அதானி குழுமத்தின் வளர்ச்சி; ஒரு முழுமையான பார்வை

George Mathew , Sandeep Singh

கௌதம் அதானியால் நிறுவப்பட்ட அதானி குழுமத்தின் முதன்மை நிறுவனமான அதானி எண்டர்பிரைசஸ் லிமிடெட் (AEL) ஒரு சிறிய சரக்கு வர்த்தக வணிகமாகத் தொடங்கி, அரை டஜன் நிறுவனங்களை தோற்றுவித்து, கையகப்படுத்துதல் மூலம் வளர்ந்தது. ஹிண்டன்பர்க் ஆராய்ச்சி அறிக்கையானது, அதானி குழும நிறுவனங்களின் பங்கு விலைகளில் சரிவை ஏற்படுத்துவதற்கு முன்பு, பங்குச் சந்தைகளில் AEL தலைமையிலான அதானி நிறுவனங்களின் அனல் பறக்கும் ஓட்டம், குழுமத்தை சந்தை மூலதனத்தில் முதலிடத்திற்கு கொண்டு சென்றது மற்றும் கௌதம் அதானியை உலகின் மூன்றாவது பெரிய பணக்காரராக மாற்றியது.

ஜனவரி 25 முதல் AEL பங்கு

அதானி எண்டர்பிரைசஸ் பொது பங்கு விற்பனை (ஃபாலோ-ஆன்-பப்ளிக் ஆஃபரிங் (FPO)) ரூ. 20,000 கோடி திரட்டுவதற்காக ஜனவரி 25 அன்று உறுதியான முதலீட்டாளர்களுக்கு சந்தா செலுத்தத் திறக்கப்பட்டது, அதேநேரம் அமெரிக்காவை தளமாகக் கொண்ட ஹிண்டன்பர்க் ரிசர்ச், அதானி குழுமம் பற்றிய அறிக்கையை வெளியிட்டது, அதானி குழுமமானது "பங்கு மோசடி மற்றும் கணக்கியல் மோசடியில்" ஈடுபட்டதாக குற்றம் சாட்டியது.

இதையும் படியுங்கள்: முதலீட்டாளர்களுக்கு பணத்தை திருப்பித் தர பங்கு விற்பனையை நிறுத்திய அதானி குழுமம்; நடந்தது என்ன?

அதானி குழுமம் இந்த அறிக்கையை "தீங்கிழைக்கும் தவறான தகவல்" என்று கூறியதுடன், ஹிண்டன்பர்க் மீது வழக்குத் தொடரத் திட்டமிட்டுள்ளதாகக் கூறியபோதும், பட்டியலிடப்பட்ட ஒன்பது குழும நிறுவனங்களின் பங்குகள் சரிவிற்கு உள்ளாகின. கடந்த ஏழு வர்த்தக அமர்வுகளில், சந்தை மூலதனத்தில் மொத்தமாக ரூ.9.1 லட்சம் கோடியை இழந்துள்ளனர், இது அவர்களின் சந்தை மூலதனத்தில் 47.4 சதவீதம். அதானி குழும சந்தை மதிப்பு ஜனவரி 24ஆம் தேதி ரூ.19.18 லட்சம் கோடியிலிருந்து பிப்ரவரி 3ஆம் தேதி ரூ.10.07 லட்சம் கோடியாகக் குறைந்தது.

முதன்மையான அதானி எண்டர்பிரைசஸ் புதன் மற்றும் வியாழன் அன்று பெரும் விற்பனை அழுத்தத்திற்கு உள்ளானது. கடந்த ஏழு வர்த்தக அமர்வுகளில், அதன் பங்கு 54 சதவீதம் குறைந்துள்ளது.

நிறுவனம் அல்லாத முதலீட்டாளர்கள் மற்றும் பெரிய நிறுவனங்களின் குடும்ப அலுவலகங்களின் ஆர்வத்தைத் தொடர்ந்து, வெளியீட்டிற்கான முழு சந்தாவைப் பெற முடிந்த ஒரு நாளுக்குப் பிறகு குழுமம் AEL இன் FPO ஐ நிறுத்த வேண்டியிருந்தது. பங்குகள் புதன்கிழமை 25 சதவீதத்திற்கும் மேலாக சரிந்த பின்னர் நிறுத்தப்பட்டன. கௌதம் அதானி, முதலீட்டாளர்களின் பணத்தைத் திருப்பித் தருவதாகவும், முதலீட்டாளர்களின் நலனைப் பாதுகாப்பதற்காக இந்த முடிவு எடுக்கப்பட்டதாகவும் கூறினார்.

அதானி குழுமத்தின் பங்கு விலைகளில் ஏற்பட்ட சரிவு, கௌதம் அதானியின் நிகர மதிப்பில் குறிப்பிடத்தக்க சரிவுக்கு வழிவகுத்தது, அவர் பிப்ரவரி 3 ஆம் தேதி உலகளாவிய பில்லியனர்களின் குறியீட்டில் 3 வது இடத்திலிருந்து 17 வது இடத்திற்கு சரிந்தார், நிகர மதிப்பு $61.7 பில்லியன்.

AEL வளர்ச்சிப் பாதை

அப்போது 26 வயதில் பள்ளிப் படிப்பை பாதியில் நிறுத்திய கௌதம் அதானி, அவர் வைர வர்த்தகம் மற்றும் ஒரு சிறிய பிளாஸ்டிக் பிரிவை நிர்வகித்து, 1988 இல் ஒரு கூட்டாண்மை நிறுவனமாக AEL ஐ நிறுவினார். இது மார்ச் 2, 1993 அன்று அதானி எக்ஸ்போர்ட்ஸ் லிமிடெட் என அகமதாபாத்தில் பதிவு செய்யப்பட்டு இணைக்கப்பட்டது; பின்னர் அதன் வணிக உத்திகளில் மாற்றங்களை பிரதிபலிக்கும் வகையில் அதானி எண்டர்பிரைசஸ் லிமிடெட் என்று பெயர் மாற்றப்பட்டது. ஆகஸ்ட் 10, 2006 அன்று நிறுவனங்களின் பதிவாளரால் புதிய ஒருங்கிணைப்புச் சான்றிதழ் வழங்கப்பட்டது.

இந்நிறுவனம் இந்தியா, இந்தோனேசியா மற்றும் ஆஸ்திரேலியாவில் நிலக்கரி சுரங்கங்களை கையகப்படுத்தியது மற்றும் நாட்டின் மிகப்பெரிய தனியார் நிலக்கரி இறக்குமதியாளராக ஆனது. அது ஊக்குவித்த மின் அலகு மிகப்பெரிய தனியார் மின் உற்பத்தியாளர் ஆனது. AEL துறைமுகங்கள் மற்றும் விமான நிலையத் துறைகளிலும் நுழைந்தது, மேலும் மே 2022 இல் அம்புஜா சிமெண்ட்ஸ் மற்றும் ACC ஐ வாங்கியது.

நிறுவனங்கள் பெருகின

AEL ஆறு "டெகாகார்ன் வணிகங்களை" உருவாக்கி வைத்திருப்பதாகக் கூறி, அவற்றைப் பிரித்தெடுத்தல் மூலம் வெற்றிகரமாகப் பட்டியலிட்டுள்ளது: அதானி போர்ட்ஸ் மற்றும் ஸ்பெஷல் எகனாமிக் ஜோன் லிமிடெட், அதானி பவர் லிமிடெட், அதானி டிரான்ஸ்மிஷன் லிமிடெட், அதானி கிரீன் எனர்ஜி லிமிடெட், அதானி டோட்டல் கேஸ் லிமிடெட் மற்றும் அதானி வில்மர் லிமிடெட்

தற்போதைய செயல்பாடுகள்

பசுமை ஹைட்ரஜனை உற்பத்தி செய்வதற்கான ஆரம்பம் முதல் இறுதி வரையிலான ஒருங்கிணைந்த சுற்றுச்சூழல் அமைப்பை ஏற்படுத்தல், மற்றும் உருவாக்குதல் என்ற நோக்கத்துடன், அதானி நிறுவனம் இப்போது பசுமை ஹைட்ரஜன் சுற்றுச்சூழல் அமைப்பை உருவாக்குகிறது.

AEL இன் பொது வெளியீட்டு முக்கிய அம்சங்களின் படி, புதுப்பிக்கத்தக்க சக்தியின் செலவைக் குறைக்க காற்று மற்றும் சூரிய தொகுதிகள் போன்ற புதுப்பிக்கத்தக்க ஆற்றல் உபகரணங்களைத் தயாரிப்பது, புதுப்பிக்கத்தக்க ஆற்றல் மற்றும் பசுமை ஹைட்ரஜனின் உற்பத்தி மற்றும் பசுமை ஹைட்ரஜனின் ஒரு பகுதி வழித்தோன்றல்களை பசுமை நைட்ரஜன் உரங்கள், அம்மோனியா மற்றும் யூரியா உட்பட, உள்நாட்டு சந்தை மற்றும் ஏற்றுமதி ஆகிய இரண்டுக்கும் மாற்றுவது ஆகியவை அடங்கும்.

இந்நிறுவனம் மும்பை, அகமதாபாத், லக்னோ, மங்களூரு, ஜெய்ப்பூர், குவஹாத்தி மற்றும் திருவனந்தபுரம் ஆகிய ஏழு விமான நிலையங்களை இயக்கி நிர்வகிக்கிறது மற்றும் நவி மும்பையில் ஒரு கிரீன்ஃபீல்ட் விமான நிலையத்தை உருவாக்கி வருகிறது. செப்டம்பர் 30, 2022 நிலவரப்படி, இது 14 சாலை சொத்துக்களைக் கொண்டிருந்தது, அவற்றில் மூன்று வணிக நடவடிக்கைகளைத் தொடங்கியுள்ளன.

ஒப்பந்தச் சுரங்கம், மேம்பாடு, உற்பத்தி தொடர்பான மற்றும் பிற சேவைகள் உட்பட சுரங்க சேவைகளை AEL வழங்குகிறது, அத்துடன் நிலக்கரியின் ஒருங்கிணைந்த வள மேலாண்மை சேவைகள், பல்வேறு உலகளாவிய தொகுப்புகளில் இருந்து நிலக்கரியை அணுகுவது மற்றும் இந்திய வாடிக்கையாளர்களுக்கு சரியான நேரத்தில் விநியோகத்தை வழங்குவது ஆகியவை அடங்கும். வணிக சுரங்க நடவடிக்கைகளை நடத்துவதற்காக சமீபத்தில் சுரங்கங்களையும் வாங்கியது.

இது உணவு எஃப்.எம்.சி.ஜி தயாரிப்புகளை உற்பத்தி செய்கிறது, சந்தைப்படுத்துகிறது மற்றும் பிராண்ட் செய்கிறது, மேலும் குழுமத்தின் நுகர்வோர் சேவை வணிகங்களை நிறைவுசெய்யும் வகையில் “அதானி ஒன்” என்ற சூப்பர்-ஆப்பை உருவாக்கி வருகிறது.

AEL இன் பொது வெளியீட்டு முக்கிய அம்சங்களின் படி, நிறுவனம் பெட்ரோ கெமிக்கல்ஸ், செம்பு மற்றும் ஒத்த உலோகங்கள் மற்றும் இந்தியாவின் தன்னம்பிக்கையை மேம்படுத்தும் மூலோபாய இராணுவ மற்றும் பாதுகாப்பு தயாரிப்புகளை உற்பத்தி செய்ய விரும்புகிறது.

AEL வாரியம்

கௌதம் அதானி குழுவின் தலைவராகவும், அவரது இளைய சகோதரர் ராஜேஷ் அதானி நிர்வாக இயக்குநராகவும் உள்ளார். கௌதம் அதானியின் மூத்த சகோதரர் வினோத் அதானியின் மகன் பிரணவ் அதானியும் குழுவில் உள்ளார்.

மற்ற உறுப்பினர்களில் இந்தியன் ஓவர்சீஸ் வங்கியின் முன்னாள் தலைவர் மற்றும் இயக்குனர் நரேந்திரா; புதிய மற்றும் புதுப்பிக்கத்தக்க எரிசக்தி அமைச்சகத்தின் முன்னாள் செயலாளர் வி.சுப்பிரமணியன்; டாடா ஸ்டீலின் முன்னாள் எம்.டி எச் நெருர்கர்; CERG ஆலோசனை நிறுவனர் மற்றும் உலக வங்கி, IMF, ADB மற்றும் OECD ஆகியவற்றின் முன்னாள் ஆலோசகர் ஓம்கார் கோஸ்வாமி; அதானி இயற்கை வளங்களின் CEO வினய் பிரகாஷ்; மற்றும் பஞ்சாயத்து ராஜ் அமைச்சகத்தின் முன்னாள் செயலாளர் விஜயலக்ஷ்மி ஜோஷி.

கௌதம் அதானிக்கு இரண்டு மகன்கள் உள்ளனர். கரண் அதானி போர்ட்ஸ் நிறுவனத்தின் தலைமை நிர்வாக அதிகாரி, மற்றும் ஜீத் துணைத் தலைவர் (குரூப் ஃபைனான்ஸ்).

AEL இன் செயல்திறன்

BSE இணையதளத்தின்படி, AEL 26,824 கோடி ரூபாய் வருவாய் ஈட்டியுள்ளது, மேலும் 2022 நிதியாண்டில் 720.70 கோடி ரூபாய் நிகர லாபம் ஈட்டியுள்ளது. செப்டம்பர் 2022 உடன் முடிவடைந்த இரண்டாவது காலாண்டில், ரூ. 22,136 கோடி வருவாயையும், ரூ.469 கோடி நிகர லாபத்தையும் ஈட்டியது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil