விஜய் ஆண்டனியின் 25-வது படம் எப்படி இருக்கு..? டுவிஸ்ட் வைத்த நெட்டிசன்கள்!

இசையமைப்பாளர், நடிகர், தயாரிப்பாளர், பாடகர் என பன்முக தன்மை கொண்டவர் விஜய் ஆண்டனி.  கடந்த 2005-ஆம் ஆண்டு வெளியான ‘சுக்கிரன்’ திரைப்படத்தின் மூலம் தமிழ் திரையுலகில் இசையமைப்பாளராக விஜய் ஆண்டனி அறிமுகமானார். 

தொடர்ந்து, ’பந்தயம்’, ‘காதலில் விழுந்தேன்’, ‘பிச்சைக்காரன்’, ‘சைத்தான்’, ‘வேட்டைக்காரன்’ போன்ற படங்களுக்கு இசையமைத்துள்ளார். பொதுவாக விஜய் ஆண்டனியின் பாடல்கள் பலவும் புரியாத வண்ணம் இருக்கும். ஆனால், அந்த பாடல்கள் ரசிகர்களை வெகுவாக கவரும் விதமாக இருக்கும்.

 உதாரணத்திற்கு 'TN 07 AL 4777’ படத்தில் இடம்பெற்றிருந்த ‘ஆத்தி சூ’ பாடல் வரிகள் பெரும்பாலும் புரியும் விதமாக அமைந்திருக்காது ஆனால் ரசிகர்களை கவர்ந்தது. அதேபோன்று, ‘காதலில் விழுந்தேன்’ படத்தில் இடம்பெற்றிருந்த ‘நாக்கு முக்கா’ பாடலும் அப்படி தான். 

இப்படி பல பாடல்களை கொடுத்து ரசிகர்களை ரசிக்க வைத்த விஜய் ஆண்டனி பல படத்தில் பாடல்களையும் பாடியுள்ளார். மேலும்,  ‘பிச்சைக்காரன்’ திரைப்படத்தின் மூலம் கதாநாயகனாக தமிழ் திரைத்துறையில் அறிமுகமானார்.

தொடர்ந்து, இவர் நடிப்பில் ‘பிச்சைக்காரன் 2’, ‘காளி’ , ‘சலீம்’, ‘எமன்’, ‘இந்தியா பாகிஸ்தான்’, ‘ரோமியோ’ போன்ற பல படங்கள் வெளியாகின. தற்போது, அருண் பிரபு இயக்கத்தில் ’சக்தித் திருமகன்’ படத்தில் நடித்துள்ளார். 

இந்த படத்தில் வாகை சந்திரசேகர், சுனில் கிருபாலானி, செல் முருகன் உள்ளிட்ட பலர் முக்கிய கதாபாத்திரத்தில் நடித்துள்ளனர். விஜய் ஆண்டனியின் 25-வது படமாக உருவாகியுள்ள ‘சக்தித் திருமகன்’ படத்தை அவரே தயாரித்தும், இசையமைத்தும் உள்ளார். 

இப்படம் நேற்று திரையரங்குகளில் வெளியாகி ரசிகர்கள் மத்தியில் வரவேற்பை பெற்று வருகிறது.
இந்நிலையில், ‘சக்தித் திருமகன்’ படத்தை பாராட்டி வரும் ரசிகர்கள் ‘பிச்சைக்காரன்’ படத்தை போன்று இந்த படமும் மிகப்பெரிய வெற்றியடையும் என்று விஜய் ஆண்டனியை வாழ்த்தி வருகின்றனர். 

இது விஜய் ஆண்டனிக்கு இன்னொரு பிச்சைக்காரன் !#ShakthiThirumagan ! #VijayAntonypic.twitter.com/rdBTsuWTyb

— TamilaninCinema Akilan (@TamilaninCinema) September 20, 2025

மேலும், இப்படம் அவரின் சினிமா கெரியருக்கு மிகப்பெரிய திருப்பு முனையாக அமையும் என்றும் தெரிவித்து வருகின்றனர். நடிகர் விஜய் ஆண்டனி பெரும்பாலும் தான் நடிக்கும் படங்களுக்கு தானே இசையமைப்பதுடன் பாடல்களும் பாடி வருகிறார் என்பது குறிப்பிடத்தக்கது.