பூர்வீகம் கேரளா... தமிழகத்தை ஆண்ட முதல் நடிகை இவர்தான்; முழு விவரம்

இந்திய அரசியல் வரலாற்றில், தமிழ்நாட்டில் இரண்டு நடிகைகள் மட்டுமே முதல்வர் பதவியை வகித்துள்ளனர். அவர்களில் ஒருவர், 14 ஆண்டுகள் 124 நாட்கள் மாநிலத்தின் முதல்வராகப் பணியாற்றிய ஜெ.ஜெயலலிதா. பஞ்சாப் மாநிலத்தின் முன்னாள் முதல்வர் ஷீலா தீட்சித்துக்குப் பிறகு, இந்தியாவில் இரண்டாவது மிக நீண்ட பெண் முதல்வராகப் பதவி வகித்தவர் ஜெயலலிதா தான்.

அதே சமயம், ஜெயலலிதாவின் அரசியல் பயணத்திற்கு முன்பு, மற்றொரு நடிகை குறிப்பிட்ட சில நாட்கள் முதல்வர் பதவியை வகித்தார். அவரது பெயர் வி.என்.ஜானகி ராமச்சந்திரன். பிரபலமான பழம்பெரும் நடிகை மற்றும் பழம்பெரும் நடிகரும் அரசியல்வாதியுமான எம்.ஜி.ஆரின் மனைவி தான் வி.என்.ஜானகி அவர் தமிழக அரசியலில் ஒரு உயர்ந்த நபராக இருந்தார்.

வி.என்.ஜானகி ராமச்சந்திரனின் ஆரம்பகால வாழ்க்கை

வைக்கம் நாராயணி ஜானகி செப்டம்பர் 23, 1924 அன்று கேரளாவில் பிறந்தார். வலுவான கலைப் பின்னணி கொண்ட ஒரு குடும்பத்தில் வளர்ந்த ஜானகி இசை மற்றும் நடனத்தால் ஆழமாக ஈர்க்கப்பட்டார். அவரது மாமா பாபநாசம் சிவன், ஒரு புகழ்பெற்ற கர்நாடக இசைக்கலைஞர். இசைக்கலைஞராக இருந்த ஜானகியின் தந்தை ராஜகோபால் ஐயருக்கு 1936 ஆம் ஆண்டில், மெட்ராஸ் மெயில் படத்திற்கு பாடல் எழுதும் வாய்ப்பு கிடைத்தது. இதன் காரணமாக அவரது குடும்பம் சென்னைக்கு இடம்பெயர்ந்தது.

பாரம்பரிய இசை மற்றும் நடனம் இரண்டிலும் பயிற்சி பெற்றிருந்த ஜானகி இறுதியில் சினிமா உலகில் அடியெடுத்து வைத்தார். பல ஆண்டுகளாக, அவர் பல படங்களில் நடித்திருந்தாலும், பெரும்பாலும் தமிழ்நாட்டின் மிகவும் செல்வாக்கு மிக்க அரசியல் தலைவர்களில் ஒருவராக மாறிய எம்.ஜி.ராமச்சந்திரனுடன் (எம்ஜிஆர்) பல படங்களில் நடித்து கவனம் ஈர்த்தார்.

வி.என். ஜானகி ராமச்சந்திரனின் பதவிக்காலம்

1987 இல் எம்ஜிஆரின் மரணத்தைத் தொடர்ந்து, எம்ஜிஆரின் நெருங்கிய தோழியும், அரசியல் வாரிசுமான ஜெ.ஜெயலலிதாவுடன் ஒரு அரசியல் போரின் மையத்தில் ஜானகி தன்னை ஈடுபடுத்திக்கொண்டார். கடுமையான அதிகாரப் போராட்டம் இருந்தபோதிலும், தொண்டர்களின் ஆதரவுடன் ஜானகி சிறிது காலம் தமிழ்நாட்டின் முதல் பெண் முதலமைச்சரானார். இருப்பினும், அவரது பதவிக்காலம் ஜனவரி 7, 1988 முதல் ஜனவரி 30, 1988 வரை வெறும் 23 நாட்கள் மட்டுமே நீடித்தது. குறுகிய காலமாக இருந்தாலும், இந்திய வரலாற்றில் முதல்வர் ஆன முதல் நடிகை என்ற பெருமையைப் பெற்றதால் அவரது நியமனம் வரலாற்றில் குறிப்பிடத்தக்க ஒன்றாக இருக்கிறது,

அரசியல் மரபு

வி.என். ஜானகி மற்றும் ஜெயலலிதா இருவரும் தமிழ்நாட்டின் முக்கிய அரசியல் சக்தியான அனைத்திந்திய அண்ணா திராவிட முன்னேற்றக் கழகம் (AIADMK) கட்சியின் முக்கிய உறுப்பினர்களாக இருந்தனர். ஜானகியின் முதல்வரின் பதவிக்காலம் குறுகிய காலமே நீடித்திருந்தாலும், இந்திய அரசியல் வரலாற்றில் அவரது பங்கு ஒரு தனித்துவமான அத்தியாயமாகவே உள்ளது.