அன்று ஒருநாள் ஷில்பாவுடன் நடந்தது என்ன?

'ஆரண்ய காண்டம்' படத்திற்கு பிறகு தியாகராஜன் குமாரராஜா நீண்டகால இடைவெளிக்குப் பின்னர் இயக்கி வரும் திரைப்படம் 'சூப்பர் டீலக்ஸ்'. கடந்த சில நாட்களுக்கு முன் இந்தப் படத்தின் ஃபர்ஸ்ட் லுக் வெளியிடப்பட்டுப் பலத்த வரவேற்பைப் பெற்றது. விஜய் சேதுபதி, ஃபகத் ஃபாசில், சமந்தா, ரம்யா கிருஷ்ணன், மிஷ்கின் என பலர் இப்படத்தில் நடித்திருக்கிறார்கள். ஃபர்ஸ்ட் லுக் போஸ்டரில் விஜய் சேதுபதி மட்டும் பெண் வேடத்தில் தோற்றமளித்திருந்தார். ஃபர்ஸ்ட் லுக்கிற்கு முன்னரே இந்தப் படத்தில் திருநங்கை வேடத்தில் விஜய் சேதுபதி நடிக்கிறார் என்ற தகவலும், அவருடைய கதாபாத்திரத்தின் பெயர் ஷில்பா என்பதும் ஏற்கனவே உறுதி செய்யப்பட்டிருந்தது.

இந்நிலையில் சூப்பர் டீலக்ஸ் படப்பிடிப்பு தளத்தில் எடுக்கப்பட்ட வீடியோ ஒன்றை விஜய் சேதுபதி அவருடைய ட்விட்டர் பக்கத்தில் வெளியிட்டிருக்கிறார். அதில் விஜய் சேதுபதி பெண் வேடத்தில் இருக்க அவரது அருகில் இயக்குநர் தியாகராஜன் குமாரராஜாவும் நிற்கிறார். 'அன்று ஒரு நாள் ஷில்பா உடன் Director தியாகராஜன்குமாரராஜா' என்று வீடியோவை ட்வீட் செய்திருக்கிறார் விஜய் சேதுபதி.

அன்று ஒரு நாள் ஷில்பா உடன் Director தியாகராஜன்குமாரராஜா ???????????? @itisthatis #SuperDeluxe pic.twitter.com/bqV72yB9DA

— VijaySethupathi (@VijaySethuOffl) 27 October 2018

ஏற்கனவே ஷில்பா கதாபாத்திரத்தின் மீதான எதிர்பார்ப்பு அதிகமாகவே இருக்க அதை மேலும் அதிகரித்திருக்கிறது இந்த வீடியோ.