'தி கோட்' படத்தில் விஜய் பயன்படுத்தும் காரின் நம்பரில் அரசியல் செய்தி - ரசிகர்கள் உற்சாகம்

இயக்குனர் வெங்கட் பிரபு இயக்கத்தில் விஜய் நடித்துள்ள தி கோட் திரைப்படம் திரையரங்குகளில் வெளியாகி உள்ளது. திருவிழாக்கள் எல்லாம் விஜய் ரசிகர்களின் ஆட்டம், பாட்டம், வான வேடிக்கை என திருவிழாக்கோலம் பூண்டுள்ளது. விஜய் ரசிகர்களின் கொண்டாட்டத்தால், திரையரங்குகள் எல்லாம் திருவிழா மேடைகளாகி உள்ளன. 

நடிகர் விஜய் தமிழக வெற்றி கழகம் என்று அரசியல் கட்சித் தொடங்கி கொடியையும் அறிமுகப்படுத்தியுள்ளார். விஜய்யின் தமிழக வெற்றிக் கழகத்தின் முதல் அரசியல் மாநாடு செப்டம்பர் 22-ம் தேதி விக்கிரவாண்டியில் நடைபெற உள்ளது. விஜய்யின் அரசியல் வருகையால், இதுதான் அவருடைய கடைசி படம் என்று தெரிவிக்கப்பட்டுள்ளது. இதனால், தி கோட் படத்தின் மீதான ரசிகர்களின் எதிர்பார்ப்பு பல மடங்கு அதிகரித்தது. அதே நேரத்தில், விஜய் தனது தி கோட் படத்தில், அரசியல் செய்தி சொல்வார் என்றும் ரசிகர்களால் எதிர்பார்க்கப்பட்டது. 

இந்நிலையில், உலகம் முழுவதும் இன்று திரையரங்குகளில் 'தி கோட்' படத்தில் விஜய் பயன்படுத்தும் காரின் நம்பரில் அரசியல் செய்தி சொல்லி இருப்பதாக விஜய் ரசிகர்கள் உற்சாகம் அடைந்துள்ளனர்.

தி கோட் படத்தில் TN 07 CM 2026 என்ற எண் கொண்ட காரை படம் முழுக்க விஜய் ஓட்டி வருகிறார். தமிழகத்தில் 2026-ம் ஆண்டு சட்டமன்றத் தேர்தல் வர உள்ள நிலையில், TN 07 CM 2026 என்ற கார் நம்பர் மூலம் விஜய் ரசிகர்களுக்கு சூசகமாக செய்தி சொல்லியுள்ளார். அதுமட்டுமல்ல, 7 என்பது கிரிக்கெட் ஜாம்பவான் தோனி ஜெர்ஜி நம்பர் என்பதும் குறிப்பிடத்தக்கத். அரசியல் கட்சி தலைவராக விஜய்யின் முதல் படம் என்பதால் காட்சிகளில் அரசியல் இருக்குமா? என்ற எதிர்பார்ப்பு வலுத்தது, அதை கார் நம்பரில் குறியீடாக சொல்லியுள்ளார் என்று சமூக வலைதளங்களில் பதிவுகள் பரவி வருகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“