பெண் பார்க்க கல்லூரிக்கு சென்ற ஹீரோ; ரியாவை பிடித்து கொடுத்த கார்த்திக்: ஜீ தமிழ் சீரியலில் இன்று!

ரியாவுக்கு வேட்டு வைத்த கார்த்திக்.. கண் விழித்த அபிராமி, அடுத்து என்ன? 

கார்த்திகை தீபம் சீரியலின் நேற்றைய எபிசோடில் ஒரு போன் காலை வைத்து ரம்யா கேம் விளையாடிய நிலையில் இன்று, அபிராமி கண் விழிக்க தீபா அந்த விஷயத்தை கார்த்திக்கிடம் சொல்லி அழைத்து வர அபிராமி நான் உன்னை ரொம்ப கஸ்டப்படுத்திட்டேனா என்று கேட்க அவன் அப்படியெல்லாம் இல்லை என்று சொல்ல தீபா ஆமாம் அத்தை அவர் உங்கள நினைத்து ரொம்ப வருத்தப்பட்டார் என்று சொல்கிறாள்.

அதன் பிறகு தீபாவோட கழுத்தை பாருங்க என்று கார்த்திக் சொல்ல அபிராமியும் பார்த்து விட்டு என்ன நீ மஞ்ச கயிற்றோட இருக்க.. உன்னுடைய தாலி எங்கே என்று கேட்க தீபா தாலியை கழட்டிய விஷயத்தை சொல்ல அபிராமி அவளை நினைத்து சந்தோசப்படுகிறாள். பிறகு கார்த்தியிடம் நீ தீபா கழுத்தில் தாலி கட்டணும், அதை மனசார பார்க்கணும் என்று சொல்ல கார்த்திக் நீ சொன்னா பண்ணிட வேண்டியது தான் சொல்கிறான்.

பிறகு எல்லாரும் உள்ளே வந்து விடுகின்றனர். அபிராமி ஒவ்வொருத்தரையாக நலம் விசாரிக்க அவர்களும் அபிராமியை நலம் விசாரிக்கின்றனர். டாக்டர் டிஸ்ஜார்ஜ் செய்து அழைத்து செல்லலாம் என்று சொல்கிறார். ஆனால் கார்த்திக் இதுக்கெல்லாம் காரணமாக ரியா கைது ஆகணும், அதன் பிறகு தான் அம்மாவை வீட்டிற்கு அழைத்து வரணும் என்று அருண் ஆனந்திடம் சொல்ல அப்போது ரியாவே ஆனந்துக்கு போன் செய்து பேச கார்த்திக் கோபப்படாம பேசி ஓரிடத்திற்கு வர வை என்று சொல்கிறான்.

ஆனந்தும் அதே போல் பேசி ரியாவை ஓரிடத்திற்கு வர வைத்து அவளை சந்திக்க அவள் ஆனந்திடம் நீ என்னை உன்னுடைய மனைவியா ஏத்துக்கிட்டா போதும் அதை தவிர நான் வேற எதையும் யோசிக்கல என்று சொல்கிறாள். ஆனந்த் அவளை கன்னத்தில் அறைந்து கோபப்படுகிறான். பிறகு போலீஸ் அங்கு வர ரியா கைதாக பின்னாடியே வரும் கார்த்தியை பார்த்த அவள் உன்ன சும்மா விட மாட்டேன் என்று கோபத்தோடு ஜெயிலுக்கு செல்கிறாள். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.

மதுவுக்காக மாப்பிள்ளை பார்த்த கௌதம்.. ப்ரோக்கர் கொடுத்த ஷாக்

நெஞ்சத்தை கிள்ளாதே சீரியலின் நேற்றைய எபிசோடில் மதுவிற்கு நான் மாப்பிளை பார்க்கிறேன் என்று கௌதம் சொல்லிய நிலையில் இன்று, கௌதம் சந்தோஷிடம் எப்படியாவது மதுவிற்கு ஒரு நல்ல மாப்பிள்ளையாக பார்க்க வேண்டும் என்று சொல்ல சந்தோஷ் அதெல்லாம் கஷ்டம் என்று சொல்ல கௌதம் மேட்ரிமணி என எல்லாவற்றிலும் விளம்பரம் கொடு என்று சொல்கிறான். 

இதையடுத்து மதுமிதா வீட்டிற்கு வந்த ப்ரோக்கர் பொண்ணுக்கு 35 வயசாகுது, ஆனால் சின்ன வயசு போட்டோவை கொடுத்து இருக்கீங்க என்று சொல்ல மதுவின் அம்மா எவ்வளவு செலவானாலும் பரவாயில்லை, என் பொண்ணுக்கு நல்ல மாப்பிள்ளையா பார்த்து கொடுங்க என்று சொல்கிறாள். மறுபக்கம் கௌதமுக்கு நிறைய வரண் வருவதாக சொந்தக்காரர் ஒருவர் சொல்ல சகுந்தலா நாங்களே ஒரு பங்ஷனை வச்சி கல்யாணம் பற்றி அறிவிக்க போறோம் என்று சொல்கிறாள்.

அடுத்து கௌதம் சந்தோஷிடம் ஒரு 20 மாப்பிளையை தேர்வு செய்து வைத்திருக்கேன், அதை மதுவுக்கு அனுப்பு நான் அவங்ககிட்ட பேசுகிறேன் என்று சொல்லி போன் செய்ய மது காலேஜில் இருப்பதாக போனை வைத்து விடுகிறாள். சந்தோஷ் இதெல்லாம் நேரில் பேசினால் சரியா இருக்கும் என்று சொல்ல கௌதம் காலேஜ்க்கு கிளம்பி வந்து மதுவை விசாரிக்க பெரிய பிசினஸ் மேன் என்பதை அறிந்து கொள்ளும் மாணவர்கள் யாரோ ஒரு பொண்ணை தான் பார்க்க வந்திருப்பதாக பேசி கொள்ள மது இருக்கும் இடத்திற்கு சென்று காரை நிறுத்துகிறான். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.