சேப்பாக்கம் போல இல்லை: மோட்டேரா மைதானம் ஏன் வித்தியாசமானது?

Ind vs Eng Day/Night test match at Motera stadium tamil news: சேட்டேஷ்வர் புஜாரா, கல்கத்தா டெஸ்ட் போட்டிக்குப் பின்னர், 'பேட்ஸ்மேன்கள் பந்தின் நிறத்தை கணிக்க கடினமாக முயற்சி செய்ய வேண்டும்' என்று கூறியிருந்தார். 

By: Updated: February 20, 2021, 09:18:59 AM

Cricket news in tamil:  இந்தியாஇங்கிலாந்து அணிகளுக்கு இடையேயான 4 டெஸ்ட் போட்டிகள் கொண்ட தொடர் இந்தியாவில் நடைபெற்று வருகிறது. இதில் முதல் இரண்டு போட்டிகள் சென்னையில் உள்ள சேப்பாக்கம் மைதானத்தில் நடைபெற்றது. இந்த இரண்டு டெஸ்ட் போட்டிகளில், முதல் போட்டியில் 227 ரன்கள் வித்தியாசத்தில் இங்கிலாந்து அணி வென்றது. 2வது போட்டியில் இந்திய அணி 317 ரன்கள் வித்தியாசத்தில் வென்று பதிலடி கொடுத்தது.

இந்நிலையில் இந்த இரு அணிகள் மோதும் 3 மற்றும் 4வது டெஸ்ட் போட்டிகள் வரும்  24-ம் தேதி முதல் குஜராத்தின் அகமதாபாத்தில் உள்ள  மோட்டேரா மைதானத்தில் நடைபெற உள்ளது. சுமார் 63 ஏக்கரில் அமைந்துள்ள இந்த மைதானத்தில் 1,10,000 இருக்கைகள் உள்ளன. இது சென்னை சேப்பாக்கம் மைதானத்தை விட இரண்டு மடங்கு பெரியதாகும். இந்தியாஇங்கிலாந்து அணிகள் மோதும் போட்டிகளே இங்கு நடக்கும் முதல் சர்வதேச போட்டி என்பது குறிப்பிடத்தக்கது. 

இந்திய துணைக்கண்டங்களில் டெஸ்ட் போட்டிகள் எப்படி ஆடப்படுகிறது என்று சென்னை சேப்பாக்கம் மைதானத்தில் நடந்த முதல் இரண்டு டெஸ்ட் போட்டிகளை கவனித்தவர்கள் கண்டிப்பாக உணர்ந்திருக்க கூடும். அதில் சுழற்பந்து வீச்சாளர்கள் வீக்கெட்டுகளை வீழ்த்தியது, வேகப்பந்து வீச்சாளர்களின் பந்து வீச்சு எடுபடாததது, இரு அணி பேட்ஸ்மேன்களும் ரன் சேர்க்க தடுமாறியது என்று சேப்பாக்கம் மைதானம் பற்றி அடுக்கிக் கொண்டே போகலாம். ஆனால் தற்போது இந்த இரு அணிகளும் சுமார் 1400 கி.மீ பயணம் மேற்கொண்டு மோட்டேரா மைதானத்தில் விளையாட உள்ளது. 

புதுப்பொலிவுடன் காணப்படும் மோட்டேரா மைதானத்தில் நடக்கும் 3வது போட்டி பகலிரவு ஆட்டமாக நடக்க உள்ளது. இந்த போட்டியில்  இளஞ்சிவப்பு பந்து வீசப்பட உள்ளது. இங்கு உள்ள ஆடுகளத்தில், சுழல் பந்துவீச்சளார்களை விட வேகப்பந்து வீச்சாளர்கள் அதிக ஆதிக்கம் செய்யும் வகையில் அமைக்கப்பட்டு இருப்பதில் ஆச்சரியபட தேவை இல்லை. எனவே பேட்ஸ்மேன்கள் கூடுதல் கவனத்துடன் செயல்பட வேண்டும் எனக் கூறப்படுகிறது. 

சேப்பாக்கம் மைதானத்தை விட மோட்டேரா மைதானத்தில் ஆட்டம் வேறு விதமாக மாறும் என்பதற்கான சான்றுகள்:

பாரம்பரிய சிவப்பு பந்திலிருந்து இளஞ்சிவப்பு பந்து எவ்வாறு வேறுபடுகிறது?

சர்வதேச மற்றும் உள்நாட்டு போட்டிகளுக்கான பி.சி.சி.யின் அதிகாரப்பூர்வ பந்து உற்பத்தியாளராக மீரட் நகரை தலைமையிடமாக கொண்டு செயல்படும் சான்ஸ்பரேல்ஸ் கிரீன்லாண்ட்ஸ் (எஸ்.ஜி) நிறுவனம் உள்ளது. 3 வது டெஸ்டில் பயன்படுத்தப்படும் எஸ்.ஜி. பிங்க் பந்தின் மடிப்பு கருப்பு நூலால் ஆனது. அதோடு கையால் தைக்கப்பட்டுள்ளது. அதே நேரத்தில் சிவப்பு பந்து வெள்ளை மடிப்பு கொண்டது. அவையும்  கையால் தைக்கப்பட்டிருப்பதால், கூகாபுர்ரா வகைகளுடன் ஒப்பிடும்போது மடிப்பு சற்று அதிகமாக வெளிப்படுகிறது மற்றும் எளிதில் வடிவத்திலிருந்து வெளியேறாது. இது செயற்கை மற்றும் கைத்தறி ஆகியவற்றின் சமமான கலவையைக் கொண்டுள்ளது. அதே நேரத்தில் சிவப்பு பந்தில் உள்ள மடிப்பு முற்றிலும் செயற்கையானது. இளஞ்சிவப்பு பந்து உற்பத்தியின் போது பயன்படுத்தப்படும் அரக்கின் அளவு சிவப்பு பந்தின் அளவை விட குறைவு. 

இது வண்ணத்தை பிரகாசமாக்குவதற்கும், ஃப்ளட்லைட்களின் கீழ் தெரிவுநிலையை மேம்படுத்துவதற்கும் செய்யப்படுகிறது. கூடுதல் அரக்கு ஸ்விங்கிற்கு உதவுவதற்கும், அவை உடைகள் மற்றும் கண்ணீரிலிருந்து பாதுகாப்பதற்கும் பயன்படுத்தப்படுகிறதுஎன்று எஸ்ஜி பந்தின் சந்தைப்படுத்தல் இயக்குனர் பராஸ் ஆனந்த் இந்தியன் எக்ஸ்பிரஸ்ஸிடம் கூறியுள்ளார். 

இளஞ்சிவப்பு பந்து வேகப்பந்து வீச்சாளர்களுக்கு உதவுமா?

இளஞ்சிவப்பு பந்தில் பயன்படுத்தப்படும் அரக்கு எளிதில் வெளியே வராது. எனவே ஆட்டத்தின் தொடக்கத்தில் விக்கெட்டுகள் சரிய அதிக வாய்ப்புகள் உள்ளது. ஈடன் கார்டனில் இந்தியா மற்றும் பங்களாதேஷ் பங்கேற்ற பகலிரவு ஆட்டத்தில், இந்திய வேகப்பந்து வீச்சாளர்களான இஷாந்த் சர்மா, முகமது ஷமி மற்றும் உமேஷ் யாதவ் ஆகியோர் 19 முதல் 20 விக்கெட்டுகளை எடுத்தனர். இவர்களுக்கிடையே இந்திய சுழற்பந்து வீச்சாளர்களான ஆர் அஸ்வின் மற்றும் ரவீந்திர ஜடேஜா வெறும் ஏழு ஓவர்கள் மட்டுமே வீசினர்.

இளஞ்சிவப்பு பந்து தொடர்பான கவலைகள் என்ன?

சில வீரர்கள் எஸ்.ஜி. பிங்க் பந்தை விளக்குகளின் கீழ் பார்ப்பது ஒரு பிரச்சினை என்று கூறியுள்ளனர். சேட்டேஷ்வர் புஜாரா, கல்கத்தா டெஸ்ட் போட்டிக்குப் பின்னர், ‘பேட்ஸ்மேன்கள் பந்தின் நிறத்தை கணிக்க கடினமாக முயற்சி செய்ய வேண்டும்’ என்று கூறியிருந்தார்.

இளஞ்சிவப்பு பந்தின் மீது நீங்கள் கொஞ்சம் கூடுதல் கவனம் செலுத்த வேண்டும். மற்றும் பந்து பழகுவதற்கு மடிப்புகளில் இன்னும் சிறிது நேரம் செலவிட வேண்டும். சிவப்பு பந்தைப் பொறுத்தவரை, பகல் நேரத்தில் தெரிவுநிலை என்பது ஒரு பிரச்சினையாக இருக்காது. ஆனால் இரண்டாவது அல்லது மூன்றாவது நாள் ஆட்டத்தின் போது, விளக்குகளின் கீழ்  இளஞ்சிவப்பு பந்தின் தெரிவுநிலை ஒரு சிக்கலாக இருக்கும்என்று இந்தியன் எக்ஸ்பிரஸ்ஸிடம் புஜாரா கூறியுள்ளார். 

 எஸ்.ஜி இளஞ்சிவப்பு பந்துகள் பிரகாசமாக இருப்பதால், வேகப்பந்து வீச்சில்ரிவர்ஸ் ஸ்விங்ஆகாது என்று வேகப்பந்து வீச்சாளர்கள் கவலை தெரிவிக்கின்றனர். ‘ரிவர்ஸ் ஸ்விங்தான் வேகப்பந்து வீச்சளர்களுக்கு ஆயுதமாக இருப்பது குறிப்பிடத்தக்க ஒன்று ஆகும்.  

ஆடுகளத்தின் தன்மை என்னவாக இருக்கும்?

இளஞ்சிவப்பு பந்தில் விளையாடப்படுவதால் ஆடுகளத்தை கணிப்பது என்பது கடினம். ஆனால் ஆடுகளத்தில் ஏராளமான புற்களை எதிர்பார்க்கலாம். 2015-ம் ஆண்டு முதல் பகலிரவு ஆட்ட சோதனைகளை நடத்தி வரும் அடிலெய்ட் ஓவல், 11 மிமீ அளவுள்ள புற்களைக் கொண்டுள்ளது. நவம்பர் 2019 இல் பங்களாதேஷுக்கு எதிரான இந்தியாவின் முதல் பிங்க்பந்து டெஸ்டை நடத்திய ஈடன் கார்டன்ஸ், 6 மிமீ அளவு புல் இருந்தது. கூடுதளாக புற்கள் இருப்பதுஸ்விங்மற்றும் வேகத்திற்கு உதவும். 

பனி ஒரு தடுப்பாக இருக்குமா?

பிப்ரவரி மாதத்தில் அகமதாபாத் மைதானத்தில் பனி ஒரு காரணியாக இருக்கலாம். அத்தகைய சூழ்நிலையில், ஈரமான பந்து கனமாக மாறும் மற்றும் வேகப்பந்து வீச்சாளர்களுக்கு ஸ்விங் மற்றும் மடிப்பு இயக்கத்திற்கு உதவாது. சுழற்பந்து வீச்சாளர்களுக்கும்  பந்தைப் பிடிக்க கடினமாக இருக்கும். 

மாலை நேரம் பேட்ஸ்மேன்களுக்கு சவாலாக இருக்குமா?

ஒவ்வொரு பகலிரவு டெஸ்ட் போட்டிக்கு முன்னரும், மாலை நேரத்தில் பேட்டிங் செய்வதற்கு ஆடுகளம் எப்படி இருக்கும் என்ற விவாதமே எழுகிறது. 3-வது செஷனின் முதல் மணி நேர ஆட்டத்தில் செயற்கை ஒளி அதை அமைக்கும் போது, இளஞ்சிவப்பு பந்து இன்னும் கொஞ்சம் அதிகமாகவே கடினமாகிறது. இது பேட்ஸ்மேன்களுக்கும், வேகப்பந்து வீச்சாளர்களுக்கும் கொஞ்சம் கடினத்தை தருகிறது. 

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  ” t.me/ietamil

Get all the Latest Tamil News and Tamil Nadu News at Indian Express Tamil. You can also catch all the latest Tamil Explained News by following us on Twitter and Facebook

Web Title:Cricket news in tamil why motera will witness a different ball game compared to chepauk explained

The moderation of comments is automated and not cleared manually by tamil.indianexpress.com.
பிரபலமானவை
Advertisement

இதைப் பாருங்க!
X