இறக்கம் கண்ட மூன்று முடிச்சு; கெத்தாக முதலிடத்தில் சிங்கப்பெண்ணே: டாப் 5 சீரியல் டி.ஆர்,பி!

சின்னத்திரை சீரியல்கள் ரசிகர்கள் மத்தியில் பெரிய வரவேற்பை பெற்று வந்தாலும், அந்த சீரியல்களின் டி.ஆர்.பி ரேட்டிங்கை, பொருத்தே அந்த சீரியலின் வெற்றி மற்றும் தோல்வி தீர்மானிக்கப்படுகிறது. இதில் கிராமப்புறங்களிலும், நகர்ப்புறங்களிலும் அதிகமாக பார்க்கப்பட்ட சீரியல்களின் அடிப்படையில் டி.ஆர்.பி ரேட்டிங் கணக்கிடப்படுகிறது. அந்த வகையில், இந்த வாரம் டாப் 5 இடங்களைப் பிடித்த சீரியல்களைப் பார்ப்போம்.

சன் டிவியில் ஒளிபரப்பாகி வரும் சிங்க பெண்ணே சீரியல் இந்த வாரம் 10.55 புள்ளிகளை பெற்று முதல் இடத்தை பிடித்திருக்கிறது. தனக்கே தெரியாமல் கர்ப்பமாக இருக்கும் ஆனந்தி தைரியமாக எதிர்கொள்ளும் பிரச்சனைகளை மையமாக வைத்து தான் இந்த சீரியல் ஒளிபரப்பாகி வருகிறது.

சன் டிவியில் ஒளிபரப்பாகி வரும் மூன்று முடிச்சு சீரியல் இந்த வாரம் 10.24 புள்ளிகளை பெற்று 2-வது இடத்தை பிடித்திருக்கிறது. நந்தினி-சூர்யா திருமணத்தால் சூர்யா அம்மா பயங்கர கோபத்தில் இருக்கிறார். இனி அவர் என்ன செய்வார்? என்ற ட்ராக்கில் தான் சென்று கொண்டு இருக்கிறது.

சன் டிவியில் ஒளிபரப்பாகி வரும் கயல் சீரியல் இந்த வாரமும் முதல் இடத்தைப் பிடித்துள்ளது. இந்த வாரம் 9.68  புள்ளிகளை பெற்று 3-வது இடத்தை தக்கவைத்துக்கொண்டுள்ளது. கயலுக்கு பல தொந்தரவுகள் வந்த நிலையில் தற்போது கயலின் திருமண வாழ்க்கையில் வரும் பிரச்சனைகளை கொண்டு இந்த தொடர் ஒளிபரப்பி வருகிறது.

சன் டிவியில் ஒளிபரப்பாகி வரும் எதிர்நீச்சல் 2 சீரியல் இந்த வாரம் 8.91 புள்ளிகளைப் பெற்று 4-வது இடத்தை பிடித்துள்ளது. ஆண் ஆதிகத்தை எதிர்த்து பெண்கள் எப்படி சமாளிக்கிறார்கள் என்பதை மையமாக கொண்டு இந்த சீரியல் உருவாகிறது.

சன்டிவியில் புதிதாக தொடங்கிய மருமகள் சீரியல், 8.81 புள்ளிகளுடன் 5-வது இடத்தை பிடித்துள்ளது. ஆரம்பத்தில் இருந்து இந்த சீரியல் விறுவிறுப்பாக செல்லும் இந்த சீரியலில் பிரபு-ஆதிரை திருமணம் முடிந்தது. அதற்கு பின் அவர்கள் சந்திக்கும் இன்னல்கள் தான் இந்த சீரியலின் திரைக்கதை. விஜய் டிவிக்கு டஃப் கொடுக்கும் சன்டிவி சீரியல்கள், டாப் 5 ரேட்டிங் இணையத்தில் வைரலாகி வருகிறது.