சென்னையில் பெய்த கனமழையால் ஏற்பட்ட வெள்ளத்தில் நடிகர் விஷ்ணு விஷாலின் வீட்டிற்குள் மழை நீர் புகுந்துள்ளது. இதனால் கடும் நெருக்கடிக்கு உள்ளாகியுள்ளதாக தெரிவித்துள்ள நடிகர் விஷ்ணு விஷால், தனது வீட்டின் சுற்றுப்புறத்தைச் சூழ்ந்துள்ள வெள்ளத்தின் ஒரு காட்சியை வெளிப்படுத்தும் புகைப்படங்களை சமூக ஊடகங்களில் பகிர்ந்துள்ளார். விஷ்ணு விஷால் தனது வீட்டின் மொட்டை மாடியில் இருந்து, வீட்டிற்குள் வரும் நீர் அதிகரித்து வருவது மற்றும் அப்பகுதியில் உள்ள குடியிருப்பாளர்கள் எதிர்கொள்ளும் சவாலான நிலைமைகள் குறித்தும் சமூக வலைதளங்களில் பதிவிட்டுள்ளார்.
ஆங்கிலத்தில் படிக்க: Vishnu Vishal’s house in Chennai flooded: ‘Water is entering my house and the level is rising’
நடிகர் விஷ்ணு விஷால் தனது எக்ஸ் பக்கத்தில், “எனது வீட்டிற்குள் தண்ணீர் நுழைகிறது, மேலும் காரப்பாக்கம் பகுதியில் நீர் மட்டம் மோசமாக உயர்ந்து வருகிறது. உதவிக்கு அழைத்துள்ளேன். மின்சாரம் இல்லை, வைஃபை இல்லை, தொலைபேசி சிக்னல் இல்லை. ஒன்றுமில்லை. மொட்டை மாடியில் மட்டுமே ஒரு குறிப்பிட்ட இடத்தில், எனக்கு கொஞ்சம் சிக்னல் கிடைக்கிறது. எனக்கும் இங்குள்ள பலருக்கும் ஏதாவது உதவி கிடைக்கும் என நம்புவோம். சென்னை முழுவதும் உள்ள மக்களை என்னால் உணர முடிகிறது. #வலிமையுடன் இருங்கள்,” என்று பதிவிட்டுள்ளார்.
நடிகர் விஷ்ணு விஷாலின் கருத்துக்கு ரசிகர்கள் கமெண்ட்களில் தங்கள் ஆதரவை வழங்கினர். அதில், வெள்ளச் சூழலை எதிர்கொள்ள தற்போதைய அரசு உரிய நடவடிக்கை எடுக்கவில்லை என்று பலர் குற்றம் சாட்டினர்.
மிக்ஜாம் புயல் ஆந்திராவின் நெல்லூர் மற்றும் கவாலி இடையே செவ்வாய்கிழமை கரையை கடக்கத் தொடங்கியது. மிக்ஜாம் புயலால் காற்றின் வேகம் கடுமையான சூறாவளி அளவை எட்டும் என்று எதிர்பார்க்கப்படுகிறது, அதிகபட்சமாக 90-100 கிமீ வேகத்தில் 110 கிமீ வேகத்தில் வீசும். இதற்கிடையில், சென்னையில் இதுவரை மழை தொடர்பான சம்பவங்களில் குறைந்தது எட்டு பேர் இறந்துள்ளனர், சூறாவளியால் தூண்டப்பட்ட கனமழை சென்னையைத் தாக்கியது, நகரின் பெரும்பகுதி நீரில் மூழ்கியது.
இதனிடையே வெள்ளத்தில் சிக்கி தவித்த விஷ்ணு விஷால் மற்றும் பாலிவுட் நடிகர் அமீர்கான் ஆகிய இருவரையும் மீட்பு குழுவினர் பத்திரமாக மீட்டுள்ளனர். இது குறித்து பதிவிட்டுள்ள விஷ்ணு விஷால், தங்களை உடனடியாக மீட்ட தமிழக அரசுக்கு நன்றி என்றும், எங்களை போன்று சிக்கி தவிக்கும் மக்களுக்கு உதவிய தீயணைப்புத்துறை மற்றும் மீட்புத்துறைக்கு எங்களது நன்றி காரப்பாக்கத்தில் மீட்பு பணிகள் தொடங்கியுள்ளன என்று பதிவிட்டுள்ளார்.
திரைப்பட பணிகளைப் பொறுத்தவரை, விஷ்ணு விஷால் அடுத்ததாக ஐஸ்வர்யா ரஜினிகாந்தின் லால் சலாம் படத்தில் நடித்து வருகிறார். இதில் ரஜினிகாந்த் கெஸ்ட் ரோலில் நடிக்கிறார். இதனைத் தொடர்ந்து மோகன்தாஸ் மற்றும் ஆர்யன் ஆகிய படங்களிலும் விஷ்ணு விஷால் நடித்து வருகிறார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/g157K25wUm8oMvPlpluR.jpg)