வீழ்ந்தது எதிர்நீச்சல்: எகிறிய சிறகடிக்க ஆசை: இந்த வார டி.ஆர்.பி ரேட்டிங்!

தமிழில் சன் டிவி, விஜய் டிவி, ஜீ தமிழ் போன்ற முன்னணி சேனல்களில் ஒளிபரப்பாகி வரும் சீரியல்கள் இடையே கடும் போட்டி நிலவி வருகிறது. கடந்த வாரத்தை ஒப்பிடுகையில், இந்த வாரம் சீரியல்களின் வரிசையில் பெரும் மாற்றம் கண்டிருக்கிறது. இந்த தகவல்கள் கிராமப்புறங்களிலும், நகர்ப்புறங்களிலும் அதிகமாக பார்க்கப்பட்ட சீரியல்களின் டி.ஆர்.பி அடிப்படையில் வெளியாகி இருக்கிறது. இந்த வாரம் டாப் 10 இடங்களைப் பிடித்த சீரியல்களைப் பார்ப்போம்.

கயல்: சன் டிவியில் ஒளிபரப்பாகி வரும் கயல் சீரியல் இந்த வாரம் 10.1புள்ளிகளை பெற்று முதல் இடத்தை பிடித்துள்ளது.

சிங்க பெண்ணே சீரியல்: சன் டிவியில் ஒளிபரப்பாகி வரும் சிங்க பெண்ணே சீரியல் இந்த வாரம் 9.86 புள்ளிகளை பெற்று 2-வது இடத்தை பிடித்திருக்கிறது.

மூன்று முடிச்சு: சமீபத்தில் சன் டிவியில் தொடங்கப்பட்ட மூன்று முடிச்சு சீரியல், 9.76 புள்ளிகள் பெற்று 3-வது இடத்தை பிடித்துள்ளது.

மருமகள்: சன் டிவியில் ஒளிப்பரப்பாகும் மருமகள் சீரியல் 9.03 புள்ளிகளை பெற்று 4வது இடத்தினை பிடித்துள்ளது.

சிறகடிக்க ஆசை: விஜய் டிவியில் பிரபலமான சீரியலாக இருக்கும் சிறகடிக்க ஆசை 8.87 புள்ளிகளை பெற்று 5-வது இடத்தை பிடித்துள்ளது.

ராமாயணம்: சன் டிவியின் ராமாயணம் சீரியல் 8.59 புள்ளிகளுடன் 6-வது இடம்பெற்றுள்ளது.

அன்னம்: சமீபத்தில் சன்டிவியில் தொடங்கப்பட்ட அன்னம் சீரியல், 8.31 புள்ளிகளுடன் 7-வது இடத்தை பிடித்துள்ளது.

எதிர்நீச்சல்: முதல் சீசன் பெரிய வரவேற்பை பெற்று டி.ஆர்.பி ரேட்டிங்கில் முதலிடத்தில் இருந்த எதிர்நீச்சல் தற்போது பெரிய சறுக்கலை சந்தித்து 7.16 புள்ளிகளுடன் 8-வது இடத்தை பிடித்துள்ளது.

விஜய் டிவியின் பாண்டியன் ஸ்டோர்ஸ் மற்றும் பாக்கியலட்சுமி சீரியல், முறையே 9 மற்றும் 10வது இடத்தில் உள்ளன. முதல் சீசன் பெரிய வரவேற்பை பெற்றிருந்தாலும், 2-வது சீசன் தொடங்கி 2 வாரங்கள் கடந்தாலும் எதிர்நீச்சல், டாப் 5 இடத்தை பெற தத்தளித்து வருகிறது.