விஜய் டிவியில் ஒளிபரப்பாகி வரும் பாக்கியலட்சுமி சீரியலில் கோபி கேரக்டரில் நடித்து வரும் சதீஷ், சீரியல் இருந்து நான் விலக வேண்டிய நேரம் வந்துவிட்டது என்று இன்ஸ்டாகிராமில் பதிவிட்டு இருக்கிறார். இந்தப் பதிவு இணையத்தில் அதிகமான கமெண்ட்களை பெற்று வருகிறது.
விஜய் டிவியின் டாப் சீரியல்களில் ஒன்று பாக்கியலட்சுமி. டி.ஆர்.பி ரேட்டிங்கில் முன்னிலையில் இருந்து வரும் இந்த சீரியலுக்கு ஏராளமான ரசிகர்கள் உள்ளனர். நான்கு வருடங்களுக்கு மேலாக ஒளிபரப்பாகி வரும் சீரியலில் ஆரம்பத்தில் இருந்த பல நடிகர்கள் மாறிவிட்டனர்.
இருப்பினும் முதன்மை கதாப்பாத்திரங்களான பாக்கியலட்சுமி மற்றும் அவரின் கணவர் கோபி மட்டும் மாறவில்லை. பாக்கியலட்சுமியாக சுசித்ரா தொடர்கிறார். கோபியாக சதீஷ் நடித்து வருகிறார். பாக்கியலட்சுமி சீரியல் இல்லத்தரசி எதிர்கொள்ளும் சவால்களை அடிப்படையாக கொண்ட கதை. அதேநேரம், இந்தச் சீரியலில் திருப்பங்களுக்கும் சுவாரஸ்யங்களுக்கும் முதன்மை காரணமாக இருப்பது கோபி கேரக்டர் தான்.
கோபி கேரக்டர் ஹீரோவா? அல்லது வில்லனா? என்று தெரியாத வகையில் அமைக்கப்பட்டுள்ளது. ஒரு பக்கம் வில்லன் போல பாக்கியாவிற்கு சவால் விடுவார். மறுப்பக்கம் தன்னுடைய அம்மா, அப்பா மற்றும் குழந்தைகள் மீது இருக்கும் பாசத்தை காட்டி உருக வைப்பார்.
இதற்கிடையில், கடந்த வருடத்தில் விஜய் டிவி அவார்டு நிகழ்ச்சியில் பாக்கியலட்சுமி சீரியலில் நடித்த பலருக்கு விருதுகள் கொடுக்கப்பட்டது. ஆனால் சதீஷ்க்கு எந்த விருதுகளும் கொடுக்கப்படவில்லை. இது ரசிகர்கள் மத்தியில் பெரிய அளவில் பேசப்பட்டது. அந்த நேரத்தில் பாக்கியலட்சுமி சீரியலிலிருந்து நான் விலகப் போகிறேன் என்று சதீஷ் ஒரு பதிவு வெளியிட்டிருந்தார். அதற்கு அதிகமான ரசிகர்கள் வேண்டாம் நீங்கள் சீரியலில் தொடர வேண்டும் உங்களுக்காக தான் இந்த சீரியல் பார்க்கிறோம் என்று கூறி வந்தனர். அதைத்தொடர்ந்து சேனல் தரப்பினர் மற்றும் சீரியல் தரப்பினரும் சதீஷிடம் பேச அவர் அந்த முடிவை கைவிட்டு இருந்தார்.
ஆனால், சதீஷ் இன்று செப்டம்பர் 27 ஆம் தேதி தன்னுடைய இன்ஸ்டாகிராம் பக்கத்தில் பாக்கியலட்சுமி தொடரை விட்டு நான் விலகும் தருணம் நெருங்கிவிட்டது என்று ஒரு கேப்ஷன் கொடுத்து இருக்கிறார். சதீஷ் சீரியலை விட்டு விலகப் போவதற்கு காரணம் என்னவாக இருக்கும் என்று ரசிகர்கள் கேள்வி எழுப்பி வருகின்றனர். அதோடு அந்த பதிவில் தான் சோகமாக இருக்கும் போட்டோ ஒன்றையும் அதற்கு கீழே ஒரு பொய்யை முத்தமிடுவதை விட உண்மையிடம் அரை வாங்கிக் கொள்ளலாம் என்று பதிவிட்டுள்ளார். அவருடைய இந்தப் பதிவுக்கு பலரும் கமெண்ட் செய்து வருகின்றனர்.
இதற்கிடையில், சிலர் சீரியல் முன்பு போல் சுவாரஸ்யமாக இல்லை. ராமமூர்த்தி இறந்த பின்னர் கதையில் வேகம் இல்லை என்று கூறி வருகின்றனர். அதற்கு ஏற்றாற்போல் டி.ஆர்.பி ரேட்டிங்கிலும் பாக்கியலட்சுமி சீரியல் சரிவைச் சந்தித்துள்ளது. இந்த நிலையில் சதீஷ் இந்த சீரியலில் இருந்து விலகினால் சீரியல் முடிந்துவிடும் என்று பலரும் தெரிவித்து வருகின்றனர். இருப்பினும் சதீஷ் உண்மையில் சீரியலில் இருந்து விலகி விடுவாரா என்பதை பொறுத்திருந்து தான் பார்க்க வேண்டும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/nVaxwxzB1DA3B01jFZAB.jpg)