சத்தியத்தை மீறிய தீபா... இதை அப்போவே செஞ்சிருக்கலாமே! கார்த்தி ரியாக்ஷன்

ஜீ தமிழ் டாப் சீரியல்களின் சுவாரசிய அப்டேட்

ஜீதமிழ்  தொடர்ந்து புது விதமான கதை காலத்துடன் கூடிய தொடர்களை அறிமுகப்படுத்தி வரும் நிலையில், இதில் பல தொடர்கள் மக்கள் மத்தியில் பெரும் வரவேற்பை பெற்று வருகின்றன. அந்த வகையில், அவற்றில் அதிக டி.ஆர்.பி புள்ளிகளை பெற்றுவரும், கார்த்திகை தீபம், அண்ணா, இதயம் சீரியல்களில் சமீபமாக நடந்த சுவாரசிய நிகழ்வுகள் குறித்து காணலாம்

கார்த்திகை தீபம்:

பல்லவியாக கார்த்திக்கிடம் அறிமுகமாகும் பெண்.. அதிர்ச்சியில் தீபா எடுத்த முடிவு

கார்த்திகை தீபம் சீரியலில் நேற்றைய எபிசோடில் ஐஸ்வர்யா சிதம்பரத்தை சந்தித்து கார்த்தியை பழி வாங்க கூட்டு சேர்ந்த நிலையில் இன்று ஐஸ்வர்யா ரூபஸ்ரீயையும் கோகிலாவையும் சந்தித்து கார்த்திக்கிடம் பல்லவி தீபா தான் என்ற விஷயத்தை உடைத்து விடலாம் என சொல்ல அவள் ஏன் சொல்லணும்? அப்படி சொன்னா நிறைய பிரச்சனைகள் வரும் என சொல்கிறாள். ஆனால் ஐஸ்வர்யா நீ தப்பிக்க இப்போதைக்கு இருக்கும் ஒரே வழி இது தான் ஏ என்று சொல்ல அவளும் ஓகே சொல்கிறாள்.

அடுத்ததாக கார்த்திக்கு போன் செய்து பல்லவியை உங்களுக்கு அறிமுகப்படுத்தி வைக்க போறேன், அவங்களும் உங்களை பார்க்கணும்னு சொல்லி இருக்காங்க என்று சொல்ல கார்த்திக் மீட் செய்ய ஓகே சொல்கிறான். மறுநாள் காலையில் தீபா வீட்டில் இருந்து காணாமல் போக கார்த்திக் மீனாட்சியிடம் தீபாவை பற்றி அவள் ஆபிஸ் போனதாக சொல்கிறாள்.

சனி ஞாயிறு ஆபிஸ் இல்லையே என்று யோசித்து கார்த்திக் தீபாவை தேடி கிளம்ப மறுபக்கம் தீபா கார் ஓட்ட கற்றுக் கொள்ள வந்திருக்கிறாள். தீபாவுக்கு பயிற்சி கொடுக்க வந்த அசின் எப்படி ஓட்ட வேண்டும் என சொல்லி தராமல் ஓட்ட சொல்ல தீபா காரை மூவ் பண்ணதும் ஆப் ஆகி விடுகிறது. இதனால் தீபாவை திட்ட அங்கு வரும் கார்த்திக் முதலில் நீங்க எப்படி ஓட்டணும்னு ஒட்டி காட்டி சொல்லி கொடுத்து இருக்கனும் என சொல்ல இருவருக்கும் இடையே வாக்குவாதம் உருவாகிறது.

அதன் பிறகு அசின் அப்படினா நீங்க ஓட்ட சொல்லி கொடுங்க என்று சொல்ல கார்த்திக் தீபாவுக்கு கார் ஓட்ட சொல்லி கொடுக்கிறான். பிறகு ரூபஸ்ரீ தீபாவுக்கு போன் செய்து கார்த்திக்கிடம் பல்லவி நீ தான் என்ற உண்மையை சொல்லி விட போறேன் என்று சொல்கிறாள். நாளைக்கு நான் சொல்லும் இடத்திற்கு வர சொல்கிறாள்.

மறுநாள் கார்த்திக் ஒரு காபி ஷாப்பிற்கு வர தீபாவும் அங்கு வர ரூபஸ்ரீ தீபாவிடம் பேசி கொண்டிருக்கும் போது கார்த்திக்கிடம் ஒரு பெண் நான் தான் பல்லவி என அறிமுகமாக அதை பார்த்து தீபா ஷாக்காக ரூபஸ்ரீ இப்போ போய் நான் தான் பல்லவினு சொல்லு பார்க்கலாம் என ஷாக் கொடுக்கிறாள். இதனால் தீபா வேகவேகமாக வந்து கார்த்திக்கிடம் நான் தான் பல்லவி, அவ பொய் சொல்கிறாள் என்ற உண்மையை உடைக்கிறாள். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.

இதில் ஏற்கனவே கார்த்தியிடம் நான் தான் பல்லவி என்று சொல்வதை தவிர்த்து வந்த தீபா, இப்போது வேறு பெண் நான் தான் பல்லவி என்று வந்தவுடன் எதற்காக அவசர அவசரமாக உண்மையை சொல்ல வேண்டும்? அப்படி கார்த்திக்கு தெரிய வேண்டும் என்றால் முன்பே சொல்லி இருக்கலாமே! கார்த்திக்கு தெரிய கூடாது என்றால் புதிதாக பல்லவி என்று ஒரு பெண் வந்திருக்கிறாள் நாம் தப்பித்தோம் என்று இருந்திருக்கலாம். ஆனால் இப்போது தீபா உண்மையை சொல்லி சத்தியத்தையும் மீறிவிட்டார். கார்த்தியிடமும் மாட்டிக்கொண்டார்.

அண்ணா:

கிளினிக் வைக்க உதவ வந்த ஷண்முகம்.. பரணி கொடுக்கும் ஷாக் –

அண்ணா சீரியலில் நேற்றைய எபிசோடில் பரணி ரூமுக்குள் சண்முகத்திடம் அவனை காப்பாற்றியதாக சொல்லிய நிலையில் இன்று சண்முகம் தூக்கத்தில் இருந்து கண் விழிக்க பக்கத்தில் பரணி படுத்திருப்பதை பார்த்து ஷாக்காகி நீ என்ன இங்க படுத்து இருக்க என்று கேட்க அவன் நம்ம புருஷன் பொண்டாட்டி தானே? படுத்தா என்ன தப்பு என நெருங்கி வர பிறகு அது ஷண்முகம் கண்ட கனவு என தெரிய வருகிறது.

அடுத்து சண்முகம் இதே நினைப்பில் இருக்க பரணி தலை குளித்து காபி கொண்டு வந்து கொடுத்து எழுப்ப காபியை குடித்த ஷண்முகம் காபி சூப்பர் என பாராட்ட கடைசியில் அதை குடுத்தது இசக்கி எனவும் அதுவும் காபி கிடையாது டீ என்பதும் தெரிய வருகிறது. ஷண்முகத்திடம் உனக்கு என்ன ஆச்சு அண்ணே என்று கேட்க ஷண்முகம் எல்லாமே மனப்பிரம்மை என்பதை உணர்கிறான்.

தொடர்ந்து பரணி மற்றும் ரத்னா இருவரும் அடகு கடை ஒன்றிற்கு வந்து நகையை விற்க வேண்டும் என்று சொல்ல கடைக்காரர் சௌந்தரபாண்டி பொண்ணு நீயா நகையை விக்கிற என ஆச்சரியமாக கேட்க யாரா இருந்தால் என்னயா? நகையை வச்சிட்டு பணத்தை கொடு என வாங்கி வருகிறாள். இருந்தாலும் கிளீனிக் தொடங்க இன்னும் 5 லட்சம் ரூபாய் தேவைப்படும் என்பதால் என்ன செய்வது என தெரியாமல் தவிக்கிறாள்.

வீட்டிற்கு வந்ததும், சண்முகத்தின் தங்கைகள் அவர்களது நகைகளையும் எடுத்து கொடுக்க பரணி வாங்க மறுக்க வைகுண்டம் நல்ல விஷயத்துக்காக தானே வாங்கிக்கமா என்று சொல்ல பரணி வாங்கி கொள்கிறாள். சண்முகமும் உதவுவாக சொல்கிறான். நீ அதை கடனாக கூட வச்சிக்க என்று சொல்ல உன்கிட்ட கடன் வாங்குறதுக்கு நான் வெளியவே வாங்கிக்கறேன் என சொல்லி ரத்னாவை கூட்டி கொண்டு வெளியே கிளம்புகிறாள்.

மோசமான கந்து வட்டி காரன் ஒருவனை சந்தித்த பணம் கேட்க வர அவன் சௌந்தரபாண்டி மகள் என தெரிந்ததும் பணத்தை கொடுக்கிறேன் என சொல்லி அனுப்புகிறான். பிறகு கிளீனிக் வைக்க உள்ள பழைய பில்டிங்கிற்கு வந்து அதை எப்படி ரெடி செய்து கிளீனிக் நடத்துவது என திட்டம் போடுகின்றனர். மேலும் கிளினிக்கிற்கு என்ன பெயர் வைக்கலாம் என்ற கேள்வி எழ வெட்டுக்கிளி அண்ணன் சண்முகம் பெயரை வைக்கலாம் என்று சொல்ல பரணி கடுப்பாகிகிறாள். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு எழுந்துள்ளது.

இதயம்:

அம்பலமாகும் ஆதியின் உண்மை முகம்.. பாரதி செய்யப் போவது என்ன? ஸ்வேதாவுக்கு ஷாக்

இதயம் சீரியலின் நேற்றைய எபிசோட்டில் கேசவ் லதா மற்றும் பாரதியை ஸ்வேதா கண்ணில் படாமல் அனுப்பி வைக்க முடிவெடுத்த நிலையில் இன்று பாரதி மற்றும் லதாவிடம் வந்து கல்யாணத்துக்கு வந்தவர்களுக்கு தாம்பூல பை கொடுக்கணும் அதுக்கு பேக் பண்ற வேலை இருக்கு மேல போய் அத பாருங்க என்று சொல்லி அனுப்பி வைத்து விட இவர்கள் மேலே வர மணப்பெண் சுவேதாவை நடனமாடி மேடைக்கு அழைத்து வருகின்றனர்.

மேடையில் ஆதி தன்னை அறியாமல் ஸ்வேதாவை விட்டு தள்ளி தள்ளி செல்ல அவளுக்கு சந்தேகம் வருகிறது. இருப்பினும் அதனை வெளிக்காட்டிக் கொள்ளாமல் கீழே வந்து டிஜே மியூசிக்கிற்கு நடனமாடுகிறாள். ஆதியையும் தன்னுடன் நடனமாட அழைக்க அவன் வர மறுத்து விடுகிறான்.

இந்த நேரத்தில் தமிழ் பாப்பா வந்து ஸ்வேதாவுடன் டான்ஸ் ஆடி பிறகு ஆதியையும் கூப்பிட அப்போது ஆதி தமிழுக்காக வந்து டான்ஸ் ஆட ஸ்வேதாவின் சந்தேகம் இன்னும் அதிகமாகிறது. கீழே டான்ஸ் ஆடும் சத்தம் கேட்டு பாரதி மற்றும் லதா இருவரும் இறங்கி வர அந்த நேரம் பார்த்து ஸ்வேதா வெளியே சென்று விட பார்த்துக் கொள்ளாமல் மிஸ் செய்து விடுகின்றனர்.

இவர்களை பார்த்து கேசவ் உங்களுக்கு இன்னொரு வேலை இருக்கு வெளியே கார்ல வெயிட் பண்ணுங்க என்று சொல்லி அனுப்பி வைக்க ஸ்வேதா திரும்பவும் மேடைக்கு வர அப்போது டிஜே சாரதா குரூப் ஆஃப் கம்பெனி எம்டி ஆதிக்கு கல்யாணம் நடக்கப் போகிறது என்று அறிவிக்க அந்த சமயம் பார்த்து பாரதி மண்டபத்திற்குள் வர ஆதி தான் எம்டி என்ற ரகசியம் உடைகிறது. இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு எழுந்துள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“