சிறகடிக்க ஆசை சீரியலில் விஷ்ணுகாந்த்... நாயகன் மாற்றமா? ரசிகர்கள் ஷாக்

சீரியல் மற்றும் ரியாலிட்டி ஷோவுக்கு பெயர் பெற்ற விஜய் டிவியில் பல சீரியல்கள் ரசிகர்கள் மத்தியில் நல்ல வரவேற்பை பெற்று வருகிறது. இதில் சமீபத்தில் ஒளிபரப்பாக தொடங்கிய சிறகடிக்க ஆசை சீரியல் இளைஞர்களை அதிகம் கவர்ந்து வருகிறது.  இந்த சீரியலில் புதுமுகம் வெற்றி வசந்த் நாயகனாக நடித்து வரும் நிலையில், வேலைக்காரன் சீரியல் புகழ் நடிகை கோமதி ப்ரியா நாயகியாக நடித்து வருகிறார்.

மேலும் நடிகரும் இயக்குனருமான சுந்தர்ராஜன் இந்த சீரியலில் முக்கிய கேரக்டரில் நடித்து வருகிறார். மேலும் சில புதுமுக நடிகர்களும் இந்த நடித்து வரும் நிலையில், சீரியல் தொடங்கியதில் இருந்து டிஆர்பி ரேட்டிங்கில் முன்னணியில் இருந்து வருகிறது. அதேபோல் முத்து – மீனா இடையேயான காட்சிகள் ரசிகர்கள் மத்தியில் பெரும் வரவேற்பை பெற்று வரும் நிலையில், இந்த ஜோடிக்கு தனியாக ஃபேன் பேஸ் ஒருவாகியுள்ளது.

இந்நிலையில், சிறகடிக்க ஆசை சீரியல் தற்போது தெலுங்கில் ரீமேக் செய்ய உள்ளதாகவும், இந்த சீரியலில் நாயகன் முத்துவாக நடிகர் விஷ்ணுகாந்த் நடிக்க உள்ளதாகவும் சமூகவலைதளங்களில புகைப்படம் ஒன்று வைரலாகி வருகிறது. சமீபத்தில் திருமணமாகி ஒரு மாதத்தில பிரிந்த விஷ்ணுகாந்த் – சம்யுக்தா ஜோடி இணையத்தில் அதிகம் பேசப்படும் ஜோடியாக மாறினர்.

View this post on Instagram

A post shared by Tamil TV Express (@tamiltvexpresss)

தற்போது இவரும் அவரவர் வேலையை பார்த்து வரும் நிலையில், தமிழில் வெற்றி பெற்று வரும் ஒரு சீரியலின் தெலுங்கு ரீமேக்கில் விஷ்ணுகாந்த் நாயகனாக நடிக்க உள்ளது குறித்து ரசிகர்கள் பலரும் அவருக்கு வாழ்த்துக்களை தெரிவித்து வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”