தமிழ் ரசிகர்களின் அன்பு பரிசு; தமிழனாக மாறிய நானி: 'ஹிட் 3' ப்ரமோஷனில் நடந்த சுவாரசியம்

தெலுங்கு சினிமாவின் முன்னணி நடிகராக வலம் வரும் நானி, தற்போது நடித்துள்ள ஹிட் தி தேர்டு கேஸ் படத்தின் வெளியீட்டுக்கான ப்ரமோஷன் பணிகளில் தீவிரமாக ஈடுபட்டுள்ள நிலையில், தமிழக ரசிகர்கள் அவருக்கு சிறப்பான அன்பளிப்பு ஒன்றை அளித்துள்ளது.

சினிமா மொழி, தேசம், எல்லைகள் அனைத்தையும் தாண்டி ரசிகர்களை ஒன்றிணைக்கும் சக்தி கொண்டது. இதற்கு சமீபத்திய உதாரணமாக அமைந்தது. தெலுங்கு சினிமாவில், நேச்சுரல் ஸ்டார் என்று அழைக்கப்படும் நடிகர் நானி தற்போது நடித்துள்ள படம் ஹிட் தி தேர்டு கேஸ். வரும் மே 1-ந் தேதி இந்த படம் வெளியாக உள்ள நிலையில், படத்தின் ப்ரமோஷன் பணிகள் நானி தீவிரமாக ஈடுபட்டு வருகிறார்.

அந்த வகையில், சென்னையில் நடைபெற்ற ப்ரமோஷன் நிகழ்ச்சியில், நானிக்கு தமிழ்நாட்டைச் சேர்ந்த அவரது ரசிகர்கள் ஒரு சிறப்பு பரிசு வழங்கி தங்களது அன்பையும் ஆதரவையும் வெளிப்படுத்தினர். அந்தப் பரிசு என்னவென்று தெரியுமா? "தமிழ்நாட்டிலிருந்து அன்பு" என்று தமிழில் பொறிக்கப்பட்ட ஒரு அழகான சட்டைதான் அது! இந்த அன்பளிப்பைப் பார்த்ததும் நானி நெகிழ்ந்து போனார். ரசிகர்கள் தங்களது அன்பை இப்படி ஒரு அழகான பரிசின் மூலம் வெளிப்படுத்தியதை அவர் மனதார பாராட்டினார்.

இந்த நிகழ்வு, சினிமா வெறும் பொழுதுபோக்கு சாதனம் மட்டுமல்ல, அது இதயங்களை இணைக்கும் ஒரு பாலமாகவும் திகழ்கிறது என்பதை உணர்த்துகிறது. நானியின் நடிப்புக்கும், அவரது திரைப்பங்களிப்புக்கும் தமிழ்நாட்டு ரசிகர்கள் தங்களது அன்பையும் மரியாதையையும் இந்தச் செயலின் மூலம் வெளிப்படுத்தினர். நானியும் தனது ரசிகர்களின் இந்த அன்பான பரிசை மிகுந்த மரியாதையுடனும் நன்றியுடனும் ஏற்றுக்கொண்டார்.

தங்களது நிலையான ஆதரவுக்கும் அன்புக்கும் அவர் தனது நன்றியைத் தெரிவித்தார். இந்தச் செயல், நடிகருக்கும் ரசிகர்களுக்கும் இடையிலான பிணைப்பை மேலும் வலுப்படுத்தியது. 'ஹிட் 3' படத்தின் விளம்பர நிகழ்ச்சியின் இந்த தருணம், ரசிகர்களுக்கும் நானிக்கும் ஒரு மறக்க முடியாத நினைவாக அமைந்தது. ஒரு நட்சத்திரத்தையும் அவரது ரசிகர்களையும் இணைக்கும் உணர்வுப்பூர்வமான பந்தத்தை இது எடுத்துக்காட்டுகிறது.

ஸ்ரீநிதி ஷெட்டி, நாயகியாக நடித்துள்ள இந்த படத்தில் சூர்யா சீனிவாஸ், ரியோ ரமேஷ் உள்ளிட்ட பலர் நடித்துள்ளனர். ஹிட் வரிசையில் ஏற்கனவே வெளியான 2 படங்கள் பெரிய வரவேற்பை பெற்றிருந்த நிலையில், தற்போது 3-வது பாகம் பெரிய எதிர்பார்ப்பை ஏற்படுத்தியுள்ளது.