பட்டியலினத் தலைவர் சந்திரசேகர் ஆசாத் மீது துப்பாக்கிச் சூடு: யார் இவர்?

உத்தரப் பிரதேச மாநிலம் சஹாரன்பூர் மாவட்டத்தில் உள்ள தியோபந்தில் பீம் ஆர்மி தலைவர் சந்திரசேகர் ஆசாத்தின் கான்வாய் மீது புதன்கிழமை (ஜூன் 28) துப்பாக்கிச் சூடு நடத்தப்பட்டது.
ஆசாத்தின் இடுப்பில் சிறிய தோட்டா காயம் ஏற்பட்டது. இந்நிலையில், ஆசாத் இடுப்பில் சுடப்பட்டு தியோபந்த் மருத்துவமனையில் அனுமதிக்கப்பட்டுள்ளதாக காவல்துறை தெரிவித்துள்ளது.

இது தொடர்பாக ஏஎன்ஐ செய்தி நிறுவனத்திடம் பேசிய எஸ்.எஸ்.பி. விபின் தடா, “சந்திரசேகர் ஆசாத்தின் கான்வாய் மீது காரில் வந்த ஆயுதமேந்திய சிலர் துப்பாக்கிச் சூடு நடத்தினர்.
ஒரு தோட்டா அவரைத் தாக்கியது. இது தொடர்பாக போலீசார் விசாரணை நடத்திவருகின்றனர்” என்றார்.

துப்பாக்கிச் சூடு சம்பவத் குறித்து ஆசாத் ஏ.என்.ஐ செய்தி நிறுவனத்திடம், “"எனக்கு நன்றாக நினைவில் இல்லை, ஆனால் எனது உடனிருந்தோர் அவர்களை அடையாளம் கண்டுகொண்டனர். அவர்களின் கார் சஹரன்பூர் நோக்கி சென்றது. யு-டர்ன் எடுத்தோம். சம்பவம் நடந்தபோது எனது தம்பி உட்பட நாங்கள் ஐந்து பேர் காரில் இருந்தோம்” என்றார்.

சந்திரசேகர் ஆசாத் பீம் ஆர்மி அமைப்புக்கு தலைமை தாங்குவதற்கு முன்பு ஆசாத், 2020ல் சமாஜ் (கன்ஷிராம்) கட்சிக்கு தலைவராக இருந்தார்.
இந்நிலையில் 2017ஆம் ஆண்டு முதல் அவர் முக்கியத்துவம் பெற்றார். அன்று முதல் மதச்சார்பின்மை, சமூக நீதிக்காக தொடர் குரல்களை எழுப்பிவருகிறார்.

அவரது கட்சி அரசியல் ரீதியாக சிறப்பாக செயல்படவில்லை என்றாலும், ஆசாத் விரைவில் பெரும் புகழ் பெற்றார். மாநிலங்கள் தோறும் தலித் பிரச்னைகள் குறித்து பேசினார்.

சந்திரசேகர் ஆசாத் உத்தரபிரதேச மாநிலம் சஹாரன்பூர் மாவட்டத்தில் உள்ள ஒரு கிராமத்தில் பிறந்தார். அவர் சட்டப் பட்டதாரி ஆவார்.
முன்பு சந்திரசேகர் ஆசாத் 'ராவணன்' என்று தன்னை காட்டிக் கொண்டார். 2019 லோக்சபா தேர்தலுக்கு முன்னதாக தனது பெயரின் கடைசி பகுதியை அவர் கைவிட்டார், "ராமருக்கும் ராவணனுக்கும் இடையே தேர்வு செய்யுங்கள்" என்று எதிர்க்கட்சிகள் வாக்காளர்களைக் கேட்பதை அவர் விரும்பவில்லை என்று கூறினார்.

தலித்துகள் மற்றும் பிற ஒடுக்கப்பட்ட பிரிவினரின் வளர்ச்சிக்காக போராடுவதற்காக ஆசாத் மற்றும் வினய் ரத்தன் சிங் ஆகியோரால் பீம் ஆர்மி 2014 இல் நிறுவப்பட்டது. ஆசாத்தின் அமைப்பு மேற்கு உத்தரபிரதேசத்தில் ஓரங்கட்டப்பட்ட குழந்தைகளுக்காக பல பள்ளிகளை நடத்தி வருகிறது.

மார்ச் 2016 இல், கட்கௌலி கிராமத்தின் நுழைவாயிலில் தலித்துக்கள் ‘டா கிரேட் சாமர், டாக்டர் பீம்ராவ் அம்பேத்கர் கிராமம் உங்களை வரவேற்கிறது’ எனப் பலகையை வைத்தனர்.

சமர் முன் 'டா கிரேட்' என்ற வார்த்தைகளுக்கு தாக்கூர் சமூகத்தினர் ஆட்சேபம் தெரிவித்தனர். பல நாள் போராட்டங்களுக்குப் பிறகு, போலீஸ் மீது கல் வீச்சு மற்றும் தலித்துகள் மீது தடியடி நடந்தது.

மீண்டும் பலகை நிறுவப்பட்டது. பீம் ஆர்மி மற்றும் ஆசாத் முதன்முதலில் பரவலான கவனத்தை ஈர்த்தது இதுதான்.

மே 2017 பேரணி

மே 2017 இல், சஹாரன்பூரில் உள்ள ஷபீர்பூர் கிராமத்தில், ராஜபுத்திர ஆட்சியாளர் மகாராணா பிரதாப்பின் நினைவாக நடந்த ஊர்வலத்தில், தலித்-ராஜ்புத் மோதல்கள் நடந்தது.
இதில் ஒரு ராஜ்புத் கொல்லப்பட்டார். 25 தலித் வீடுகள் தீக்கிரையாக்கப்பட்டன. முதல் தகவல் அறிக்கையில் தலித்துக்களின் பெயரும் சேர்க்கப்பட்டது.

அதே மாதம், பீம் ஆர்மி தில்லி வழியாக ஒரு மாபெரும் கண்டனப் பேரணியை நடத்தியது, அதன் ஆதரவாளர்கள் பி.ஆர். அம்பேத்கரின் புகைப்படம் மற்றும் நீலக் கொடிகளை ஏந்திய வண்ணம் கலந்துகொண்டனர்.

ஜெய் பீம் கோஷங்களை எழுப்பியும், ஆசாத்தின் முகமூடிகளை அணிந்தும் சென்றனர். உ.பி., போலீஸ் கண்காணிப்பில் இருந்த ஆசாத், தான் சரணடைவதாக கூறி, பேரணி மேடையில் தோன்றினார். தில்லியில் தலித் ஆர்வலர்களின் இத்தகைய மாபெரும் கூட்டம் ஆசாத்தின் புகழை உறுதிப்படுத்தியது.

“இந்த நபரிடம் ஏதோ பொருள் இருக்கிறது. அவர் உடல் ரீதியாக வலிமையானவர், நன்றாக பேசுவார். அவருடைய மீசையையும், அதை அவர் முறுக்கிக் கொண்டிருக்கும் விதத்தையும் பார்த்தீர்களா… அதைவிட முக்கியமாக, அவர் யாருக்கும் பயப்படுவதில்லை. அனுமதி மறுக்கப்பட்டாலும், டெல்லியில் இவ்வளவு பெரிய பேரணியை எப்படி நடத்தினார் பார்த்தீர்களா? இந்த மாதிரியான தலைவர்தான் எங்களுக்குத் தேவை” தி இந்தியன் எக்ஸ்பிரஸிடம் இரண்டு தலைவர்கள் கூறினார்கள்.

ஆசாத் பின்னர் இமாச்சல பிரதேசத்தில் கைது செய்யப்பட்டார். அலகாபாத் உயர்நீதிமன்றம் அவருக்கு ஜாமீன் வழங்கிய பிறகு, உத்தரபிரதேச அரசு அவர் மீது தேசிய பாதுகாப்பு சட்டத்தின் கீழ் கைதுசெய்தது. அவர் 15 நாள்கள் சிறையில் இருந்தார்.

2019 இல் ஜமா மஸ்ஜித் உரை

2019 இல் மீண்டும் ஆசாத் கைது செய்யப்பட்டார், இந்த முறை CAA எதிர்ப்பு போராட்டங்கள் நடந்தன.
டிசம்பர் 21 அன்று அதிகாலை 2.30 மணியளவில், ஆசாத் புது தில்லியின் ஜமா மஸ்ஜிதில் நூற்றுக்கணக்கானோர் முன்னிலையில் உரையாற்றினார்.
அப்போது போலீசார் அவரை தடுத்து நிறுத்தினர். எனினும் அங்கிருந்து தப்பிக்க முயற்சித்த நிலையில் போலீசார் அவரை கைதுசெய்தனர்.

அரசியல்

ஆசாத் தலித் அடையாளத்தை பெருமையாக வலியுறுத்துவதற்காக பிரபலமடைந்தாலும், மாயாவதியின் பிஎஸ்பியின் வேகத்தை இழந்தாலும், அது இதுவரை அரசியல் ஆதாயங்களாக மாறவில்லை.

2019 மக்களவைத் தேர்தலுக்கு முன்னதாக, வாரணாசியில் பிரதமர் நரேந்திர மோடியை எதிர்த்துப் போட்டியிடப் போவதாக ஆசாத் கூறியிருந்தார், ஆனால் இறுதியில் SP-BSP கூட்டணிக்கு ஆதரவளித்தார். 2020 இல், அவர் தனது சொந்த கட்சியை நிறுவினார்.

2022 உத்தரப் பிரதேச சட்டமன்றத் தேர்தலுக்கு முன்னதாக, சமாஜ்வாடி கட்சியுடன் கூட்டணிக்கான பேச்சுவார்த்தையில் ஈடுபட்டார், ஆனால் இறுதியில் SP தலித்துகளை அவமரியாதை செய்ததாகக் கூறி வெளியேறினார்.

அவர் கோரக்பூரில் இருந்து முதல்வர் யோகி ஆதித்யநாத்தை எதிர்த்துப் போராடினார், ஆனால் நான்காவது இடத்தைப் பிடித்தார், 4,000 வாக்குகளுக்கும் குறைவான வாக்குகளைப் பெற்று தனது டெபாசிட்டை இழந்தார்.

மேலும் உத்தரப் பிரதேசத்தில் மாயாவதி தலித்துக்களின் தலைவராக காணப்படுகிறார். அவர் ஆசாத்தை எப்போதும் கண்காணிப்பில் வைத்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“