Advertisment

மதுரை தியேட்டரில் 'நெஞ்சுக்கு நீதி': டிக்கெட் வழங்கி தொடங்கி வைத்த அமைச்சர் மூர்த்தி

மதுரை மாவட்டம், மேலூரில் உள்ள தனியார் திரையரங்கில், திமுக இளைஞரணி செயலாளரும், திருவல்லிக்கேணி - சேப்பாக்கம் எம்.எல்.ஏ-வுமான உதயநிதி ஸ்டாலின் நடித்த நெஞ்சுக்கு நீதி திரைப்படத்தை அமைச்சர் மூர்த்தி டிக்கெட் வழங்கி தொடங்கி வைத்தார்.

author-image
WebDesk
New Update
மதுரை தியேட்டரில் 'நெஞ்சுக்கு நீதி': டிக்கெட் வழங்கி தொடங்கி வைத்த அமைச்சர் மூர்த்தி

மணி, மதுரை

Advertisment

மதுரை மாவட்டம், மேலூரில் உள்ள கணேஷ் காம்ளைக்ஸ் திரையரங்கில், திமுக இளைஞரணி செயலாளரும், திருவல்லிகேணி - சேப்பாக்கம் தொகுதி எம்.எல்.வுமான உதயநிதி ஸ்டாலின் நடித்த நெஞ்சுக்கு நீதி திரைப்படம் திரையிடப்பட்டுள்ள நிலையில், அதனை தமிழக வணிகவரி மற்றும் பத்திரபதிவுத்துறை அமைச்சர் மூர்த்தி தொடங்கி வைத்தார்.

publive-image

முன்னதாக படம் திரையிடப்படுவதயொட்டி, திரையரங்கு முன்பு உதயநிதி ஸ்டாலின் ரசிகர் மன்ற நிர்வாகியும், மேலூர் நகர்மன்ற உறுப்பினருமான ரிஷி தலைமையில் ஏராளமான ரசிகர்கள், மற்றும் திமுகவினர் மேள தாளத்துடன் பட்டாசு வெடித்தும், இனிப்புகள் வழங்கியும் கொண்டாட்டத்தில் ஈடுபட்டனர்.

publive-image

இதனைத் தொடர்ந்து திரைப்படத்திற்கான டிக்கெட் மற்றும் இணைப்புகளை ரசிகர்களுக்கு வழங்கிய வணிகவரித்துறை மற்றும் பத்திரப்பதிவுத்துறை அமைச்சர் பி.மூர்த்தி திமுக நிர்வாகிகளுடன் திரையரங்கில் அமர்ந்து படம் பார்த்து ரசித்தார்.

publive-image

இந்த திரைப்படம் குறித்து ரசிகர்கள் கூறுகையில், “வித்தியாசமான மாற்று திறைக்களத்தில் உதயநிதி ஸ்டாலின் நடித்திருப்பதாகவும், இதுபோன்று திரைத்துறையிலும், அரசியலிலும் தொடர்ந்து பயணிக்க வேண்டும்” என்று தெரிவித்தனர்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"

Udhayanidhi Stalin Madurai
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment