தளபதி விஜய் நடிப்பில் வெளியாகியுள்ள லியோ திரைப்படம் வசூலில் புதிய சாதனை படைத்து வரும் நிலையில், தற்போது உலகளவில் லியோ ரூ500 கோடி வசூலித்துள்ளதாக தகவல் வெளியாகியுள்ளது
லோகேஷ் கனகராஜ் இயக்கத்தில் தளபதி விஜய் நடித்துள்ள படம் லியோ. த்ரிஷா, சஞ்சய் தத், அர்ஜூன், கௌதம்மேனன் உள்ளிட்ட இந்திய சினிமாவின் முன்னணி நட்சத்திரங்கள் பலர் நடித்துள்ள இந்த படம் கடந்த அக்டோபர் 19-ந் தேதி வெளியானது. கலவையான விமர்சனங்களை பெற்று வந்தாலும், லியோ படம் வசூலில் பல சாதனைகளை படைத்து வருகிறது.
அதன்படி லியோ படம் தற்போது வசூலில் 2 புதிய மைல்கல்லை எட்டியுள்ளது. 7-வது நாளான நேற்று, லியோ படம் இந்தியாவில் உள்ள அனைத்து மொழிகளிலும் ரூ.12 வசூலித்துள்தாக என்று இண்டஸ்ட்ரி டிராக்கர் சாக்னில்க் கூறுகிறார், இதன் மூலம் லியோ படம் ஒரே வாரத்தில், இந்தியாவில் ரூ. 250 கோடிக்கு மேல் வசூலித்துள்ளது மற்றும் உலகம் முழுவதும் ரூ.500 கோடிக்கு மேல் வசூலித்துள்ளது.
லியோவின் தற்போதைய இந்திய வசூல் ரூ. 262 கோடியாக உள்ளது, அதே நேரத்தில் அதன் உலகளாவிய வசூல் ரூ. 500 கோடியைத் தாண்டியுள்ளது என்று படத்தின் அதிகாரப்பூர்வ எக்ஸ் (முன்னர் ட்விட்டர்) கணக்கு தெரிவிக்கிறது. இதன் மூலம், ரஜினிகாந்தின் ஜெயிலருக்குப் பிறகு, நடப்பு ஆண்டில் 500 கோடியை கடந்த 2-வது படம் லியோ. அதேபோல் அனைத்து காலத்திலும் ரூ500 கோடி வசூல் செய்த 3-வது தமிழ் படமாக லியோ உள்ளது. முதலிடத்தில் 2.0 2-வது இடத்தில் ஜெயலர் உள்ளது.
வெளியான முதல் நாளில் இந்தியா முழுவதும் ரூ 64 வசூல் செய்த லியோ, தமிழ்த் திரைப்படம் ஒன்றின் இரண்டாவது பெரிய ஓப்பனிங்கை பெற்றது. அதைத் தொடர்ந்து 2-வது நாளில் ரூ 35 கோடி, 3-வது நாளில் ரூ 39 கோடி, 4-வது நாளில் ரூ 41 கோடி, 5-வது நாளில் ரூ.35 கோடியும், 6-வது நாளில் ரூ.31 கோடியும் வசூலித்துள்ளது. படத்தின் இதுவரை வசூலில் பெரும்பகுதி தமிழ்நாட்டிலிருந்து வந்தாலும், லியோ கேரளாவிலும் சாதனை படைத்து வருகிறது.
கேரளாவில் 7-வது நாளில் 2 கோடி ரூபாய் வசூலித்த லியோ திரைப்படம் ஏழாம் நாளில் திரைப்படத்திற்கான ஒட்டுமொத்த தமிழ் மொழி ஆக்கிரமிப்பு 34% என பதிவாகியுள்ளது. அதேபோல் ஒடிடி சர்ச்சை காரணமாக இந்தியில் மல்டிபிளக்ஸ்களில் வெளியிடப்படாத போதிலும், லியோ படம் இந்தியில் 15 கோடி ரூபாய்க்கு மேல் வசூலித்துள்ளது. கார்த்தியின் கைதி மற்றும் கமல்ஹாசனின் விக்ரம் உள்ளிட்ட லோகேஷின் சினிமா பிரபஞ்சத் திரைப்படங்களுடனான அதன் தொடர்புகளிலிருந்து அதைச் சுற்றியுள்ள உற்சாகம் உருவாகிறது.
கைதி, விக்ரம் ஆகிய படங்களை விட லியோ சிறப்பான வரவேற்பை பெற்று வருகிறது. இது ஜெயிலரின் ரூ.604 கோடி உலகளாவிய வசூலை முந்த முடியுமா என்பதை பொறுத்திருந்து தான் பார்க்க வேண்டும். ஏழாவது நாளில் வசூலில் கணிசமான சரிவு ஏற்பட்டாலும், லியோ உலகளவில் ரூ.600 கோடியைத் தாண்டுவது முற்றிலும் சாத்தியம் தான்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/BdWrHMTAvqyB6VYJCxR5.jpg)