டியன் ஸ்டோர்ஸ். சகோதர பாசத்தை அடிப்படையாக வைத்து திரைக்கதை அமைக்கப்பட்ட இந்த சீரியல் கடந்த 5 வருடங்களா ஒளிபரப்பாகி வந்த நிலையில்,கடந்த வாரம் நிறைவு பெற்றது. ஆனாலும் அடுத்து பாண்டியன் ஸ்டோர்ஸ் 2 என்ற பெயரில் தந்தை மகன் பாசத்தை அடிப்படையாக வைத்து புதிய சீரியல் ஒன்று தொடங்கப்பட்டுள்ளது.

முதல் சீசனில் நடித்த ஸ்டாலின் முத்து மற்றும் ஹேமா ராஜ்குமார் தவிர மற்ற அனைவரும் புதுமுகங்களாக நடித்து வரும் இந்த சீரியலில்,பிரபல வில்லன் நடிகர் அஜய் ரத்னம் சில ஆண்டுகள் இடைவெளிக்கு பிறகு மீண்டும் சின்னத்திரையில் ரீ-என்டரி கொடுத்துள்ளார். முதல் சீசனை போல் இல்லாமல் 2-வது சீசன் சற்று வரவேற்பு குறைவாக இருந்தாலும், தற்போது பாக்கியலட்சுமி சீரியலுடனாக மகாசங்கமத்திற்கு பிறகு நல்ல வரவேற்பை பெற்று வருகிறது.

View this post on Instagram

A post shared by Tamil Serials (@tamilserialexpress)

பாண்டியன் ஸ்டோர்ஸ் தந்தை சொல்மிக்க மந்திரம் இல்லை என்ற பெயரில் ஒளிபரப்பாகி வரும் இந்த சீரியலில் மகன்கள் மற்றும் அப்பாவுக்கு இடையே நடக்கும் பாசப்போராட்டத்தை மையமாக வைத்து திரைக்கதை அமைக்கப்பட்டுள்ளது. இந்த சீரியலில், கதிர் என்ற கேரக்டரில் நடித்து வருபவர் நடிகர் ஆகாஷ். இவரின் நடிப்பு ரசிகர்கள் மத்தியில் வரவேற்பை பெற்று வரும் நிலையில், தற்போது இவர் சன்டிவியின் புதிய சீரியலில் கமிட் ஆகியுள்ளார்.

சன் டிவியில் புதிதான அனாமிகா என்ற திகில் தொடர் ஒளிபரப்பாக உள்ளது. இந்த சீரியலில் முக்கிய கேரக்டரில் நடிக்க நடிகர் ஆகாஷ் கமிட் ஆகியுள்ளார். இந்த சீரியலின் படப்பிடிப்பு சமீபத்தில் தொடங்கியதாக தகவல் வெளியாகியுள்ளது.