பிறந்த தேதி சான்றாக ஆதாரை பயன்படுத்த முடியாது: சுப்ரீம் கோர்ட் தீர்ப்பு சொல்வது என்ன?

ஆதார் என்பது அடையாள சான்று மட்டுமே. ஆதாரை பிறந்த தேதிக்கான சான்றாகப் பயன்படுத்த முடியாது என்று உச்ச நீதிமன்றம் வியாழக்கிழமை தீர்ப்பளித்தது. பள்ளிக் கல்விச் சான்றிதழ், டி.சி போன்ற பிற அதிகாரப்பூர்வ ஆவணங்கள் இந்த நோக்கத்திற்காக பயன்படுத்த வேண்டும் என்று கூறியுள்ளது. 

ஆதாரை வழங்கும் இந்திய தனித்துவ அடையாள ஆணையத்தால் (யுஐடிஏஐ) "உலகளாவிய அடையாள உள்கட்டமைப்பு" என்று விவரிக்கப்பட்டுள்ள ஆதாரின் நோக்கம் குறித்து இந்தத் தீர்ப்பு கேள்விகளை எழுப்பியுள்ளது.

மோட்டார் வாகன விபத்து இழப்பீடு வயதுச் சான்று தேவை 

நீதிபதிகள் சஞ்சய் கரோல் மற்றும் உஜ்ஜல் புயான் ஆகியோர் அடங்கிய உச்ச நீதிமன்ற அமர்வுக மோட்டார் சைக்கிள் விபத்தில் இறந்த சிகா ராம் என்ற நபரின் குடும்பத்திற்கு வழங்கப்படும் இழப்பீட்டை நிர்ணயிக்கும் பணியை மேற்கொண்டது. ஏப்ரல் 2015 இல், ஹரியானாவின் ரோஹ்தக்கில் உள்ள மோட்டார் விபத்து உரிமைகோரல் தீர்ப்பாயம், காப்பீட்டு நிறுவனத்திற்கு ரூ.19,35,400 இழப்பீடு வழங்க உத்தரவிட்டது.

மேல்முறையீட்டில், பஞ்சாப் மற்றும் ஹரியானா உயர்நீதிமன்றம் இழப்பீடு தொகையை ரூ. 9,22,336 ஆக குறைத்தது. இறந்தவரின் ஆதார் அட்டையின்படி அவர் இறக்கும் போது அவருக்கு வயது 47. அதாவது MVA-ன் கீழ் இந்த வயது 13 வயது அதிகமாகும்.

பாதிக்கப்பட்டவரின் குடும்பத்தினர் உச்ச நீதிமன்றத்தில் மேல்முறையீடு செய்தனர், அவரது பள்ளி விடுப்பு சான்றிதழின் படி விபத்து நடந்த போது அவருக்கு உண்மையில் 45 வயது என்றும், அதற்கு பதிலாக பெருக்கி 14 ஆக இருக்க வேண்டும் என்றும் வாதிட்டனர்.

சிறார் நீதிச் சட்டம்- ஆதார் வயது சான்று இல்லை   

உச்ச நீதிமன்றம் அதன் 13 பக்க தீர்ப்பில், ஆதார் என்பது அடையாள சான்று மட்டுமே. ஆதாரை பிறந்த தேதிக்கான சான்றாகப் பயன்படுத்த முடியாது என்று உச்ச நீதிமன்றம் வியாழக்கிழமை தீர்ப்பளித்தது.

ஆங்கிலத்தில் படிக்க:    Explained: SC rules that Aadhaar cannot be used as proof of date of birth

மேலும், சிறார் நீதி (குழந்தைகளின் பராமரிப்பு மற்றும் பாதுகாப்பு) சட்டம், 2015 இன் பிரிவு 94 ஐக் குறிப்பிடுகிறது, அதில் “சம்பந்தப்பட்ட தேர்வு வாரியத்தின் மெட்ரிகுலேஷன் அல்லது அதற்கு சமமான சான்றிதழை” ஒரு சான்றாகப் பயன்படுத்தலாம் என்று குறிப்பிடுகிறது. ஆதார் அட்டைக்கு பதிலாக ஒரு நபரின் வயதை தீர்மானிக்க பள்ளி டி.சி சான்றிதழைப் பயன்படுத்துவதைக் கட்டாயமாக்கும் உயர் நீதிமன்றத் தீர்ப்புகளுடன் இது துணைபுரிகிறது என்று கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“