டஃப் கொடுக்கும் சிறகடிக்க ஆசை: முதலிடத்தில் சன் டி.வி சீரியல்; இந்த வார டி.ஆர்.பி!

சின்னத்திரை ரசிகர்கள் மத்தியில் அதிக வரவேற்பை பெற்று வருவது சீரியல்கள். குறிப்பாக சொல்ல வேண்டும் என்றால், இல்லத்தரசிகளின் முக்கிய பொழுதுபோக்கு அம்சமே இந்த சீரியல்கள் தான். இதை நன்றாக தெரிந்துகொண்ட டிவி சேனல்கள் நாளுக்கு நாள் புதிய சீரியல்களை களமிறங்கி வரும் நிலையில், வாரத்தில் 5 நாட்கள் மட்டுமே ஒளிபரப்பாகி வந்த இந்த சீரியல்கள் தற்போது 7 நாட்களும் ஒளிபரப்பாகி வருகிறது.

இதன் காரணமாக சீரியல்களுக்காக ஒரு சேனல், திரைப்படங்களுக்கு ஒரு சேனல் என சேனல்களும் அதிகமாகியுள்ளது. சன் டிவியில் சீரியல்கள் ஒளிபரப்பாகி வரும் நிலையில், கே.டிவியில் திரைப்படங்களும், ஆதித்யா டிவியில் காமெடி காட்சிகள், சன்லைப்பில் க்ளாசிக் சினிமாக்கள் ஒளிபரப்பாகி வருகிறது. அதேபோல் விஜய் டிவியில் சீரியல்களும், விஜய் சூப்பர் மற்றும் விஜய் டக்கர் சேனல்களில் திரைப்படங்களும் ஒளிபரப்பாகி வருகிறது.

தமிழில் உள்ள அனைத்து சீரியல்களும் ஏறக்குறைய ஒரே கதைக்களத்துடன் ஒளிபரப்பாகி வந்தாலும், ஒவ்வொரு சீரியல்களுக்கும் ரசிகர்கள் மத்தியில் வரவேற்பு இருக்கிறது. ஆனாலும் டி.ஆர்.பி ரேட்டிங்கை பொறுத்தே அந்த சீரியலுக்கு ரசிகர்கள் எந்த அளவிற்கு ஆதரவு தருகிறார்கள் என்பது தெரியவரும். அந்த வகையில் இந்த வார டி.ஆர்.பி ரேட்டிங்கில் அதிக புள்ளிகள் பெற்ற முதல் 5 இடங்களில் உள்ள சீரியல்களை பார்ப்போம்.

சிங்கப்பெண்ணே

சன்டிவியில் ஒளிபரப்பாகி வரும் சிங்கப்பெண்ணே சீரியல் ஒளிபரப்பை தொடங்கியதில் இருந்து முன்னணியில் இருந்து வருகிறது. குடும்ப சூழ்நிலைக்காக கம்பெனியில் வேலை செய்து வரும் நாயகி தன்னுடன் இருக்கும் பெண்களுடன் இணைந்து பிரச்சனையை எப்படி எதிர்கொள்கிறார் என்பது தான் இந்த சீரியலின் கதை. 

சிறகடிக்க ஆசை

விஜய் டிவியில் ஒளிபரப்பாகி வரும் முக்கிய சீரியலான சிறகடிக்க ஆசை சீரியலில், அம்மாவுக்கு பிடிக்காத மகன் எதிர்கொள்ளும் பிரச்சனைகள் குறித்து திரைக்கதை அமைக்கப்பட்டுள்ளது. 

கயல் 

ஒளிபரப்பை தொடங்கியதில் இருந்து முன்னணியில் இருந்து வரும் கயல் சீரியல், தன்னை சுற்றி நடக்கும் சதியை நாயகி எவ்வாறு முறியடிக்கிறார் என்பதை மையமாக வைத்து திரைக்கதை அமைக்கப்பட்டுள்ளது. 

வானத்தைப்போல

ஸ்ரீகுமார், சஞ்சீவ் ஆகியோர் முக்கிய கேரக்டரில் நடித்த இந்த சீரியல் அண்ணன் தங்கை பாசத்தை அடிப்படையாக கொண்டது. கடந்த வாரம் இந்த சீரியல் முடிவுக்கு வந்தது குறிப்பிடத்தக்கது. 

மருமகள்

சன்டிவியில் கடந்த சில மாதங்களுக்கு முன்பு தொடங்கப்பட்ட இந்த சீரியலில், நல்ல் வரவேற்பை பெற்று வருகிறது.