சின்னத்திரை ரசிகர்கள் மத்தியில் கவனம் ஈர்த்து வரும் சீரியல்கள் அவ்வப்போது முடிவடைவதும், புதிய சீரியல்கள் ஒளிபரப்பாவதும் வழக்கம். அந்த வகையில் தற்போது ஒரு சீரியல் முடிந்து 4 புதிய சீரியல்கள் விஜய் டிவியில் ஒளிபரப்பாக உள்ளதாக தகவல் வெளியாகியுள்ளது.
விஜய் டிவியில் கடந்த 2021-ம் ஆண்டு தொடங்கிய சீரியல் முத்தழகு. வைஷாலி தனிகா, ஆஷிஷ் சக்ரவர்த்தி ஆகியோர் முக்கிய கேரக்டரில் நடித்திருந்த இந்த சீரியல், 400 எபிசோடுகளை நெருங்கியுள்ள நிலையில், அடுத்த வாரத்துடன் இந்த சீரியல் முடிவுக்கு வர உள்ளது. பிக்பாஸ் நிகழ்ச்சியின் 8-வது சீசன் அக்டோபர் 6-ந் தேதி தொடங்க உள்ளதால், விஜய் டிவியின் சீரியல் ஒளிபரப்பு நேரம் மாற்றி அமைக்கப்பட்டு வருகிறது.
இதில் தற்போது முத்தழகு சீரியல் முடிவுக்கு வர உள்ளதாக தகவல் வெளியாகியுள்ள நிலையில், சீரியலின் இறுதி நாள் படப்பிடிப்பின்போது, எடுக்கப்பட்ட புகைப்படங்கள் இணையத்தில் வெளியாகியுள்ளது. முத்தழகு சீரியல் முடிவுக்கு வந்தாலும், அடுத்து விஜய் டிவியில் 4 புதிய சீரியல்கள் அடுத்தடுத்து வெளியாக உள்ளதாக தகவல்கள் வெளியாகியுள்ளது. ஏற்கனவே பிக்பாஸ் மீதான எதிர்பார்ப்பு ரசிகர்கள் மத்தியில் வரவேற்பை பெற்று வருகிறது.
இதனிடையே, டெலி ஃபேக்டரி, வினுஸ் இன்ஃபோடைமெண்ட், க்ளோபல் வில்லேஜர்ஸ் ஆகிய நிறுவனங்கள் தயாரிக்க உள்ள 4 புதிய சீரியல்கள் விஜய் டிவியில் அடுத்தடுத்து ஒளிபரப்பை தொடங்க உள்ளதாக தகவல்கள் வெளியாகி வருகிறது. அதே சமயம் இந்த சீரியல்கள் டைட்டில் என்னென்ன? நடிகர்கள் யார் நடிக்கிறார்கள் என்பது குறித்த தகவல் வெளியாகவில்லை என்றாலும், புதிய சீரியல்கள் குறித்து எதிர்பார்ப்பு ரசிகர்கள் மனதில் தொற்றிக்கொண்டுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/07/muthazhagu-serial.jpg)