Weapons OTT: நடு ராத்திரி தொலைந்த 17 ஸ்கூல் படிக்கும் பிள்ளைகள்... சீட் நுனியில் அமர வைக்கும் ஹாரர், மிஸ்டரி படம்!

திரையரங்குகளில் ரொமான்ஸ், காமெடி போன்ற படங்களை காட்டிலும் திரில்லர் படங்கள் அதிக வரவேற்பை பெறுகின்றனர். ‘ராட்சசன்’ போன்ற படங்கள் திரையரங்குகளில் சக்கைபோடு போட்டது. அதன் பிறகு மக்கள் பேசும் விதமாக எந்த திரில்லர் படங்களும் வரவில்லை.

அந்த குறையை பூர்த்தி செய்யும் வகையில் தற்போது ஹாலிவுட்டில் திகில் திரில்லர் திரைப்படம் ஒன்று வெளியாகியுள்ளது. அதுதான் ‘வெப்பன்ஸ்’. இயக்குநர்  ஜாக் க்ரீகர் இயக்கியுள்ள இந்த படத்தில் ஜுலியா கார்னர், ஜோஸ் ப்ரோலின், ஆஸ்டின் ஆப்ராம்ஸ்,  கெர்ரி  கிறிஸ்டோபர் , டோபி ஹஸ் மற்றும் பலர் முக்கிய கதாபாத்திரங்களில் நடித்துள்ளனர்.

 ஜாக் க்ரீகர், ராய் லீ, ஜே டி லிப்ஷிட், ராபெல் மார்குலஸ், மிரி யூன் ஆகியோர் இந்த படத்தை தயாரித்துள்ளனர். ரியான் ஹாலடே இப்படத்திற்கு இசையமைத்துள்ளார். இப்படத்தின் டிரைலர் சமீபத்தில் வெளியாகி நல்ல வரவேற்பை பெற்றது. ஆகஸ்ட் 8-ஆம் தேதி திரையரங்குகளில் வெளியான இப்படம் மாபெரும் வசூல் சாதனை படைத்துள்ளது.

ஒரு வகுப்பில் ஒரு மாணவனை தவிர மற்ற அனைவரும் காணாமல் போகிறார்கள். அவர்கள் எங்கே போனார்கள்? எப்படி காணாமல் போனார்கள் என்பது தான் இப்படத்தின் கதைக்களம். ‘வெப்பன்ஸ்’ திரைப்படம் இந்தியாவில் மட்டும் ரூ.10.14 கோடிக்கு மேல் வசூல் செய்துள்ளதாக தகவல் வெளியாகியுள்ளது.

ரூ.335 கோடி பட்ஜெட்டில் தயாரிக்கப்பட்ட இப்படம் உலக அளவில் ரூ 1304.26 கோடியே கடந்துள்ளதாக சினிமா வட்டாரங்கள் தெரிவிக்கின்றன. இதுதான் ஹாலிவுட்டின் மூன்றாவது அதிக வசூல் சாதனை படைத்த சைக்கலாஜிக்கல் ஹாரர் திரில்லர் திரைப்படம் என்று கூறப்படுகிறது.

’வெப்பன்ஸ்’ திரைப்படத்திற்கு ஐ.எம்.டி. 7.8 ரேட்டிங் கொடுத்துள்ளது. இப்படத்தின்  ஓடிடி ரிலீஸ் குறித்த அறிவிப்பிற்காக இந்திய மக்கள் மட்டுமல்லாமல் உலகம் முழுவதும் உள்ள மக்கள் காத்திருக்கின்றனர். இந்த ஹாரர் திரில்லர் திரைப்படம் அமேசான் பிரைம், ஆப்பிள் டிவி / ஐ டியூன்ஸ், வுடு மற்றும் கூகுள் ப்ளே ஸ்டோரில் இப்படம் வெளியாகியுள்ளது. இருந்தாலும் இந்தியாவில் ‘வெப்பன்ஸ்’ திரைப்படம் ஓடிடிகளில் இன்னும் வெளியாகவில்லை தகவல்கள் தெரிவிக்கின்றன.