கூலி படம் வெற்றி பெற சிறப்பு பூஜை: ரஜினி உடல்நலத்துடன் வாழ ரசிகர்கள் வேண்டுதல்!

கூலி திரைப்படம் வெளியாக உள்ள நிலையில், ரஜினிகாந்த் உடல் நலத்துடன் பூரண ஆயுளுடன் வாழ வேண்டும் என்பதற்காகவும் அவரது ரசிகர்கள் பிரார்த்தனை செய்தனர்.

தமிழ் சினிமாவின் முன்னணி நடிகரான ரஜினிகாந்த் முன்னணி இயக்குனர் லோகேஷ் கனகராஜ் இயக்கததில் நடித்துள்ள படம் கூலி. தெலுங்கு நடிகர் நாகர்ஜூனா, மலையாள நடிகர் சௌபின், கன்னட நடிகர் உபேந்திரா, இந்தி நடிகர் அமீர்கான், உள்ளிட்ட பல முன்னணி நடிகர்கள் நடித்துள்ள இந்த படத்தில், 39 ஆண்டுகளுக்கு பிறகு சத்யராஜ் ரஜினிகாந்துடன் இணைந்து நடித்துள்ளார். அனிருத்த இசையமைத்துள்ள இந்த படத்திற்கு பெரிய எதிர்பார்ப்பு எழுந்துள்ளது.

இதனிடையே கூலி படம் சுதந்திர தினத்தை முன்னிட்டு ஆகஸ்ட் 14-ந் தேதி வெளியாக உள்ள நிலையில், திருச்சி ஸ்ரீரங்கம் பகுதியில் உள்ள செல்வ விநாயகர் கோவிலில், திருச்சி மாவட்ட ரஜினிகாந்த் ரசிகர்கள் கூலி திரைப்படம் வெற்றி பெற வேண்டி சிறப்பு பூஜை நடத்தினர். நடிகர் ரஜினிகாந்தின் போஸ்டர்களை கையில் ஏந்தியவாறு கோவிலுக்கு அணிவகுத்து வந்த அவர்கள், படத்தின் வெற்றிக்காகவும், சூப்பர் ஸ்டார் ரஜினிகாந்த் உடல் நலத்துடன் பூரண ஆயுளுடன் வாழ வேண்டும் என்பதற்காகவும் பிரார்த்தனை செய்தனர். பூஜைக்குப் பின், ரஜினிகாந்த் பேனருக்கு முன்பு பூசணிக்காய் உடைத்து வழிபாடுகளில் ஈடுபட்டனர்.

க.சண்முகவடிவேல்