செந்தில் கணேஷ் - ராஜலட்சுமி பாடிய விஸ்வாசம் படத்தின் பாடல் வீடியோ ரிலீஸ்

“விஸ்வாசம்” திரைப்படம் வெற்றிகரமாக திரையில் ஓடிக்கொண்டு இருக்கும் நிலையில், இந்த படத்தின் டங்கா டங்கா பாடல் வீடியோ தற்போது யூடியூப்பில் வெளியாகி உள்ளது.

சிறுத்தை சிவா இயக்கத்தில், நான்காவது முறையாக தல அஜித் நடித்த படம் தான் விஸ்வாசம். பொங்கல் பண்டிகை ஸ்பெஷலாக வெளியான இந்த படம், மற்ற மூன்று படங்களை விட அதிகமாக வசூலை அள்ளிக் குவித்தது.

டங்கா டங்கா பாடல் வீடியோ

டி. இமான் இசையமைப்பில் இப்படத்தில் உருவான அனைத்து பாடல்களுமே ரசிகர்களின் வரவேற்பை பெற்றிருக்கிறது. அந்த வரிசையில், தற்போது டங்கா டங்கா பாடல் வீடியோவையும் படக்குழுவினர் வெளியிட்டுள்ளனர்.

ஏற்கனவே, அடிச்சுத்தூக்கு மற்றும் கண்ணான கண்ணே பாடல் வீடியோ நல்ல வரவேற்பை பெற்றுள்ள நிலையில் இந்த பாடலும் அந்த வரிசையில் இணைந்துள்ளது.