சாதிய பாகுபாட்டை புட்டுப் புட்டு வைத்த டாப் படங்கள்... இந்த ஓ.டி.டி-யில் இருக்கு!

தமிழ் சினிமாவில் சாதிய பாகுபாட்டை வைத்து பல படங்கள் வெளியாகியுள்ளது. இயக்குநர் மாரி செல்வராஜ், பா.இரஞ்சித் உட்பட பலர் சாதிய பாகுபாடு தொடர்பான படங்களை இயக்கியுள்ளனர்.
இதில், கடந்த 2018-ஆம் ஆண்டு இயக்குநர் மாரி செல்வராஜ் இயக்கத்தில் வெளியான திரைப்படம் ‘பரியேறும் பெருமாள்’. 

இந்த படத்தில் கதிர், கயல் ஆனந்தி, கராத்தே வெங்கடேசன், பூ ராம் உட்பட பலர் நடித்திருந்தனர்.
ஒரு சமூகத்தில் இருக்கும் மிகப்பெரிய சாதிக் கொடுமையை இப்படம் எடுத்துக் காட்டியது. அதிலும், கயல் ஆனந்தியின் இல்லத் திருமண விழாவிற்கு வந்த கதிரை சாதி வெறியால் கயல் ஆனந்தியின் உறவினர்கள் அடிக்கும் காட்சி திரையரங்கில் பலரின் கண்களிலும் கண்ணீரை வரவழைத்து.

இப்படத்தில் கயம் ஆனந்தியின் ‘ஜோ’ கதாபாத்திரம் பெரிதும் பேசப்பட்டது. சாதி கொடுமைகள் தொடர்பான பல உண்மைகளை வெளிப்படையாக பேசிய இப்படம் மிகப்பெரிய வரவேற்பை பெற்றது. இந்த படத்தை அமேசான் பிரைம் ஓடிடி தளத்தில் காணலாம்.

அடுத்ததாக, இயக்குநர் வெற்றிமாறன் இயக்கத்தில் வெளியாகி சூப்பர் ஹிட்டடித்த திரைப்படம் ‘அசுரன்’. இந்த படத்தில்  தனுஷ், மஞ்சுவாரியர், பசுபதி, பிரகாஷ் ராஜ் உட்பட பலர் நடித்திருந்தனர். ‘நம்ம கிட்ட இருந்து காட்ட எடுத்துகிடுவானுக சொத்த எடுத்துகிடுவானுக ஆனா படிப்ப மட்டும் எடுக்க முடியாது’ போன்ற வசனங்கள் இன்றும் கைத்தட்டல்களை பெறும் வசனமாக உள்ளது. இந்த படத்தை அமேசான் பிரைம் ஓடிடி தளத்தில் பார்க்கலாம்.

இயக்குநர் சுசீந்திரன் இயக்கத்தில் கடந்த 2016-ஆம் ஆண்டு வெளியான திரைப்படம் ‘மாவீரன் கிட்டு’. இந்த படத்தில் விஷ்ணு விஷால், ஸ்ரீ திவ்யா, பார்த்திபன் உட்பட பலர் நடித்திருந்தனர். சாதிய கொடுமையை பேசும் இந்த படத்தை ஜியோ ஹாட்ஸ்டார் ஓடிடி தளத்தில் பார்க்கலாம்.

கடந்த 1997-ஆம் ஆண்டு இயக்குநர் சேரன் இயக்கத்தில் வெளியான திரைப்படம் ‘பாரதி கண்ணம்மா’. இந்த படத்தில் பார்த்திபன், மீனா உட்பட பலர் நடித்திருந்தனர். கீழ் சாதியை சேர்ந்த பார்த்திபன் மேல் சாதியை சேர்ந்த மீனாவை காதலிக்கிறார். இதனால் ஏற்படும் பிரச்சனைகள் குறித்து இந்த படம் பேசுகிறது. இந்த படத்தை யூடியூபில் இலவசமாக காணலாம்.

இயக்குநர் மாரி செல்வராஜ் இயக்கத்தில் வெளியான திரைப்படம் ‘கர்ணன்’. இந்த படத்தில் தனுஷ், ரெஜிஷா விஜயன் உட்பட பலர் நடித்திருந்தனர். இப்படத்தை அமேசான் பிரைம் ஓடிடி தளத்தில் இலவசமாக பார்க்கலாம்.

இயக்குநர் ராஜீவ் மேனன் இயக்கத்தில் வெளியான திரைப்படம் ‘சர்வம் தாளமயம்’. இந்த படத்தில் ஜி.வி.பிரகாஷ், நெடுமுடி வேணு, அபர்ணா பலமுரளி உட்பட பலர் நடித்திருந்தனர். சங்கீத துறையில் இருக்கும் சாதிய பாகுபாடுகளை இந்த படம் பேசுகிறது. இந்த திரைப்படமானது அமேசான் பிரைம் ஓடிடி தளத்தில் காணக் கிடைக்கிறது.