சரிந்தது எதிர்நீச்சல்... உள்ளே வந்த விஜய் டி.வி சீரியல் : இந்த வார டி.ஆர்.பி ரேட்டிங்

சினிமாவை விட சின்னத்திரை சீரியல்கள் ரசிகர்கள் மத்தியில் நல்ல வரவேற்பை பெற்று வரும் இன்றைய காலக்கட்டத்தில் அவ்வப்போது வெளியாகி வரும் டிஆர்பி ரேட்டிங்கை பொறுத்து எந்த சீரியல் அதிக வரவேற்பை பெறுகிறது என்பது தீர்மானிக்கப்பட்டு வருகிறது. இந்த பட்டியலில் பெரும்பாலும் சன் மற்றும் விஜய் சீரியலுக்கு தான் அதிகமான போட்டி இருக்கும்.

முன்னணி சேனல்களுக்கு இணையாக சீரியல்களை ஒளிபரப்பினாலும் ஜீ தமிழ் சீரியல் டிஆர்பி ரேட்டிங்கில் சற்று பின்னடைவை சந்தித்து வருகிறது. இதனிடையே தற்போது இந்த ஆண்டின் 39-வது வாரத்திற்கான சீரியல் டிஆர்பி ரேட்டிங் தற்போது வெளியாகியுள்ளது. இதில் ஒரு சில சீரியல்கள் முன்னேற்றம் கண்டும், ஒரு சில சீரியல்கள் சறுக்கலையும் சந்தித்துள்ளனர்.

கயல்

சைத்ரா ரெட்டி முக்கிய கேரக்டரில் நடித்து வரும் கயல் சீரயல் கடந்த சில வாரங்களாக 2-வது இடத்தில் இருந்த நிலையில், தற்போது அதிரடியாக 10.53 புள்ளிகள் பெற்று முதலிடத்திற்கு முன்னேறியுள்ளது.

எதிர்நீச்சல்

ஆரம்பம் முதலே டிஆர்பி ரேட்டிங்கில் முன்னணியில் இருந்து வரும் எதிர்நீச்சல் சீரியல், ஆதி குணசேகரனாக நடித்து வந்த நடிகர் மாரிமுத்து மரணம் காரணமாக சற்று சறுக்கலை சந்தித்து 10.18 புள்ளிகளுடன் 2-வது இடத்தை பிடித்துள்ளது.

வானத்தை போல

அண்ணன் தங்கை பாசத்தை அடிப்படையாக வைத்து திரைக்கதை அமைக்கப்பட்டுள்ள வானத்தைபோல் சீரியல் கடந்த சில வாரங்களாக 4-வது இடத்தில் இருந்தது. இந்த வாரம் 10.07 புள்ளிகளுடன் 3-வது இடத்திற்கு முன்னேறியுள்ளது.

சுந்தரி

கடந்த சில வாரங்களாக 3-வது இடத்தில் இருந்த சுந்தரி சீரியல் இந்த வாரம் 9.89 புள்ளிகளுடன் 4-வது இடத்திற்கு தள்ளப்பட்டுள்ளது.

இனியா

ஆலியா மானசா நாயகியாக நடித்து வரும் இனியா சீரியல் கடந்த வாரம் 6-வது இடத்தில் இருந்த நிலையில், தற்போது 8.68 புள்ளிகளுடன் 5-வது இடத்திற்கு முன்னேறியுள்ளது.

மிஸ்டர் மனைவி

கடந்த வாரத்தில் 7-வது இடத்தில் இருந்த மிஸ்டர் மனைவி சீரியல் இந்த வாரம் 8.67 புள்ளிகள் பெற்று 6-வது இடத்திற்கு முன்னேறியுள்ளது.

சிறகடிக்க ஆசை

விஜய் டிவியின் முக்கிய சீரியலான சிறகடிக்க ஆசை கடந்த வாரம் 5-வது இடத்தில் இருந்த நிலையில், இந்த வாரம் 8.16 புள்ளிகள் பெற்று 7-வது இடத்திற்கு தள்ளப்பட்டுள்ளது.

பாக்கியலட்சுமி

விஜய் டிவியின் மற்றொரு முக்கிய சீரியலான பாக்கியலட்சுமி கடந்த வாரம் 8-வது இடத்தில் இருந்த நிலையில், இந்த வாரம் 7.56 புள்ளிகள் பெற்று மீண்டும் 8-வது இடத்தை தக்கவைத்துள்ளது.

ஆனந்த ராகம்

கடந்த வாரத்தில் 10-வது இடத்தில் இருந்த ஆனந்த ராகம் சீரியல் இந்த வாரம் 6.82 புள்ளிகள் பெற்று 9-வது இடத்திற்கு முன்னேறியுள்ளது.

ஆஹா கல்யாணம்

விஜய் டிவி சீரியலான ஆஹா கல்யாணம் இதுவரை முதல் 10 இடங்களுக்குள் வராத நிலையில், தற்போது 6.57 புள்ளிகளுடன் 10-வது இடத்தை பிடித்து முன்னேற்றம் கண்டுள்ளது.