200 சவரன் நகை, இன்னோவா கார்; மகளுக்கு கல்யாண கண்டிஷன் வைத்த வனிதா!

தனது 13 வயதிலேயே சந்திரலேகா என்ற படத்தில் நடிகர் விஜய்யுடன் நடித்தவர் வனிதா விஜயகுமார். அதன் பின்னர் மாணிக்கம் என்ற படத்தில் நடித்திருந்தார்.

பிரபல நடிகர், நடிகையான விஜயகுமார்- மஞ்சுளா ஆகியோரின் மகளாக இருந்தும் அவரால் சினிமாவில் நடிக்க வாய்ப்புகள் பெரிய அளவில் கிடைக்கவில்லை. 

இதைத் தொடர்ந்து சிறு வயதிலேயே சீரியல் நடிகர் ஆகாஷை காதலித்து திருமணம் செய்து கொண்டார். இவர்களுக்கு ஸ்ரீஹரி என்ற மகனும் ஜோவிகா என்ற மகனும் உள்ளனர்.

இந்த நிலையில் ஆகாஷுடன் ஏற்பட்ட கருத்து வேறுபாட்டால் அவரிடம் இருந்து விவாகரத்து பெற்றார். இதையடுத்து அவர் சொத்து விவகாரம் தொடர்பாக தனது தாய்- தந்தையுடன் தகராறில் ஈடுபட்டார்.

ஒரு கட்டத்தில் மஞ்சுளா, வனிதாவை என் மகளே இல்லை என சொல்லும் அளவுக்கு நடந்து கொண்டார். இன்று வரை வனிதாவுடன் விஜயகுமாரோ அவரது மூத்த தாரத்து மகன், மகள்களோ, மஞ்சுளாவின் மற்ற மகளான ப்ரீத்தா, ஸ்ரீதேவி ஆகியோரோ பேசுவதே இல்லை.

இதையடுத்து ஆந்திராவை சேர்ந்த தொழிலதிபரான ஆனந்த் என்பவரை வனிதா திருமணம் செய்து கொண்டார். அவர் மூலம் ஜெயினிதா என்ற மகள் உள்ளார். அவருடனும் பிரச்சினை ஏற்பட்டு விவாகரத்து செய்துவிட்டார்.

இந்த நிலையில் மகன் ஸ்ரீஹரி தாத்தா, அப்பாவின் அரவணைப்பில் இருக்கிறார். அவர் வனிதாவுடன் பேசுவதில்லை. இதனால் வனிதா, மகள்கள் ஜோவிகா, ஜெயினிதாவும் வசித்து வருகிறார்.

குக் வித் கோமாளி ஷோ மூலம் ரீஎன்ட்ரி கொடுத்தார் வனிதா. அந்த முதல் சீசனில் பட்டத்தையும் வென்றார்.

இதைத் தொடர்ந்து விஜய் டிவியில் ரியாலிட்டி ஷோக்களில் நடுவராக கலந்து கொண்டார். இதையடுத்து பிக்பாஸ், பிபி ஜோடிகள் எனும் நிகழ்ச்சியிலும் கலந்து கொண்டார். நடுநடுவே சில படங்களிலும் நடித்து வந்தார்.

இவரது மகள் ஜோவிகா பள்ளிப் படிப்பை முடித்துவிட்டு பார்த்திபனிடம் உதவி இயக்குநராக பணியாற்றினார். இந்த நிலையில் தற்போது தனது தாய் வனிதா, ராபர்ட் மாஸ்டரை வைத்து மிஸ்சஸ் & மிஸ்டர் எனும் படத்தை ஜோவிகா தயாரித்துள்ளார். படத்தை வனிதா இயக்கியுள்ளார்.

வனிதா தனது பொண்ணை கெடுக்கிறார் என்று அந்த பெண்ணின் வாழ்க்கையும் வனிதாவின் வாழ்க்கை போல ஆகிவிடும் என்று பலர் அவர் கொடுக்கும் நேர்காணலின் கீழே கமெண்ட்களில் தெரிவித்து வந்தனர். 

இந்த நிலையில் ஒரு சேனலுக்கு அளித்த பேட்டியில் வனிதா கூறுகையில், "என் பொண்ணு மீது உங்களுக்கு இருக்கும் அக்கரைக்கு நன்றி, நான் ஜோவிகாவிற்கு திருமணம் செய்து வைத்துவிடுகிறேன். ஆனால் ஒரு இன்னோவா சார் மற்றும் 200 பவுன் நகையும் வாங்கி தந்துவிடுங்கள்." என்று சிரிப்புடன் கூறியிருந்தார். 

இந்த வீடியோ சமூக வலைத்தளங்களில் அதிகம் ஷேர் செய்யப்பட்டு வருகிறது.