இங்கு ரஜினி படம்... அங்கு சாமி படம்... ஜீ தமிழ் டாப் சீரியல்களின் சினிமா தாக்கம்

சீரியல்கள் ஒளிபரப்புவதில் முன்னணி சேனல்களுக்கு இணையாக இருந்து வரும் ஜீ தமிழில், தொடர்ந்து புது விதமான கதை காலத்துடன் கூடிய பல சீரியல்களை அறிமுகப்படுத்தி வருகிறது. அதில் பல தொடர்கள் மக்கள் மத்தியில் பெரும் வரவேற்பை பெற்று வருகின்றன. அந்த வகையில், அதிக டிஆர்பி புள்ளிகளை பெற்றுவரும் கார்த்திகை தீபம், சீதா ராமன், மற்றும் மாரி சீரியல்களில் சமீபமாக நடந்த சுவாரசிய நிகழ்வுகள் குறித்து காணலாம்

கார்த்திகை தீபம்:

ஜீ தமிழ் தொலைக்காட்சியில் தினந்தோறும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் ஐஸ்வர்யா பாட்டு போட்டி பற்றி கொளுத்தி போட்ட நிலையில் இன்றைய எபிசோட்டில், பரமேஸ்வரி பாட்டி தீபாவுக்கு மலருக்கும் பாட்டு போட்டி நடத்த போவதாக சொல்கிறார். தீபா நம்ம பாடினால் கார்த்திக்கு பல்லவி நான் தான் என்ற உண்மை தெரிந்து விடும் என தயங்குகிறாள்.

அபிராமி இவளுக்கு பாட்டு பாட வராதே என நினைத்து கொண்டு என்ன செய்வது என தவிக்கிறாள். இருந்தாலும் தீபாவை விட்டு கொடுக்கலாம் சமையலயே நீ அசத்திட்ட, உன்னால் பாட்டும் பாட முடியும், ஒருநாள் நல்லா பிராக்டிஸ் பண்ணிட்டு பாடு என்று சொல்ல தீபா மறுப்பு தெரிவிக்க முடியாமல் சம்மதம் சொல்கிறாள். அதன் பிறகு மலர் கார்த்தியிடம் தனியாக பேச ஆசைப்படுகிறாள்.

இதற்காக முத்து பட பட பாணியில் ஒரு பேப்பரில் இரவு 10 மணிக்கு தன்னை தோட்டத்தில் தனியாக சந்திக்கவும் முக்கியமான விஷயம் பேச வேண்டும் என எழுதி தூக்கி போட அதை ஐஸ்வர்யா எடுத்து படித்து அருண் எழுதியதாக நினைத்து கொண்டு தூக்கி போட அருண் அதை எடுத்து படித்து ஐஸ்வர்யா எழுதியதாக நினைத்து கொள்கிறான்.

இப்படி இந்த லெட்டர் எல்லாரிடமும் வலம் வந்து கார்த்தியின் மீதும் விழ அவன் தீபா என்று நினைத்து கொள்ளகிறான். அந்த நேரம் பார்த்து பாட்டி வந்ததும் அதை தீபா மீது தூக்கி போட தீபா கார்த்திக் எதோ பேச ஆசைப்படுவதாக புரிந்து கொள்ள கடைசியாக அந்த லெட்டர் பரமேஸ்வரி பாட்டி கையில் சிக்கி விடுகிறது. இதை படித்து பார்த்த பாட்டி கடுப்பாகிறார். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு எழுந்துள்ளது.

சீதா ராமன்:

ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 8.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலின் நேற்றைய எபிசோடில் சீதா சேதுவிடம் சென்று எல்லாரையும் கோவிலுக்கு அழைத்து வர சொன்ன நிலையில் இன்றைய எபிசோட்டில், சேதுவும் சம்மதம் தெரிவித்து எல்லாரையும் கோவிலுக்கு கூப்பிட மகாவும் அர்ச்சனாவும் இப்போ எதுக்கு அந்த கோவிலுக்கு போகணும்னு சொல்றீங்க என்று கேள்வி மேல் கேள்வி கேட்கிறார்கள்.

சேது நீங்க வரலைனா நான் சீதாவோட போறேன் என்று சொல்ல மகா அவங்க கூட போக வேண்டாம் என்று சொல்லி எல்லாரும் ஒன்றாக கோவிலுக்கு செல்கின்றனர். ஏற்கனவே கோவிலுக்கு வந்த மூன்று பெண்களும் சாமியார் வேடத்தில் இருப்பது துரை தான் என்று தெரியால் அங்கு வந்து வேண்ட அவர் என்னமோ தப்பு பண்ணிட்டு வந்திருக்கீங்க, என்னனு சொல்லுங்க என கேட்க இவர்களுக்குள் இன்னும் பயம் அதிகமாகிறது.

கோவிலுக்கு வந்த மற்ற குடும்பத்தினர் சாமி கும்பிட்டு விட்டு சுற்றி வரும் போது மூன்று பெண்களும் அங்கிருப்பதை பார்த்து விடுகின்றனர், துரை என்ன தப்பு பண்ணீங்க, சொல்லுங்க என்று மிரட்டி கேட்க நாங்க வீட்டுக்கு தெரியாமல் பீர் குடிச்சிட்டு வந்து வீட்டில் பொய் சொல்லிட்டோம் என்று உண்மையை சொல்ல அதை கேட்டு மகா உட்பட எல்லாரும் அதிர்ச்சி அடைகின்றனர். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.

மாரி:

ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 8 மணிக்கு ஒளிபரப்பாகி வரும் பிரபலமான சீரியல் மாரி. இந்த சீரியலில் நேற்றைய எபிசோடில் பாயசத்தில் பாய்ச்சனை கலந்து எடுத்து கொண்டு தாரா டீம் ஹாசினியுடன் மாரி வீட்டிற்கு கிளம்ப ஜெகதீஷ் உன்மேல எனக்கு நம்பிக்கை இல்லை என்று சொன்னதும் தாரா அதை குடித்து காட்டினாள். இதனை தொடர்ந்து இன்றைய எபிசோடில் ஜெகதீஷ் சரி போயிட்டு வாங்க என்று அனுப்பியதும் தாரா ரெஸ்ட் ரூம் சென்று குடித்த பாயசத்தை வெளியில் துப்பி விட்டு கிளம்பி செல்கிறாள்.

வீட்டிற்கு வந்த தாரா சூர்யாவிடம் நல்லவள் வேஷம் போட்டு மாரிக்கு பாயசத்தை ஹாசினி கையால் கொடுக்க போகும் நேரத்தில் மேலே பாம்பு ஒன்று வந்து விஷயத்தை பாயசத்தில் கக்க அதை பார்த்து எல்லாரும் அதிர்ச்சி அடைகின்றனர்.  பிறகு வேறு வழியில்லாமல் தாரா சுவீட்டை கொடுத்து விட்டு அங்கிருந்து கிளம்பி வீட்டிற்கு வருகிறாள். நடந்த விஷயங்களை நினைத்து கடுப்பாகிறாள்,

அந்த பாம்பு மட்டும் இல்லனா மாரி கதை காலி என்று சொல்லி கொண்டிருக்க அரவிந்த் இங்கே எல்லாம் அந்த பாம்பு எங்க வர போகுது என்று சொல்லி கொண்டிருக்க எதிரில் பாம்பு வந்து நின்று இவர்களை பயத்தை காட்டுகிறது. இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.