மாமியாரை காப்பாற்றிய பாட்டு: அம்மாவை மதிக்காத மகள்கள் : கார்த்திகை தீபம், அண்ணா சீரியல் எபிசோடு

தீபாவின் பாட்டால் நடந்த அதிசயம்.. கண்விழித்த அபிராமி, ரம்யாவுக்கு ஷாக் கொடுத்த கார்த்திக்

கார்த்திகை தீபம் சீரியலின் நேற்றைய எபிசோடில் தீபா பாட்டு பாட தயாராக ரம்யா தீபாவுக்கு விஷத்தை கலந்த பானகத்தை கொடுக்க திட்டம் போட்டு கடைசியில அது அவளுக்கே ஆப்பாக அமைந்த நிலையில் இன்றும் நாளையும் நடக்கப்போவது என்ன என்பது குறித்துப் பார்க்கலாம்.

தீபா பாட்டு பாட தொடங்க அவள் அங்கு பாடப் பாட அபிராமிக்கு உடலில் அசைவுகள் ஏற்பட்டு தீபா பாடி முடித்ததும் கண் திறக்க, ரம்யா எல்லாத்துக்கும் காரணம் நான் பரிகாரம் செய்தது தான் என்று கிரெடிட்டை எடுத்துக் கொள்கிறாள். இதைப் பார்த்து தீபா கொஞ்சம் வருத்தப்பட கார்த்திக் அம்மா குணமாக உங்களுடைய பாட்டு தான் காரணம்னு எனக்குத் தெரியும் என்று ஆறுதல் சொல்கிறான். அதைத்தொடர்ந்து கார்த்திக் அபிராமியை சந்தித்து நீங்க கூடிய சீக்கிரம் பழைய படி திரும்பி வீட்டுக்கு வரணும் என்று எமோஷனலாக பேசுகிறான்.

அடுத்ததாக கார்த்திக் தீபாவை கூப்பிட்டு ஒரு வாய்ஸ் மெசேஜ் அனுப்பி இருந்தீர்களே எதுக்கு அப்படி ஒரு மெசேஜ் அனுப்பி இருந்தீங்க என்று கேட்க அத உங்களுக்கு மட்டுமில்லாமல் ரம்யாவுக்கும் அனுப்பி இருந்தேன்.. மைதிலி அண்ணி தான் இந்த சாமியார் பத்தி சொன்னாங்க.. பிறகு ரம்யா தான் சாமியார் குறித்த தகவல்களை தேடிப் பிடித்தாள். யார்கிட்டயும் சொல்ல வேண்டாம் எனவும் சொல்லி விட்டதாக சொல்கிறாள்.

அதன் பிறகு மைதிலி சாமியார் பெயரை கேட்க தீபா ஒரு பெயரை சொல்ல இது நாம சொன்ன சாமியார் இல்லையே என்பது தெரிய வருகிறது. அடுத்ததாக கார்த்திக் ரம்யாவை சந்தித்து எதுக்கு இப்படியெல்லாம் பரிகாரம் பண்ணீங்க என்று கேட்க, தீபாவுக்காக செய்ததாகவும் சாமியார் தான் இந்த விஷயத்தை யாரிடமும் சொல்லக்கூடாது என சொல்லிவிட்டதாகவும் சொல்கிறாள். 
கார்த்திக் அந்த சாமியார் மேல எனக்கு சந்தேகமா இருக்கு அவரை நான் பார்க்கணும் என்று சொல்லி ரம்யாவை கூட்டிக்கொண்டு அவரை தேடிக் கிளம்புகிறான்.  இப்படியான நிலையில் அடுத்ததாக நடக்கப்போவது என்ன என்பது குறித்து எதிர்பார்ப்பு எழுந்துள்ளது.

சுருண்டு விழுந்த சூடாமணி.. சண்முகத்திடம் வாங்கிய சத்தியம், ஷாக்கான வைகுண்டம்

அண்ணா சீரியலின் நேற்றைய எபிசோடில் ஜெயிலில் இருந்து கனவுகளோடு வந்த சூடாமணி மகள்கள் பேசிய பேச்சால் ஊரை விட்டு கிளம்ப, பரணி சண்முகம் அவளை தேடி வந்த நிலையில் இன்றும் நாளையும் நடக்க போவது என்ன என்பது குறித்து பார்க்கலாம்.

அதாவது, சண்முகமும் பரணியும் ஒரு பக்கம் சூடாமணியை தேடி வர இன்னொரு பக்கம் வெயில் தாங்காமல் சூடாமணி சுருண்டு விழ அவளது கையில் இருந்த பணமெல்லாம் காற்றில் பறந்து வந்து ஒரு சைக்கிள் முன்னே விழுகிறது. சைக்கிளில் ஹாயாக வந்த வைகுண்டம் என்ன பணம் பறந்து வருது என்று அதை எடுத்து கொண்டே முன்னேறி வர ஓரிடத்தில் சூடாமணி சுருண்டு விழுந்து கிடப்பதை பார்த்து அதிர்ச்சி அடைகிறான்.

அதன்பிறகு சூடாமணிக்கு தண்ணீர் தெளித்து எழுப்ப அவள் நம்ம பொண்ணுகளுக்கு நான் வந்ததே பிடிக்கல, திரும்பவும் ஜெயிலுக்கே போறேன் என்று கிளம்பி செல்ல, நீங்க எதுக்கு போகணும் என்று குரல் கேட்டு திரும்பி பார்க்க சண்முகமும் பரணியும்  நிற்கின்றனர். அடுத்து சூடாமணி நான் வந்தது பொண்ணுங்களுக்கு பிடிக்கல நான் எதுக்கு இங்க இருக்கணும் என்று சொல்ல சண்முகம் நீங்க யாருனு அவங்களுக்கு தெரியாது. இப்போவே நீ தான் அம்மானு சொல்லி காலில் விழுந்து மன்னிப்பு கேட்க சொல்கிறேன் என்று சொல்லி வீட்டிற்கு கூப்பிடுகின்றனர்.

ஆனால் சூடாமணி நான் தான் அம்மா என்ற உண்மையை சொல்ல கூடாது என்று சத்தியம் வாங்கி கொண்டு வீட்டிற்குள் நுழைகிறாள். வீட்டிற்கு வந்த சூடாமணி சூடம் ஏற்றி முருகனை கும்பிட்டு எல்லாருக்கும் ஆரத்தி காட்ட மூன்று பெண்களும் ஆரத்தியை தொட்டு கும்பிடாமல் நிற்கின்றனர். ஷண்முகம் தொட்டு கும்பிட சொல்ல அவர்கள் இவங்க யாருனு முதல்ல சொல்லு என்று கேள்வி எழுப்புகின்றனர். 

பிறகு சண்முகம் அம்மாவுக்கு தெரிந்தவங்க என்று சொல்ல மூன்று பெண்களும் வெறுப்பை காட்ட சூடாமணி வருத்தம் அடைகிறாள். பரணி எதுக்கு இப்படி நடந்துக்கிறீங்க என்று கேட்க அம்மா ஓடி போனதால் பட்ட அவமானங்களை சொல்லி ஆவேசப்படுகின்றனர். அடுத்த நாள் சூடாமணி சமையல் வேலையில் இருந்து வீட்டை சுத்தம் செய்யும் வேலை வரை அனைத்தையும் செய்கிறாள். 
பரணி தூங்க போனதை போலவே திரும்பி எழுந்து வர சண்முகமும் பரணியும் அன்னோன்யமாக இல்லை என்பதை புரிந்து கொள்கிறாள்.

பரணியுடம் நீங்க சந்தோசமாக தானே இருக்கீங்க என்று கேட்க அவளும் ஆமாம் என்று சமாளிக்கிறாள். மறுபக்கம் முத்துப்பாண்டி சஸ்பெண்ட் பீரியட் முடிந்து மீண்டும் வேலைக்கு கிளம்ப இசக்கி அவனது ஷூவுக்கு பாலிஸ் போட்டு கொடுக்க இதை பார்த்த சௌந்தரபாண்டி என் புள்ள என்னைக்கும் எனக்கு புள்ளையாக மட்டும் தான் இருக்கனும், இவங்கள சேர விட மாட்டேன் என்று முடிவெடுக்கிறார். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.