Tamil Serial TRP Rating : சறுக்கிய எதிர்நீச்சல்... முன்னேறிய சிறகடிக்க ஆசை: இந்த வார டி.ஆர்.பி

இன்றைய காலக்கட்டத்தில் இல்லத்தரசிகளின் முக்கிய பொழுதுபோக்கு அம்சங்களில் ஒன்று சீரியல்கள். இதை புரிந்துகொண்டுள்ள சேனல்கள் அவ்வப்போது புதிய சீரியல்களை களமிறக்கி வந்தாலும், ரசிகர்களின் ஆதரவை பொறுத்தே சீரியல்களின் டிஆர்பி ரேட்டிங் அமைகிறது. இதனிடையே நடப்பு ஆண்டின் 43-வது வாரத்திற்காக சீரியல்கள் டிஆர்பி ரேட்டிங் குறித்த தகவல் வெளியாகியுள்ளது. இதில் சன் டிவி சீரியல்களே வழக்கம்போல் முன்னணியில் உள்ளன.

கடந்த வாரம் முதலிடத்தில் இருந்த வானத்தைப்போல சீரியல், 11.44 புள்ளிகள் பெற்று மீண்டும் முதலிடத்தை தக்கவைத்துள்ளது. அதேபோல் கடந்த வாரம் 2-வது இடத்தில் இருந்த கயல் சீரியல் இந்த வாரம், 10.58 புள்ளிகளுடன் மீண்டும் 2-வது இடத்தை தக்க வைத்துள்ளது. சன்டிவியின் புதிய சீரியலான சிங்கப்பெண்ணே கடந்த வாரம் 4-வது இடத்தில் இருந்த நிலையில், இந்த வாரம் 10.41 புள்ளிகள் பெற்று 3-வது இடத்திற்கு முன்னேறியுள்ளது.

கடந்த வாரத்தில் 5-வது இடத்தில் இருந்த சன்டிவியின் முக்கிய சீரியல்களில் ஒன்றான எதிர்நீச்சல் தற்போது ஏற்றம் கண்டு 10.38 புள்ளிகளுடன் 4-வது இடத்திலும், கடந்த வாரம் 3-வது இடத்தில் இருந்த சுந்தரி சீரியல் சற்று சறுக்கலை சந்தித்து 9.91 புள்ளிகளுடன் 5-வது இடத்திற்கு தள்ளப்பட்டுள்ளது. கடந்த வாரம் 6-வது இடத்தில் இனியா சீரியல் 8.10 புள்ளிகளுடன் 6-வது இடத்தை தக்கவைத்துள்ளது.

கடந்த வாரம் 9-வது இடத்தில் இருந்த ஆனந்த ராகம் சீரியல் இந்த வாரம் சற்று ஏற்றம் கண்டு 7.50 புள்ளிகள் பெற்று 7-வது இடத்திலும், கடந்த வாரம் 10-வது இடத்தில் இருந்த விஜய் டிவியின் சிறகடிக்க ஆசை சீரியல் 7.04 புள்ளிகளுடன் 8-வது இடத்திலும், கடந்த வாரம் 8-வது இடத்தில் இருந்த பாக்கியலட்சுமி சீரியல் 6.79 புள்ளிகளுடன் இந்த வாரம் 9-வது இடத்திலும், கடந்த வாரம் 7-வது இடத்தில் இருந்த புதிய சீரியலான பாண்டியன் ஸ்டோர்ஸ் 6.65 புள்ளிகளுடன் கடைசி இடத்திற்கு தள்ளப்பட்டுள்ளது.