கல்யாண ஏற்பாடுகள் தீவிரம்: காணாமல் போகும் திருமண புடவை; கல்யாணம் நடக்குமா?

தீபாவுக்கு பல்பு கொடுத்த கார்த்திக்.. ரம்யாவுக்கு ஷாக் கொடுத்த கல்யாண மாப்பிள்ளை - கார்த்திகை தீபம் வீகெண்ட் எபிசோட் அப்டேட்

கார்த்திகை தீபம் சீரியலின் நேற்றைய எபிசோடில் ரம்யா அபிராமியிடம் இருந்து தாலியை திருட கார்த்திக் ஸ்மார்ட்டான பிளானை போட்டு அதை திருப்பி கொண்டு வந்து கொடுக்க வைத்த நிலையில் இன்றும் நாளையும் நடக்க போவது என்ன என்பது குறித்து பார்க்கலாம்.

ரமேஷ் ரம்யா வீட்டிற்கு கார்பெண்டர் மற்றும் டிராவல் ஏஜென்ட் ஒருவருடன் வந்து தேக்கு மரத்தில் கட்டில் செய்ய சொல்லி ஹனி மூன் பற்றி பேச ரம்யா கடுப்பாகிறாள். ஒருகட்டத்தில் துப்பாக்கியை எடுத்து ரமேஷ் நெஞ்சில் வைக்க அவன் ரம்யா ரம்யா சுட்டுடாத என் இதயம் பூரா நீ தான் இருக்க.. உன்னை நீயே சுட்டுப்பியா என்று சொல்ல ரம்யா நீ போய் செத்துடு அப்போ தான் எனக்கு நிம்மதி என்று திட்டுகிறாள்.

உடனே ரமேஷ் மாடி மீது ஏறி கீழே குதித்து சாக போவதாக சொல்ல ரம்யா பதறி போய் உன்னை மன்னிச்சிட்டேன், கீழே இறங்கு என்று கெஞ்ச ரமேஷ் கீழே இறங்கி வருகிறான். மறுபக்கம் அபிராமி வீட்டில் கல்யாண ஏற்பாடுகள் தடபுடலாக நடக்க தீபா பழைய விஷயங்களை நினைத்து பார்க்கிறாள். இதை தொடர்ந்து எல்லாருக்கும் புடவை எடுக்க அபிராமி ரம்யாவிடம் நீயும் உனக்கு பிடிச்ச மாதிரி புடவை எடுத்துக்கோ மா என்று சொல்கிறாள்.

தீபா கார்த்திக் சாருக்கு பிடித்த மாதிரி நான் எடுத்துக்கவா என்று கேட்க ஐஸ்வர்யா அதெல்லாம் எதுக்கு? உனக்கு பிடித்த மாதிரி எடுத்தா போதாதா என்று சொல்ல, அபிராமி நீ உன் விருப்பப்படி செய் என்று அனுமதி கொடுக்கிறாள். மீனாட்சி நான் மூணு கலர் புடவையை தேர்வு செய்து ஆனந்த் அதுல எனக்கு பிடித்த கலரை தேர்வு செய்யுறாரான்னு செக் பண்ண போறேன் என்று சொல்ல ஆனந்த் மீனாட்சிக்கு பிடிக்காத கலரை தேர்வு செய்கிறான்.

அதன் பிறகு ஐஸ்வர்யா அருணிடம் மூன்று புடவையை காட்டி கேட்க அவன் மூணு புடவையும் உன்ன விட அழகா தான் இருக்கு என்று சொல்லி பல்பு கொடுக்கிறான். அடுத்து தீபா கார்த்திக்கு மூன்று கலரில் புடவை அனுப்பி ஒன்றை தேர்வு செய்ய சொல்கிறாள். அடுத்து ப்ளூ கலர் சொல்லுங்க என்று மனதுக்குள் வேண்டி கொண்டே இருக்க கார்த்திக் பச்சை கலரை தேர்வு செய்து பல்பு கொடுக்கிறான். பிறகு ரமேஷ் ரம்யாவுக்கு ஒரு புடவையை தேர்வு செய்ய அவள் கடுப்பாகிறாள்.

அடுத்து கோவிலில் இவர்களை பார்க்கும் ரியா மறைவாக நின்று இந்த கல்யாணத்த நான் நடக்க விட மாட்டேன் என்று சபதம் எடுக்கிறாள். இதை தொடர்ந்து தீபா கையில் இருந்த புடவையை யாரோ கொள்ளையடித்து செல்ல தீபா அதிர்ச்சி அடைகிறாள். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.

மாயா கழுத்தில் ஏறிய தாலி? உண்மை அறிந்து அதிர்ச்சியான ரகுராம்.. அடுத்து நடந்தது என்ன?

சந்தியா ராகம் சீரியலின் நேற்றைய எபிசோடில் மாயாவுக்கும் சீனுவுக்கும் கோவிலில் கல்யாண ஏற்பாடுகள் நடக்க பார்வதி லெட்டரை கொண்டு வந்த ரகுராமிடம் கொடுத்த நிலையில் இன்றும் நாளையும் நடக்க போவது என்ன என்பது குறித்து பார்க்கலாம்.

மாயாவும் சீனுவும் காதலித்தாக சொல்லி மாயாவை திட்ட ரகுராம் மாயா அப்படி தப்பு பண்ணி இருக்க மாட்டா, அவ மேலே எனக்கு நம்பிக்கை இருக்கு என்று சொல்ல பத்மா டைரியை கொண்டு வந்து கொடுக்க ரகுராம் அதை படிக்க படிக்க அதிர்ச்சி அடைகிறார். இங்கே அய்யர் மந்திரம் சொல்ல சொல்ல அக்ஷதை போட்டு பூஜை செய்கிறான் சீனு, அதன் பிறகு சிவராமன், மணிவண்ணன் வீட்டிற்கு வருகின்றனர். ரகுராம் மாயா காதலித்து சீனுவை தானா என்று கோபப்பட்டு டைரியை தூக்கி வீசுகிறார்.

இதை ஏன் ஏற்கனவே சொல்லல என்று கேள்வி எழுப்ப பத்மா அண்ணிக்கு தெரியும் என்று சொல்ல ரகுராம் ஏன் எனக்கு துரோகம் பண்ண என்று ஜானகி மீது கோபப்படுகிறார். இங்கே சீனு இனிமே நம்மள யாராலும் பிரிக்க முடியாது என்று தாலி கட்ட செல்கிறான். மறுபக்கம் ரகுராம் ஜனாகி மீது பயங்கர கோபப்படுகிறார். லிங்கம் வீட்டில் பந்தக்கால் நடுவதற்காக எல்லாரும் ஆவலுடன் காத்திருக்க பார்வதி போன் செய்து சீனு மாயாவுக்கு கல்யாணம் நடந்து விட்டதாக சொன்னதும் எல்லாரும் ஷாக் ஆகின்றனர். 

லிங்கம் நான் தோத்து போய்ட்டேன் என்று புலம்ப ஷாரு வேகவேகமாக ஓடி ஒரு கிணற்றின் முன்னாடி நின்று குதித்து விடுகிறாள். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.