Serial TRB Rating Update : பொதுவாக சீரியல்கள் ஒளிபரப்புவதில் முன்னணியில் உள்ளது விஜய் டிவி மற்றும் சன் டிவி. கொரோனா காலகட்டத்தில் சீரியல் பார்க்கும் ரசிகர்களின் எண்ணிக்கை பெருமளவு அதிகரித்ததால், அவ்வப்போது புதிய சீரியல்களும் களமிறங்கி வருகின்றன. அப்படி வரும் சீரியல்கள் பல டிஆர்பி ரேட்ங்கில் முன்னணியில் இடம்பிடித்து வருகின்றனர்.
வழக்கமாக விஜய் டிவி மற்றும் சன்டிவி சீரியல்களே டிஆர்பி ரேட்டிங்கை ஆக்கிரமித்து வருகின்றன. இதில் பெரும்பாலும் டாப் 5 ரேட்டிங்கை எடுத்துக்கொண்டால், விஜய் மற்றும் சன்டியின் அதிக்கம் சமளவில் தான் இருந்து வந்தது. ஆனால் சமீப காலமாக விஜய் டிவி சீரியல்கள் கடுமையான வீழ்ச்சியை சந்தித்து வருகிறது. அதிலும் டிஆர்பியில் தனி இடத்தை பெற்று வந்த பாரதி கண்ணம்மா தற்போது இறக்கத்தை சந்தித்துள்ளது.
அந்த வகையில் கடந்த வாரத்திற்காக டிவி சீரியல் டிஆர்பி ரேட்டிங் விவரங்கள் தற்போது வெளியாகியுள்ளது. இதில் 10.63 புள்ளிகளுடன் சன்டிவியின் கயல் சீரியல் முதலிடத்தை பிடித்துள்ளது. சமீபத்தில் தொடங்கப்பட்ட இந்த சீரியல் தொடக்கத்தில் இருந்தே டிஆர்பி ரேட்டிங்கில் முன்னணியில் இருந்து வருகிறது.
அதற்கு அடுத்தப்படியாக அண்ணன் தங்கை பாசத்தை அடிப்படையாக கொண்ட வானத்தைபோல சீரியல் 9.82 புள்ளிகளுடன் 2-வது இடத்தை பிடித்துள்ளது. இதில் அண்ணன் தங்கையாக நடித்து வந்த 2 நடிகர்களுமே மாற்றம் செய்யப்பட்டாலும் சீரியலுக்கு உண்டான வரவேற்பு குறையவில்லை என்றுதான் சொல்ல வேண்டும்.
அடுத்து 3-வது இடத்தில், சுந்தரி (9.50) 4-வது இடத்தில் ரோஜா (9.30) 5-வது இடத்தில் ராஜா ராணி (8.90) 6-வது இடத்தில், கண்ணான கண்ணே, 7-வது இடத்தில் பாரதி கண்ணம்மா, 8-வது இடத்தில் பாக்யலட்சுமி, 9-வது இடத்தில், பாண்டியன் ஸ்டோர்ஸ், 10-வது இடத்தில், காற்றுக்கென்ன வேலி ஆகிய தொடர்கள் இடம்பிடித்துள்ளன.
இந்த பட்டியலில் டாப் 5 ரேட்டிங்கில் விஜய் டிவியின் ராஜா ராணி சீரியல் மட்டுமே 5-வது இடத்ததை பிடித்துள்ளது மற்ற 4 இடத்திலும், சன்டிவி சீரியல்கள் ஆக்கிரமித்துள்ளன. இதிலும் இவ்வளவு நாள் முதன்மையான இடத்தை பிடித்து வந்த பாரதி கண்ணம்மா தற்போது 7-வது இடத்தில் உள்ளது.
பாரதி கண்ணம்மா சீரியலில் கண்ணம்மாவாக நடித்து வந்த ரோஷ்னி ஹரிப்பிரியன் மாற்றம் செய்யப்பட்டதில் இருந்து பாரதி கண்ணம்மா சீரியலுக்கு வரவேற்பு குறைந்து வருவது குறிப்பிடத்தக்கது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2022/02/Serial-update.jpg)