இந்திய திரையுலகம் மற்றும் சினிமா துறையில் நட்சத்திர ஜோடியாக வலம் வருபவர்கள் விராட்கோலி – அனுஷ்கா சர்மா. இந்திய கிரிக்கெட் அணியில் முன்னணி வீரரான விராட்கோலி, பாலிவுட் சினிமாவின் முன்னணி நடிகையாக அனுஷ்கா சர்மாவை காதலித்து திருமணம் செய்துகொண்டார். விராட்கோலி விளையாடும் முக்கிய போட்டிகளில் களத்திற்கு வந்து அவரை உற்சாகப்படுத்த அனுஷ்கா சர்மா என்றுமே தவறியதில்லை.
ஆங்கிலத்தில் படிக்க : Why do Virat Kohli and Anushka Sharma come across as the perfect couple?
சமீபத்தில் நடைபெற்ற உலககோப்பை தொடரில் விராட்கோலி தனது 50-வது சதத்தை பூர்த்தி செய்தபோது அவருக்கு சமமாக கேளரியில் இருந்து தனது மகிழ்ச்சியை வெளிப்படுத்திய அனுஷ்கா சர்மா, முத்தங்களை பறக்கவிட்டு விராட்கோலிக்கு உற்சாகத்தை கொடுத்தார். அதே சமயம் இறுதிப்போட்டியில் இந்தியா ஆஸ்திரேலியாவிடம் தோற்றபோது அவருக்கு பக்கபலமாக இருந்து ஆறுதலும் கூறியுள்ளார்.
இந்தியா உலககோப்பை இறுதிப்போட்டியில் ஆஸ்திரேலியாவிடம் தோற்றபோது மனம் உடைந்த விராட்கோலி போட்டியை பார்க்க வந்த அனுஷ்கா சர்மா வீடியோக்களை நெட்டிசன்கள் அதிகமாக தேடியுள்னர். விராட் மற்றும் அனுஷ்கா ஒவ்வொரு முறையும் கேமரா மன்பு வரும்போதும் சரியான ஜோடியாக இருக்கின்றனர். மற்ற சமமான பிரபலமான மற்றும் மரியாதைக்குரிய பாலிவுட் ஜோடிகள் இருந்தாலும் விராட் அனுஷ்கா ஜோடி பலரின் கவனத்தை ஈர்த்து வருகின்றனர்.
அந்த வகையில் நேர்காணல்களில் விராட் – அனுஷ்கா இருவரும் தங்களது உறவை பற்றி கூறிய பதில்கள் குறித்து பார்க்கலாம்.
‘உலகின் மிகப்பெரிய மனிதரை நான் திருமணம் செய்து கொண்டேன்’: விராட் குறித்து அனுஷ்கா
ஃபிலிம் கம்பானியனுக்கு அளித்த பழைய பேட்டியில், ‘உலகின் மிகப் பெரிய மனிதரை நான் திருமணம் செய்து கொண்டேன்’ என்று அனுஷ்கா கூறியுள்ளார். உலகக் கோப்பையின் போது விராட்டை மைதானத்திற்கு வந்து உற்சாகப்படுத்திய அனுஷ்கா சர்மாவின் முகத்தில் இந்த உணர்வு உயிர்பெற்றதை ரசிகர்கள் பார்த்தனர். கிரிக்கெட் ஜாம்பவான் மற்றும் முன்னணி பாலிவுட் நடிகராக நட்சத்திர அந்தஸ்து இருந்தபோதிலும், விராட் மற்றும் அனுஷ்கா ஆகியோர் எளிமையை வெளிப்படுத்துகிறார்கள்.
‘நாங்கள் சாதாரண விஷயங்களைச் செய்ய விரும்பும் எளியவர்கள்’: அனுஷ்கா
அதே நேர்காணலில், அனுஷ்காவும் விராட்டும் எப்படி தங்களை எளிய மனிதர்களாகப் எப்படி வைத்துக்கொள்கிறார்கள் என்பது குறித்து பேசினார். இதில் "நாங்கள் இருவரும் செய்யும் செயல்களில் ஒற்றுமை இருந்ததில்லை என்று நான் நினைக்கிறேன். நாங்கள் எந்த செயலிலும் ஒற்றுமையாக இல்லை. அப்படிபார்க்க ஆரம்பித்தால், நம் உறவின் தன்மையில் ஏதோ தவறு இருக்கிறது. அதனால் நாங்கள் மிகவும் எளிமையானவர்கள், சாதாரணமான, மிக எளிமையான விஷயங்களைச் செய்ய விரும்புகிறோம் என்று கூறியுள்ளார்.
‘நாங்கள் இருவரும் புகழால் மிகவும் அசத்துகிறோம்’: அனுஷ்கா
மற்றொரு நேர்காணலில் தங்கள் உறவின் முக்கியத்துவத்தை வெளிப்படுத்தும் போது, விராட் மற்றும் அனுஷ்கா தங்கள் தனிப்பட்ட வாழ்க்கையை சிறப்பாக பாதுகாக்கிறார்கள். அவர்கள் தங்கள் மகள் வாமிகாவை புகைப்படம் எடுக்க வேண்டாம் என்று ஊடகவியலாளர்களுக்கு கோரிக்கை வைத்துள்ளனர். "நாங்கள் இருவரும் புகழுடன் இருக்கிறோம், நாங்கள் நட்சத்திரம் மற்றும் புகழை ஒன்றி இல்லை, அதனால்தான், நாங்கள் மிகவும் இணைந்திருக்கிறோம் என்று நான் நினைக்கிறேன். சில சமயங்களில் இந்த விஷயங்களிலிருந்து ஓடிவிடுகிறோம். அதனால்தான் நாங்கள் தன்னிறைவு பெற்றுள்ளோம்,
‘நாங்கள் இருவரும் ஒருவருக்கொருவர் வளர உதவியுள்ளோம்’: விராட்
விலங்கு உரிமைகள் பற்றி குரல் கொடுப்பதில் இருந்து ஆன்மீக சுற்றுலா செல்வது வரை, விராட் மற்றும் அனுஷ்காவின் கூட்டாண்மை அவர்களை அவர்களின் தொழில்களில் மட்டுமல்ல, மனிதர்களாகவும் உயர்த்தியுள்ளது. “அனுஷ்கா என் வாழ்க்கையில் வந்த பிறகு நான் உருவாக ஆரம்பித்தேன். நாங்கள் இருவரும் ஒருவருக்கொருவர் வளர உதவியுள்ளோம். என் வாழ்க்கையில் அவள் இல்லையென்றால் என்னால் இவ்வளவு அமைதி, ஆர்வம் மற்றும் வைராக்கியத்துடன் சென்றிருக்க முடியாது, ”என்று விராட் பிசிசிஐ தொலைக்காட்சிக்கு அளித்த பேட்டியில் கூறினார்.
தன்னை ஒரு ‘முற்றிலும் மாற்றப்பட்ட மனிதர்’ என்று அழைத்துக்கொண்டு, அதற்காக தனது வாழ்க்கை துணைக்கு நன்றி தெரிவித்தார். இதேபோல், விராட் பல நேர்காணல்களில் அனுஷ்கா தன்னை ஒரு சிறந்த நபராக மாற்றியதை ஒப்புக்கொண்டார். "நான் அவளைச் சந்திக்காமல் இருந்திருந்தால், நான் எங்கே இருந்திருப்பேன் என்று எனக்குத் தெரியாது. அவள் முற்றிலும் என்னுடைய சிறந்த பாதி” என்று தினேஷ் கார்த்திக்கிற்கு அளித்த பேட்டியில் விராட் கூறினார்.
விராட் மற்றும் அனுஷ்கா, ஒன்றாக ட்ரோல்களை சமாளிக்கிறார்கள்
2016 ஆம் ஆண்டில், அவர்கள் ஒரு குறுகிய காலத்திற்குப் பிரிந்ததாகக் கூறப்பட்டபோது, அனுஷ்காவை சமூக ஊடக ட்ரோல்களுக்கு எதிராக விராட் பாதுகாத்தார், அனுஷ்காவைப் பாதுகாக்கும் வகையில் விராட்டின் ட்வீட், அந்த ஆண்டில் அதிக ரீட்வீட் செய்யப்பட்ட ட்வீட் ஆனது, மீண்டும் ரசிகர்களின் அபிமானத்தை அடையாளம் காட்டுகிறது.
கிரிக்கெட்டும் சினிமாவும் மதங்களாகப் போற்றப்படும் ஒரு நாட்டில், இந்த இரண்டு அதிகார மையங்களும் ஒன்றிணைவது தவிர்க்க முடியாமல் கவனத்தில் ஒரு பாதிப்பை கிளப்பியது. இருப்பினும், விராட் மற்றும் அனுஷ்கா அவர்களின் உறவை அணுகுவது பலருக்கு உத்வேகமாக அமைகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“