Cricket news in tamil: இந்திய கிரிக்கெட் அணி தென்னாப்பிரிக்காவுக்கு சுற்றுப்பயணம் மேற்கொண்டு 3 டெஸ்ட், 3 ஒருநாள் போட்டிகள் கொண்ட தொடரில் விளையாட உள்ளது. இதற்கான அணியை கடந்த டிசம்பர் 8 அன்று பிசிசிஐ அறிவித்தது. அதன் செய்திக்குறிப்பின் கடைசி வரியில் விராட் கோலிக்கு பதிலாக மூத்த வீரர் ரோகித் சர்மா ஒருநாள் கேப்டனாக நியமிக்கப்பட்டுள்ளார் என்று தெரிவித்திருந்தது. கிரிக்கெட் ரசிகர்கள் பலருக்கும் அதிர்ச்சியை ஏற்படுத்திய இந்த அறிவிப்பு, அன்று முதல் நேற்று மதியம் வரை இந்திய கிரிக்கெட்டில் ஒரு பெரும் புயலை கிளப்பி இருந்தது.
விராட் கோலியை ஒருநாள் கிரிக்கெட் அணியின் கேப்டன் பதவியில் இருந்து தேர்வுக்குழு நீக்கியது ஏன்?
இந்தாண்டு அக்டோபர்-நவம்பரில் நடந்த டி20 உலகக் கோப்பையின் முடிவில், பணிச்சுமை காரணமாக கோலி தனது டி20 கேப்டன் பதவியில் இருந்து விலகுவதாக அறிவித்தார். இருப்பினும், இந்தியாவின் டெஸ்ட் மற்றும் ஒருநாள் கேப்டனாக தான் தொடர விரும்புவதாக தனது இன்ஸ்டாகிராம் பதிவில் அவர் தெரிவித்திருந்தார்.
எவ்வாறாயினும், ஒயிட்-பால் கிரிக்கெட்டில் தனித்தனி கேப்டன்களை வைத்திருப்பதை தேர்வாளர்கள் விரும்பவில்லை. அதன்படி, டி20 அணிக்கு ரோகித் சர்மாவை கேப்டனாக நியமித்த தேர்வாளர்கள் ஒருநாள் அணிக்கும் அவரையே கேப்டனாக நியமித்தனர். டெஸ்ட் கேப்டனாக கோலி தக்கவைக்கப்பட்டார்.
“விராட் கோலி டி20 கேப்டன் பதவியில் இருந்து விலகினார். ஒயிட்-பால் கிரிக்கெட்டில், இரண்டு கேப்டன்கள் இருக்க முடியாது என்பது இதன் முக்கிய அம்சம். ஆகையால் அவர்கள். முழுமையான அதாவது தனித்தனி கேப்டன்களைத் தேர்ந்தெடுத்தனர்., ”என்று பிசிசிஐ தலைவர் சவுரவ் கங்குலி தி இந்தியன் எக்ஸ்பிரஸிடம் கூறினார்.
பிசிசிஐ அல்லது தேர்வுக்குழுவினர் கோலியுடன் தொடர்பு கொண்டார்களா?
"கோலியின் டி20 கேப்டன் பதவியை ராஜினாமா செய்ய வேண்டாம் என்று பிசிசிஐ கேட்டுக் கொண்டது. டி20 கேப்டன் பதவியில் இருந்து விலக வேண்டாம் என்று விராட்டை நாங்கள் (பிசிசிஐ) கேட்டுக் கொண்டோம்." என்று கங்குலி "தி இந்தியன் எக்ஸ்பிரஸ்" இதழுக்களித்த பேட்டியில் குறிப்பிட்டு இருந்தார்.
ஆனால், கங்குலி கூறிய இந்த கருத்திற்கு நேற்று புதன்கிழமை (டிசம்பர் 15) செய்தியாளர் சந்திப்பின் போது, கோலி முரண்பட்டார். இது தொடர்பாக யாரும் தன்னுடன் தொடர்பு கொள்ளவில்லை என்றும் அந்த சந்திப்பில் தெரிவித்து இருந்தார்.
"டி20 கேப்டன் பதவியை விட்டுக்கொடுக்க வேண்டாம் என்று என்னிடம் யாரும் ஒருபோதும் கூறவில்லை. டி20 கேப்டன் முடிவை நான் அறிவித்ததிலிருந்து என்னை பிசிசிஐ-யில் இருந்து யாரும் தொடர்பு கொள்ளவில்லை. டிசம்பர் 8ம் தேதி அன்று நடந்த தேர்வுக் கூட்டத்திற்கு முன் எனக்கு அழைப்பு வந்தது. தலைமை தேர்வாளர் (சேத்தன் ஷர்மா) என்னுடன் டெஸ்ட் அணியைப் பற்றி விவாதித்தார். நாங்கள் இருவரும் ஒப்புக்கொண்டோம்.
இந்த அழைப்பை முடிப்பதற்கு முன், ஐந்து தேர்வாளர்கள் நான் ஒருநாள் கேப்டனாக இருக்க மாட்டேன் என்று முடிவு செய்ததாக என்னிடம் கூறப்பட்டது. அதற்கு நான், 'சரி, சரி' என்று பதிலளித்தேன். அதன்பிறகு நடந்த தேர்வு அழைப்பில், அதைப் பற்றிச் சுருக்கமாகப் பேசினோம். அதுதான் நடந்தது. அதற்கு முன் எந்த தொடர்பும் இல்லை” என்று கோலி கூறினார்.
ஒருநாள் போட்டி அணி கேப்டன்சி அறிவிப்பு நாளில், பிசிசிஐ உயர் அதிகாரி தி இந்தியன் எக்ஸ்பிரஸ்ஸிடம், ஒருநாள் அணி கேப்டன்சி மாற்றம் குறித்து கோலியுடன் (தேர்வு கூட்டத்திற்கு முன்னதாக) யாரும் தொடர்பு கொண்டு பேசவில்லை என்று குறிப்பிட்டு இருந்தார். இதை நேற்று புதன்கிழமை செய்தியாளர் சந்திப்பில், கோலி உறுதிப்படுத்தியும் இருந்தார்.
டிரஸ்ஸிங் ரூம் பிளவு பற்றிய வதந்தி என்ன?
டிரஸ்ஸிங் ரூம் பிளவு 1980 களில் சுனில் கவாஸ்கர் மற்றும் கபில் தேவ் இடையே ஏற்பட்ட பிளவு செய்தித்தாளில் பத்தி அங்குலங்களையெல்லாம் நிரப்பியது. 1984-85ல் இங்கிலாந்துக்கு எதிரான கல்கத்தா டெஸ்டில் கபில் தேவ், டெல்லி டெஸ்டில் மோசமான ஷாட் விளையாடி வெளியேற்றப்பட்டதை அடுத்து, அவர் நீக்கப்பட்டது சர்ச்சையை ஏற்படுத்தியது.
இந்திய அணியில் கோலி, ரோகித் இருவரும் சூப்பர் ஸ்டார்கள். இடது தொடை காயம் காரணமாக தென்னாப்பிரிக்காவில் நடந்த டெஸ்டில் இருந்து வெளியேறியதால், டெஸ்ட் தொடரைத் தொடர்ந்து வரும் மூன்று ஒருநாள் போட்டிகளில் கோலி இல்லை என்று சில தகவல்கள் வெளிவந்தன.
இந்திய அணியின் முன்னாள் கேப்டனும், தற்போதைய ஹைதராபாத் கிரிக்கெட் சங்கத் தலைவருமான முகமது அசாருதீன் செவ்வாய்கிழமை (டிசம்பர் 14) தனது ட்விட்டர் பக்கத்தில், “ஒருநாள் தொடரில் விராட் கோலி பங்கேற்க போவதில்லை என தெரிவித்துள்ளார். ரோகித் சர்மா டெஸ்டில் பங்கேற்க மாட்டார். இடைவேளை எடுப்பதில் எந்தத் தீங்கும் இல்லை. ஆனால் <நேரம்> சிறப்பாக இருக்க வேண்டும். இது அவர்களுக்குள் உள்ள பிளவு பற்றிய ஊகங்களை உறுதிப்படுத்துகிறது." என்று பதிவிட்டு இருந்தார்.
நேற்று வதந்தி பரப்புபவர்களுக்கு பதிலடி கொடுத்துள்ள கோலி," நான் எல்லா நேரத்திலும் ஒருநாள் போட்டி தொடருக்கு தேர்வுக்கு தயாராக இருக்கிறேன். இந்த கேள்வியை என்னிடம் கேட்கக்கூடாது. இந்த விஷயங்களைப் பற்றியும் அவற்றின் ஆதாரங்களைப் பற்றியும் எழுதுபவர்களிடம் தான் கேட்க வேண்டும். ஏனென்றால் என்னைப் பொறுத்த வரையில் நான் எப்போதும் தேர்வுக்கு தயாராக இருப்பேன். நான் ஓய்வெடுக்க விரும்புகிறேன் என்று பிசிசிஐயிடம் இதுவரை தெரிவித்தது இல்லை. எனவே கடந்த காலங்களில் நான் சில நிகழ்வுகளில் கலந்து கொண்டதாகக் கூறப்பட்ட சில விஷயங்கள் முற்றிலும் உண்மையல்ல.
இந்த விஷயங்களையும் அவற்றின் ஆதாரங்களையும் எழுதும் இவர்கள் அனைவரும் என்னைப் பொறுத்தவரை, அவர்கள் முற்றிலும் நம்பத்தகுந்தவர்கள் அல்ல. நான் கூறியது போல், தென்னாப்பிரிக்காவில் நடைபெறும் ஒருநாள் போட்டிகளுக்கான அணி தேர்வுக்கு நான் தயாராக இருக்கிறேன், நான் எப்போதும் விளையாட ஆர்வமாக உள்ளேன்." என்று கூறினார்.
ரோகித்துடனான கருத்து வேறுபாடு குறித்த ஊகங்களுக்கு கோலி எவ்வாறு பதிலளித்தார்?
தனக்கும் ரோகித் சர்மாவுக்கும் எந்த பிரச்சினையும் இல்லை எனக்கூறி அதை நிராகரித்த கோலி, ரோகித் மற்றும் தலைமை பயிற்சியாளர் ராகுல் டிராவிட்டிற்கு ஒயிட்-பால் கிரிக்கெட்டில் தனது "முழுமையான ஆதரவையும் ஒத்துழைப்பையும்" அளிக்கவுள்ளதாக உறுதியளித்தார்.
"எனக்கும் ரோகித் சர்மாவுக்கும் எந்த பிரச்சினையும் இல்லை. இது தொடர்பாக இரண்டரை ஆண்டுகளாக விளக்கமளித்து ஓய்ந்து விட்டேன். ரோகித் சர்மா மிகவும் திறமையான கேப்டன். அவர் தந்திரோபாய ரீதியாக மிகவும் திறமையானவர்." என்று கூறினார்.
இதற்கு முந்தைய நாள், கோலியின் கேப்டன்சியின் கீழ் விளையாடியதை தான் எப்படி ரசித்தேன் என்பது குறித்து ரோகித் பேசியிருந்தார்.
எனவே, டி20 கேப்டன் பதவியில் இருந்து விலகுவதை மறுபரிசீலனை செய்யுமாறு கோலியிடம் கூறப்பட்டதாக கங்குலி கூறியது, சேதத்தைக் கட்டுப்படுத்தும் முயற்சியா?
ஒருநாள் போட்டிகளில் 70 சதவீத வெற்றியைத் தொட்டு வெற்றி சாதனை படைத்த உலகத் தரம் வாய்ந்த பேட்ஸ்மேனான கோலிக்கு, தன்னை ஒருநாள் கேப்டனாக பதவி நீக்கம் செய்த பிசிசிஐயின் ஒன் லைனர் வெளிப்படையாக அவமரியாதையாக இருந்தது. டெஸ்ட் போட்டிகளில், இந்தியா அவரது தலைமையின் கீழ் பல உயரங்களை எட்டியுள்ளது. ஆஸ்திரேலியாவில் தொடரை வென்றது. தற்போது இங்கிலாந்துக்கு எதிராக ஐந்து போட்டிகள் கொண்ட தொடரில் 2-1 என முன்னிலை பெற்றுள்ளது. (ஐந்தாவது டெஸ்ட் போட்டியை நடத்த முடியவில்லை, அடுத்த ஆண்டுக்கு மாற்றப்பட்டுள்ளது.)
ட்விட்டரில் 45.3 மில்லியன் பின்தொடர்பவர்களைக் கொண்ட ஒரு வீரரான கோலியின் ரசிகர்களைப் பின்தொடர்வதை இந்திய கிரிக்கெட் வரிசைமுறை குறைத்து மதிப்பிட்டிருக்கலாம். சமூக ஊடகங்களில் இரக்கமின்றி ட்ரோல் செய்யப்பட்ட பிறகு, டிசம்பர் 9 அன்று கிரிக்கெட் வாரியம் "நன்றி கேப்டன்" என்று ஒரு ட்வீட்டை வெளியிட்டு இருந்தது. அதே நேரத்தில் கங்குலியின் கருத்து சேதக் கட்டுப்பாட்டுப் பயிற்சியின் ஒரு பகுதியாகவே இருக்கிறது.
இந்த முழு விஷயமும் டிராவிட்டின் பாத்திரத்தை இன்னும் முக்கியமானதாக ஆக்குகிறதா?
விளையாட்டில் மிகவும் மதிக்கப்படும் கிரிக்கெட் வீரர்களில் ஒருவரான இந்திய அணியின் புதிய பயிற்சியாளருக்கு பிளவுபட்ட கேப்டன்சியை கையாள்வது மற்றும் டிரஸ்ஸிங் ரூமில் இரண்டு வலுவான கேரக்டர்களை கையாளுவதில் நிச்சயம் சவால் இருக்கும். எனினும். "ராகுல் பாய் (டிராவிட்) ஒரு சிறந்த மேனேஜர்" என்று நேற்று கோஹ்லி குறிப்பிட்டு இருந்தார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/12/tamil-indian-express-2021-12-16T123646.997.jpg)