கறுப்பு வெள்ளை நாளிலிருந்து இன்று வரை- தூர்தர்ஷன் லோகோவின் கதை

கடந்த வாரம் தூர்தர்ஷன் லோகோவின் நிறம் ரூபி சிவப்பு நிறத்தில் இருந்து காவி நிறத்துக்கு மாற்றப்பட்டது, எதிர்க்கட்சிகளின் விமர்சனத்தை தூண்டியது.

குறிப்பாக தேர்தல் செயல்முறையின் நடுவில் இந்த மாற்றம் செய்யப்பட்டதால், பொது ஒளிபரப்பு நிறுவனம், ஆளும் பாஜகவுடன் நெருங்கிய தொடர்புடைய நிறத்தை ஏற்றுக்கொண்டதாக கட்சிகள் குற்றம் சாட்டின.

ஆனால், தூர்தர்ஷன் (DD) இந்த மாற்றம் அழகியல் பார்வை மட்டுமே என்று கூறியது, மேலும் 1980 களின் முற்பகுதியில் ஒளிபரப்பு நிறுவனம், அனைத்து வண்ணங்களிலும் மாறியபோது, ​​​​லோகோ பச்சை பின்னணியில் காவி நிறத்தில் இருந்தது என்று அதிகாரிகள் சுட்டிக்காட்டினர்.

கறுப்பு வெள்ளை நாளிலிருந்து இன்றைய பிரகாசமான காவி நிறம் வரை டிடி லோகோவின் பரிணாம வளர்ச்சியின் கதை இது

தூர்தர்ஷன் ஆரம்ப காலம்

ஒரு சிறிய டிரான்ஸ்மிட்டர் மற்றும் ஒரு தற்காலிக ஸ்டுடியோவைப் பயன்படுத்தி ஒரு சோதனை ஒளிபரப்பு செப்டம்பர் 15, 1959 அன்று தொடங்கியது. அகில இந்திய வானொலியின் ஒரு பகுதியாக 1965 இல் தினசரி ஒலிபரப்பு தொடங்கியது.

1972ல் மும்பை மற்றும் அமிர்தசரஸ் நகரங்களுக்கும், 1975ல் ஏழு மாநிலங்களுக்கும் தொலைக்காட்சி சேவை விரிவுபடுத்தப்பட்டது.

கறுப்பு வெள்ளை டிரான்ஸ்மிஷனின் அந்த நாட்களில், முதல் லோகோ, 'டிடி ஐ' என்று அழைக்கப்பட்டது, அதன் வண்ணம்-அக்னாஸ்டிக் ஆக (agnostic) இருந்தது.  1982 ஆம் ஆண்டு டெல்லியில் நடந்த ஆசிய விளையாட்டுப் போட்டிகளின் போதுதான் லோகோ நிறம மாறியது - அடர் பச்சை பின்னணியில் ஆரஞ்சு அல்லது குங்குமப்பூ நிறம், இது தேசியக் கொடியின் நிறங்களுக்கு ஒரு தலையசைப்பாக இருக்கலாம்.

சிதார் கலைஞரான பண்டிட் ரவிசங்கர் மற்றும் மாஸ்டர் ஷெனாய் இசைக்கலைஞர் உஸ்தாத் அலி அகமது ஹுசைன் கான் ஆகியோரால் சிக்னேச்சர் தூர்தர்ஷன் ட்யூன் இசையமைக்கப்பட்டது, இது ஏப்ரல் 1, 1976 அன்று முதல் முறையாக ஒளிபரப்பப்பட்டது. டியூன் மற்றும் லோகோ இரண்டும் பார்வையாளர்களிடம் ஐகானிக் அந்தஸ்தை அடைந்தன.

அசல் 'கண்'

அசல் ‘ஐ’ லோகோவை, நேஷனல் இன்ஸ்டிடியூட் ஆஃப் டிசைனின் (NID) தேவாஷிஸ் பட்டாச்சார்யா வடிவமைத்தார். 1970களின் முற்பகுதியில் பிரதமர் இந்திரா காந்தி (தகவல் மற்றும் ஒளிபரப்புத் துறை அமைச்சராகவும் இருந்தவர்) சில டிசைனிங் ஆப்ஷனிலிருந்து லோகோவைத் தேர்ந்தெடுத்தார்.

பட்டாச்சார்யா அகமதாபாத்தில் நேஷனல் இன்ஸ்டிடியூட் ஆஃப் டிசைனைச் சேர்ந்த எட்டு நண்பர்களுடன் ஒரு அரசாங்கத் திட்டத்தில் பணிபுரிந்து கொண்டிருந்தார், அப்போது தூர்தர்ஷன் அகில இந்திய வானொலியில் இருந்து தனித்தனி அமைப்பாக கருதப்பட்டது.

ஐந்து ஆண்டுகளுக்கு முன்பு வெளியிடப்பட்ட ஒரு நேர்காணலில், பட்டாச்சார்யா இரண்டு வளைவுகளை (curves) வடிவமைத்ததாகக் கூறினார். யின் மற்றும் யாங்கின் உன்னதமான சித்தரிப்பின் மாறுபாடு, முரண்பாடான மற்றும் பிரிக்க முடியாத எதிரெதிர்களின் பண்டைய சீன தத்துவம். இது ஆரம்பத்தில் அவரது ஆசிரியருக்கு சமர்ப்பிக்கப்பட்ட 14 கலைப்படைப்புகளில் ஒன்றாகும்.

அசல் டிசைன் 1980 கள் மற்றும் 1990 களில் நன்றாக வடிவமைக்கப்பட்டது, மேலும் மறுசீரமைப்பு NID மாணவர்களால் வழிநடத்தப்பட்டது.

ஸ்டில் லோகோவை அனிமேஷன் செய்வதில் பணியாற்றிய ஆர்.எல்.மிஸ்திரி, பல்வேறு கோணங்களில் இருந்து நகல்களை படம்பிடித்து, அவற்றை சுழற்றி டிடி ஐயின் இறுதி வடிவத்தை உருவாக்கினார். லோகோவின் ஆரம்ப பதிப்புகளில் இருந்த சத்தியம் சிவம் சுந்தரம் என்ற டேக்லைன், பிற்கால மாற்றங்களில் நீக்கப்பட்டது.

Read in English: The story of Doordarshan’s iconic logo, now in controversy over its colour

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“