'10 படம் இல்ல... அதுக்கு மேல': லோகேஷ் கனகராஜ் ஓபன் டாக்

தமிழ் சினிமாவின் தவிர்க்க முடியாத இயக்குனர்களில் ஒருவர் லோகேஷ் கனகராஜ். மாநகரம் தொடங்கி லியோ வரை, ஒவ்வொரு படத்திலும் தனது தனித்துவமான முத்திரையைப் பதித்துவந்த லோகேஷ், தற்போது ரஜினிகாந்த்தை வைத்து "கூலி" என்ற படத்தை இயக்கி வருகிறார். அனிருத் இசையமைத்துள்ள இப்படத்தில் சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத்பாசில், ரெபா மோனிகா ஜான், உபேந்திரா உள்ளிட்டோர் நடித்துள்ளனர். கூலி திரைப்படம் ஆகஸ்ட் 14-ம் தேதி வெளியாகிறது.

அண்மையில், சுதிர் ஸ்ரீனிவாசன் என்ற யூடியூப் சேனலுக்கு நேர்க்காணல் கொடுத்திருக்கும் லோகேஷ் கனகராஜ் பல சுவாரசிய தகவல்களைப் பகிர்ந்துள்ளார். அதில், தனது திரைப்பயணம் குறித்து மனம் திறந்து பேசியுள்ளார். தான் ஒரு குறிப்பிட்ட எண்ணிக்கையிலான படங்களுக்கு பின் சினிமாவை விட்டு விலகப்போவதில்லை என்று திட்டவட்டமாக கூறிய லோகேஷ், மூத்த இயக்குனர்களின் அறிவுரையை மேற்கோள் காட்டி தனது நிலைப்பாட்டை தெளிவுபடுத்தினார்.