ஹிண்டன்பர்க்- அதானி- புச் விவகாரம் பற்றி நீங்கள் தெரிந்து கொள்ள வேண்டிய அனைத்தும் இங்கே

அதானி குழுமத்தின் ஜனவரி 2023 அறிக்கையின் ஒன்றரை ஆண்டுகளுக்குப் பிறகு, அமெரிக்காவைத் தளமாகக் கொண்டஆய்வு நிறுவனமான ஹிண்டன்பர்க் ரிசர்ச், இந்தியாவின் பங்கு சந்தைகளை ஒழுங்குபடுத்தும் அமைப்பு மற்றும் இந்திய பரிவர்த்தனை வாரியம் (செபி) தலைவர் மீது குற்றச்சாட்டுகளை முன்வைத்துள்ளது.

ஹிண்டன்பர்க் சனிக்கிழமையன்று, செபி தலைவர் மதாபி பூரி புச் மற்றும் அவரது கணவர் தவல் புச் ஆகியோர் அதானியின் வெளிநாட்டு நிறுவனங்களில் பங்குகள் வைத்திருந்ததாக குற்றம் சாட்டி உள்ளது. 

புச் இருவரும் இந்த குற்றச்சாட்டை மறுத்துள்ளனர் மற்றும் செபி கருத்து மோதல்கள் தொடர்பான சிக்கல்களைத் தீர்ப்பதற்கு போதுமான உள் வழிமுறைகள் இருப்பதாகக் கூறியது, இதில் வெளிப்படுத்தல் கட்டமைப்பு மற்றும் மறுதலிப்புக்கான விதிகள் அடங்கும் என்றது. 

இந்த விவகாரம் தொடங்கியது எப்படி?

ஜனவரி 25, 2023 அன்று வெளியிடப்பட்ட 106 பக்க அறிக்கையில், கௌதம் அதானியின் அதானி குழுமம் பல ஆண்டுகளாக பங்கு சந்தைகளில் மோசடி செய்ததாக ஹிண்டன்பர்க் குற்றம் சாட்டியது.

அதானி எண்டர்பிரைசஸ் லிமிடெட்டின் ரூ. 20,000 கோடி ஃபாலோ-ஆன் பப்ளிக் ஆஃபர் (FPO) முன்னதாக இந்த அறிக்கை வெளியிடப்பட்டது. இதையடுத்து அதானி நிறுவனங்களின் பங்குகள் வீழ்ச்சியடைந்தன.

அதானி குற்றச்சாட்டுகளை மறுத்தார். பின்னர், பெரும்பாலான அதானி பங்குகள் தற்போது மீண்டு வந்துள்ளன.

இந்தக் காலத்தில் செபி என்ன செய்தது?

ஜூலை 1, 2024 அன்று, அதானி எண்டர்பிரைசஸ் லிமிடெட் பங்குகள் குறித்து ஜனவரி 2023 அறிக்கை வெளியிடுவதற்கு முன்னும் பின்னும் செபியிடமிருந்து ஷோ காஸ் நோட்டீஸ் பெற்றதாக ஹிண்டன்பர்க் அறிவித்தது. ஹிண்டன்பர்க் ரிசர்ச், அதன் நிறுவனர் நாதன் ஆண்டர்சன், பங்குதாரர்-முதலீட்டாளர் மார்க் கிங்டன் மற்றும் கிங்டனுக்கு சொந்தமான அல்லது அவர் வழிநடத்தும் மூன்று நிறுவனங்கள்: கிங்டன் கேபிடல் மேனேஜ்மென்ட் எல்எல்சி, எம் கிங்டன் ஆஃப்ஷோர் மாஸ்டர் ஃபண்ட் எல்பி, மற்றும் கே இந்தியா வாய்ப்புகள் நிதி (கியோஃப்) - கிளாஸ் எஃப் ஆகியவற்றிக்கு நோட்டீஸ் வழங்கப்பட்டது.

 

செபிக்கு வழங்கப்பட்ட நோட்டீஸில்  "இந்தியாவின் மிகப்பெரிய வங்கிகள் மற்றும் தரகு நிறுவனங்களில் ஒன்றான கோடக் வங்கியின் பெயரைக் குறிப்பிடத் தவறிவிட்டது" என்று ஹிண்டன்பர்க் குற்றஞ்சாட்டியது. 

ஆங்கிலத்தில் படிக்க:   All you need to know about the Hindenburg-Adani-Buch saga

இதன் பின் ஒரு நாள் கழித்து, கோடக் மஹிந்திரா இன்டர்நேஷனல் லிமிடெட் (KMIL) மற்றும் KIOF ஆகியவை ஹிண்டன்பர்க் ஒருபோதும் தங்கள் வாடிக்கையாளராக இருந்ததில்லை அல்லது நிதியத்தில் முதலீட்டாளராக இருந்ததில்லை என்று கூறியது. 

ஹிண்டன்பர்க்கின் புதிய குற்றச்சாட்டு என்ன?

"கௌதம் அதானியின் சகோதரர் வினோத் அதானி பயன்படுத்திய அதே நிதியைப் பயன்படுத்துவதில் செபி தலைவர் மதாபி பூரி புச் உடந்தையாக இருந்ததால், அதானி குழுமத்திற்கு எதிராக நடவடிக்கை எடுக்க செபி விரும்பவில்லை" என்று ஹிண்டன்பர்க் இப்போது குற்றம் சாட்டியுள்ளது.

செபியின் முழு நேர உறுப்பினராக நியமிக்கப்படுவதற்கு இரண்டு வாரங்களுக்கு முன்பு, அதானியுடன் "தவல் புச் என்ற பெயரில் மட்டுமே பங்கு பதிவு செய்யப்படுவதை" புச் உறுதி செய்ததாக ஹிண்டன்பர்க் குற்றம் சாட்டியது.

"மதாபி புச் கட்டுப்பாட்டை மீறி, 2018 இல் அவர் செபி உறுப்பினராக இருந்த காலத்தில் கணவரின் பெயரில் பங்கு வைத்திருந்தது அதை மீட்டது தொடர்பான தனிப்பட்ட மின்னஞ்சல்கள் உள்ளன"என்றும் ஹிண்டன்பர்க் குற்றம் சாட்டியுள்ளது.

செபி என்ன கூறியது?

ஞாயிற்றுக்கிழமை, செபி, புச்-க்கு ஆதரவாக கருத்து தெரிவித்தது. அவர் அவ்வப்போது ஆவணங்கள் மற்றும் பரிமாற்றங்களை செபிக்கு வெளிப்படுத்தியுள்ளார் என்று கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“