கேலி, கிண்டல்களை புறம் தள்ளி விஜய் டிவியின் செல்ல பெண்ணானார் ஜாக்குலின்!

vijay tv serial thenmozhi ba jacqueline : விஜய் டீவியில் வீ.ஜேவாகும் முன்னர் அதே சேனனில் ஒளிபரப்பப்பட்ட கனா காணும் காலங்கள் மற்றும் ஆண்டாள் அழகர் ஆகிய சீரியலில் நடித்தவர் ஜாக்குலின். விஜே என்றால் நல்ல வசீகர தோற்றத்துடன் நல்ல குரல் வளமை உள்ளவர்களுக்கு தான் முக்கியத்துவம் கொடுக்கப்படும் என விதியை மாற்றி தனது தனித்துவமான குரலாலே ரசிகர்களை கவர்ந்தார் ஜாக்குலின்.

விஜய் தொலைக்காட்சியில் ஒளிப்பரப்பான கலக்க போவது யாரு நிகழ்ச்சி மூலம் ஜாக்குலின் குரல் அனைத்து வீடுகளிலும் ஒலிக்க தொடங்கியது. சென்னையில் உள்ள பிரபல தனியார் கல்லூரியில் B.Sc விசுவம் கம்யூனிகேஷன் கரசில் படித்துக் கொண்டே ஜாக்குலின் பார்ட் டைம்மாக ஆங்கரிங்கில் கவனம் செலுத்தி வந்தார்.

இவரை கலாய்க்காதே விஜய் தொலைக்காட்சி பிரபலங்களே இல்லை. தாடி பாலாஜி தொடங்கி கோபிநாத், ராமர் கேங்க், மா.கா.பா என அனைவரும் ரவுண்ட் கட்டிக் கொண்டு ஜாக்லினை ஓட்டுவார்கள். ஆனால் அதை எல்லாத்தையுமே ஜாலியாக எடுத்துக் கொண்டு விஜய் டிவியின் வாலு பெண்ணாக வலம் வந்தார். இப்போது ஜாக்குலின் சீரியலில் ரொம்ப பிஸி.

நயன்தாராவுடன் கோலமாவு கோகிலா படத்தில் தங்கையாகவும் நடித்து பெரிய திரைக்கும் முகத்தை காட்டி விட்டார். மேக்கப்பில் சற்றும் வித்யாசமாக தெரியும் ஜாக்குலின் உண்மையில் டஸ்கி ஸ்கின்னில் மிகவும் அழகாக இருப்பார். கல்லூரி காலங்களில் அவர் எடுத்த புகைப்படங்கள் இணையத்தில் செம்ம வைரல். திருவள்ளூர் மாவட்டத்திலுள்ள பன்னூர் தான் ஜாக்குலினின் சொந்த ஊர். சென்னை, செயிண்ட் மேரீஸ் பள்ளியில், பள்ளி படிப்பையும், லயோலா கல்லூரியில் இளங்கலை படிப்பும் படித்தார்.

சின்னத்திரை வட்டாரத்தில் ஜாக்குலின் பற்றி அடிக்கடி பேசப்படும் தகவல் இதுதான். அம்மா, தம்பி மீது அளவுக்கு அதிகமான பாசத்தை வைத்திருக்கும் ஜாக்லின் உருவ கேலி கிண்டல்கள் குறித்து ஒருபோதும் கவலையடைந்து மூட் அவுட் ஆனதே இல்லையாம். இதற்கே தனி கட்ஸ் வேண்டும்.

திடீரென முழு நேர சீரியல் நடிகையாக களம் இறங்கினார் ஜாக்லின். தற்போது விஜய் டிவி-யில் ஒளிபரப்பாகி வரும் ‘தேன்மொழி பி.ஏ’ என்ற சீரியலில் ஹீரோயினாக நடித்து வருகிறார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil