பதவி சண்டை... அதிகார மிரட்டல் : ஹீரோ - ஹீரோயின் என்ன செய்வார்கள்? ஜீ தமிழ் சீரியல் அப்டேட்

ஜீ தமிழ் டாப் சீரியல்களின் சுவாரசிய அப்டேட்

ஜீ தமிழ் முதன்மை தமிழ் தொலைகாட்சிகளில் ஒன்றாக விளங்கி வருகிறது. ஜீ தமிழ் தொடர்ந்து புது விதமான கதை காலத்துடன் கூடிய தொடர்களை அறிமுகப்படுத்தி வருகிறது. அதில் பல தொடர்கள் மக்கள் மத்தியில் பெரும் வரவேற்பை பெற்று வருகின்றன. இந்நிலையில் அவற்றில் அதிக டி.ஆர்.பி புள்ளிகளை பெற்றுவரும், கார்த்திகை தீபம், அண்ணா, இதயம், சீரியல்களில் சமீபமாக நடந்த சுவாரசிய நிகழ்வுகள் குறித்து காணலாம்

கார்த்திகை தீபம்:

சிதம்பரம் கொடுக்கும் வார்னிங்.. தீபா எடுக்க போகும் முடிவு என்ன?

கார்த்திகை தீபம், சீரியலின் நேற்றைய எபிசோடில் தீபா தெரியாமல் ஷவரை திறந்து நனைந்து விட கார்த்திக் தனது துணியை கொடுக்க தீபா அதை அணிந்து கொண்ட நிலையில் இன்று, எல்லாரும் ஒன்றாக அமர்ந்து ப்ரேக் பாஸ்ட் சாப்பிட, தீபா ஸ்போர்க் ஸ்பூனில் சாப்பிட தெரியாமல் தடுமாறுகிறாள். எதிரே அமர்ந்து இருக்கும் கார்த்திக் எப்படி சாப்பிட வேண்டும் என்று சொல்லி கொடுக்கிறான்.

ஆனாலும் அது புரியாத தீபா இட்லி, தோசையை போய் எதுக்கு இப்படி சாப்பிடணும் என்று முடிவெடுத்து கையால் சாப்பிட அதை பார்த்து மற்றவர்களும் கையால் சாப்பிட தொடங்குகின்றனர். அதன் பிறகு மீனாட்சி இந்த புடவையில் நீ சூப்பரா இருக்க, கார்த்திக் உன்னையே தான் பார்த்துட்டு இருந்தான் என்று சொல்ல, தீபா அட போங்க அக்கா அவர் என்னை பார்க்கவே இல்லை என்று சொல்ல, நீ வேணும்னா பாரு கார்த்திக் உன்னை குறைந்தது மூணு முறையாவது திரும்பி பார்ப்பான் என்று சொல்கிறாள்.

அதற்கேற்றார் போல கார்த்திக் ரெண்டு முறை பார்த்து விட, தீபா மூன்றாவது முறை திரும்பி பாருங்க சார் என்று மனதுக்குள் வேண்ட கார்த்திக்கும் திரும்பி பார்க்க, தீபா சந்தோஷமடைகிறாள். அடுத்து சிதம்பரம் தீபாவுக்கு போன் செய்து என்ன எல்லாரும் குடும்பத்தோட சந்தோசமா இருக்கீங்க போல், என்னுடைய ஆளுங்க உங்களை கவனிச்சிட்டு தான் இருக்காங்க. நீ எனக்காக வந்து பாடி கொடுத்தா உங்களை கஷ்டப்படுத்த மாட்டேன். நீ வந்து பாடி கொடுத்து தான் ஆகணும் என்று மிரட்டுகிறார்.

இதை கேட்ட தீபா முடியாது சார் என்று சொல்கிறாள். அதன் பிறகு செல்பி பாட்டி எல்லாரும் எப்பயாவது தான் இப்படி ஒண்ணா சேர்ந்து வெளியே வரோம். ஜாலியா என்ஜாய் பண்ண வேண்டாமா? ஏதாவது போட்டி நடத்தலாம் என்று சொல்லி அதற்கான ஏற்பாடுகளை செய்கின்றனர். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.

அண்ணா:

சௌந்தரபாண்டிக்கு சண்முகம் வைத்த ஆப்பு.. முத்துப்பாண்டி செய்யும் சதி

அண்ணா சீரியலில் நேற்றைய எபிசோடில் சண்முகம் மாற்றுத்திறனாளி ஒருவரை கோவிலுக்கு அழைத்து வந்த நிலையில், இன்று, கோவிலில் சௌந்தரபாண்டி அன்னபோஸ்ட்டாக தன்னை தேர்வு செய்வதற்கான எல்லா ஏற்பாடுகளையும் செய்து கொண்டிருக்க, சண்முகத்தை பார்த்த உடன்குடி இந்த விஷயத்தை சொல்கிறான். உடனே கோவிலுக்குள் வரும் சண்முகம் சௌந்தரபாண்டி ஏற்பாடு செய்து வைத்திருந்த பத்திரத்தை கிழித்து போட்டு நான் இந்த தேர்தலில் நிற்கிறேன் என்று ஷாக் கொடுக்கிறான்.

சௌந்தரபாண்டி நீ தான் நிக்க மாட்டேன்னு சொல்லிட்டியேலே என்று கேட்க, அது என் பொண்டாட்டியை  சந்தோஷப்படுத்துவதற்காக சொன்னது, நான் எலெக்ஷன்ல நிற்கிறேன் என்று சொல்ல, அதற்கான டைம் முடிந்து போச்சு என்று சௌந்தரபாண்டி சொல்கிறார். ஆனால் சண்முகம் அது எப்படி முடியும்? இன்னும் தேர்தல் தேதி அறிவிக்கல, நாமினேஷன் நடக்கல. அப்படியிருக்கும் போது உங்கள எப்படி அன்னபோஸ்ட்டாக தேர்வு செய்ய முடியும் என செக்மேட் வைக்கிறான்.

அதனை தொடர்ந்து நான் இந்த தேர்தலில் நிற்கிறேன், முடிந்தால் போட்டி போட்டு ஜெயித்து காட்டுங்க என்று சண்முகம் கிளம்பி செல்ல, வீட்டிற்கு வந்த சௌந்தரபாண்டி புலம்பி கொண்டிருக்க முத்துப்பாண்டி சண்முகத்தின் மீது ஒரு பொய் கேஸ் போட்டு ஜெயிலுக்கு அனுப்பிட்டா ப்ரெசிடெண்ட் பதவியும் போய்டும், இந்த தர்மகத்தா தேர்தலிலும் நிற்க முடியாது என்று சொல்கிறான்.

இதை கேட்ட சௌந்தரபாண்டி அப்படியே செய்திடலாம். நான் எல்லா ஏற்பாடுகளையும் செய்யறேன், நீ பொய் கேஸ் போட்டு உள்ள தள்ளு என்று சொல்கிறார். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.

இதயம் :

ஆபிஸ் வந்து அதிர்ச்சி கொடுத்த பாரதி.. ஆதிக்கு நடக்கும் ஆக்சிடென்ட்?

இதயம் சீரியலில் நேற்றைய எபிசோடில் ஆதி பாரதியிடம் காதலை சொல்லிய நிலையில் இன்று, ஆபிஸ் வரும் ஆதி பாரதி அவளது சீட்டில் இல்லாததை பார்த்து லதாவிடம் விசாரிக்க அவள் எனக்கு தெரியல, என்கிட்ட எதுவும் சொல்லல.. போனும் சுவிட்ச் ஆப்-னு வருது என்று சொல்லி விட ஆதி இதே யோசனையில் இருக்கிறான். அதன் பிறகு கேசவ்விடம் பாரதியிடம் காதலை சொன்ன விஷயத்தை சொல்ல அவன் ஏண்டா இதெல்லாம் பண்ற என்று கேட்க பாரதியுடன் வாழ்க்கை முழுவதும் இருக்க ஆசைப்படுவதாக சொல்கிறான்.

அடுத்ததாக ஆதி, லதா மற்றும் கேசவ் சாப்பிட உட்கார ஆதி சாப்பிட முடியாமல் எழுந்து வந்து விடுகிறான். அப்போது பாரதி அவளது சீட்டில் இருப்பதை பார்த்து சந்தோஷப்படுகிறான். அதோடு பாரதியை தனது ரூமுக்கு அழைத்து தேங்க்ஸ் சொல்ல அவள் நான் வேலையை ரிசைன் செய்ய வந்தேன் என்று ஷாக் கொடுக்கிறாள்.

பிறகு லதா, கேசவ் பாரதியிடம் பேச அவள் ரிசைன் லெட்டரை கொடுத்து விட்டு கிளம்புகிறாள். பாரதி தமிழ் பாப்பாவை கூப்பிட ஸ்கூளுக்கு வர ஆதியும் அங்கு வர பாரதி தமிழ் பாப்பாவை பேச விடாமல் அழைத்து சென்று விடுகிறாள். இதனால் தமிழ் பாரதியிடம் கோபித்து கொண்டு பேசாமல் இருக்கிறாள். மேலும் பாட்டியிடம் அம்மா அடிக்கடி கோபப்படுறாங்க என்று சொல்ல அவர் இப்படியெல்லாம் குழந்தை கிட்ட கோபப்படாத என்று சொல்கிறார்.

அதன் பிறகு தமிழ் அப்படியே தூங்கி விட பாரதியும் தூங்கி விட திடீரென ஆதிக்கு விபத்து நேர்ந்தது போல கனவு கண்டு அலறி எழ அந்த நேரம் பார்த்து ஆதிக்கு ஆக்சிடென்ட் என கேசவ் போன் செய்து சொல்ல தமிழை கூட்டி கொண்டு ஹாஸ்பிடலுக்கு ஓடி வருகிறாள். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு அதிகரித்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“