96 Movie Release, 96 Movie
96 Movie : நடிகர் விஜய்சேதுபதி மற்றும் நடிகை த்ரிஷா உட்பட பட நடிகர்கள் நடிப்பில் உருவாகியிருக்கும் 96 திரைப்படம் நாளை உலகம் முழுவதும் வெளியாகிறது.
நந்தகோபால் தயாரிப்பில், பிரேம் குமார் இயக்கத்தில், நடிகர் விஜய் சேதுபதி மற்றும் நடிகை த்ரிஷா முன்னணி கதாப்பாத்திரத்தில் நடித்துள்ள படம் 96. இப்படம் பல எதிர்பார்ப்புகளுக்கு இடையே நாளை உலகம் முழுவதும் வெளியாகிறது.
த்ரிஷா மற்றும் விஜய் சேதுபதி அவர்கள் படித்த பள்ளிக்கூடத்தில் நடக்கும், முன்னாள் மாணவர் கூட்டத்திற்கு வருகின்றனர். அங்கு இருவரும் ஒருவரை ஒருவர் சந்திக்கின்றனர். அப்போது இருவருக்கு இடையே இருக்கும் பழைய காதலை உணர்த்தும் வகையில் பல காட்சிகள் உருவாக்கப்பட்டுள்ளது.
முன்னதாக இப்படத்தில் இடம்பெற்றுள்ள ‘காதலே காதலே’ பாடல் வெளியிட்ட பின்னர் ரசிகர்களிடையே எதிர்பார்ப்பு கூடியது. அதனை தொடர்ந்து படக் குழுவினர் படத்தின் டிரெய்லரை வெளியிட்ட பிறகு ஆர்வம் மேலும் கூடியுள்ளது.
நாளை தமிழகத்தில் உள்ள பெரும்பாலான தியேட்டர்களில் இப்படம் வெளியாவதை அடுத்து டிக்கெட் பதிவு செய்ய அனைவரும் நீயா நானா என முந்தியடித்து வருகின்றனர்.
Get all the Latest Tamil News and Tamil Nadu News at Indian Express Tamil. You can also catch all the latest Tamil Entertainment News by following us on Twitter and Facebook
Web Title:Vijay sethupathi trisha krishnan starrer 96 movie all set to release on 4th october
