ஸ்மைலி கார்த்திக்: டான்ஸிங் தீபா; 600 எபிசோடுகள் கடந்த குஷியில் கார்த்திகை தீபம்!

தமிழ் சின்னத்திரையில் ஜீ தமிழ் தொலைக்காட்சியில் நம்பர் 1 சீரியலாக ஒளிபரப்பாகி வருகிறது கார்த்திகை தீபம். கார்த்திக் ராஜ், ஹர்திகா ஆகியோர் ஜோடி சேர்ந்து நடித்து வரும் இந்த சீரியலில் பலர் முக்கிய கதாபாத்திரங்களில் நடித்து வருகின்றனர்.  ஒவ்வொரு நாளும் விறுவிறுப்பாக ஒளிபரப்பாகி வரும் இந்த சீரியல் தற்போது 600 எபிசோடுகளை நிறைவு செய்ய உள்ளது.

இதனை கொண்டாடும் வகையில் கார்த்திகை தீபம் நட்சத்திர நவராத்திரி என்ற பெயரில் சீரியல் நட்சத்திரங்கள் ஒன்றிணைந்து கொண்டாட உள்ளனர்.  அர்ச்சனா தொகுத்து வழங்க உள்ள இந்த நிகழ்ச்சி வரும் நவம்பர் 11-ம் தேதி மதியம் 12:30 மணிக்கு ஒளிபரப்பாக இருப்பதாக அறிவிக்கப்பட்டுள்ளது. இது குறித்த ப்ரோமோ வீடியோ வெளியாகியுள்ளது. இந்த வீடியோவில் நடிகை தீபா உட்பட பலர் பங்கேற்றுள்ளனர்.

இதனால் இந்த கார்த்திகை தீபம் நட்சத்திர நவராத்திரி கொண்டாட்டம் ரசிகர்களுக்கு சூப்பர் டூப்பர் விருந்தாக இருக்கும் என எதிர்பார்க்கப்படுகிறது.