உலகில் அனைவருக்கும் கொரோனா தடுப்பூசி: சர்வதேச சமூகம் செய்ய வேண்டியது என்ன?

Explained: What would it take to vaccinate the world against Covid-19: பைடன் நிர்வாகம் சமீபத்தில் 100 க்கும் மேற்பட்ட நாடுகளுடன் இணைந்து, தடுப்பூசி காப்புரிமையை ஓரளவு ஒதுக்கி வைக்குமாறு உலக வர்த்தக அமைப்பிடம் கேட்டுக்கொண்டது.

அரசாங்க முதலீடுகளின் உதவியுடன் மருந்து நிறுவனங்கள் தடுப்பூசிகளை வழங்குவதன் மூலம் இந்த நூற்றாண்டின் மிக மோசமான தொற்றுநோயிலிருந்து விடுபடுவதில் மனிதகுலத்திற்கு ஒரு அற்புதமான காட்சியைக் கொடுத்துள்ளன.

ஆனால் செல்வந்த நாடுகள் தடுப்பூசிகளில் பெரும் பங்கைக் கைப்பற்றியுள்ளன. உலகளவில் நிர்வகிக்கப்படும் தடுப்பூசி அளவுகளில் 0.3% மட்டுமே 29 ஏழ்மையான நாடுகளில் வழங்கப்பட்டுள்ளது, இது உலக மக்கள் தொகையில் சுமார் 9% ஆகும்.

தடுப்பூசி உற்பத்தியாளர்கள் ஏற்கனவே தங்களுக்கு நிர்ணயிக்கப்பட்ட, உலகம் முழுவதும் பில்லியன் கணக்கான கூடுதல் அளவுகளை வழங்குவதற்காக, தங்களது உற்பத்தியை ஆக்ரோஷமாக விரிவுபடுத்துவதோடு, சக நிறுவனங்களுடன் ஒப்பந்தமும் செய்து வருகின்றனர். ஒவ்வொரு மாதமும், மாடர்னா, ஃபைசர் மற்றும் ஜான்சன் & ஜான்சன் ஆகியோரிடமிருந்து 400 மில்லியன் முதல் 500 மில்லியன் டோஸ் தடுப்பூசிகள் இப்போது தயாரிக்கப்படுகின்றன என்று உலகளாவிய தடுப்பூசி விநியோகம் பற்றி தெரிந்த அமெரிக்க அதிகாரிகள் கூறுகின்றனர்.

ஆனால் இந்த உற்பத்தி உலகத்தின் தற்போதைய தேவைக்கு போதுமானதாக இல்லை. உலக மக்கள்தொகையில் 70% பேருக்கு தடுப்பூசி போட சுமார் 11 பில்லியன் டோஸ்கள் தேவைப்படுகின்றன, ஒரு பெரிய கூட்டத்திற்கு நோய் எதிர்ப்பு சக்தி தேவைப்படுகிறது, என டியூக் பல்கலைக்கழக ஆராய்ச்சி மதிப்பீட்டாளர்கள் கூறுகின்றனர். ஆனால், இதுவரை, அதில் ஒரு சிறிய பகுதியே உற்பத்தி செய்யப்பட்டுள்ளது. உலகளாவிய உற்பத்தியை அளவிடுவது கடினம் என்றாலும், பகுப்பாய்வு நிறுவனமான ஏர்ஃபைனிட்டி இதுவரை மொத்தம் 1.7 பில்லியன் டோஸ்கள் உற்பத்தி செய்யப்பட்டுள்ளதாக மதிப்பிடுகிறது.

பிரச்சனை என்னவென்றால், பல மூலப்பொருட்கள் மற்றும் முக்கிய உபகரணங்களுக்கு பற்றாக்குறை உள்ளது. கொரோனா வைரஸ் பரவும் வேகத்தைக் கணக்கிடும்போது, தடுப்பூசிகளின் உலகளாவிய தேவை தற்போது மதிப்பிடப்பட்டதை விட மிக அதிகமாக தேவைப்படலாம். ஒரு வேளை ஆபத்தான புதிய மாறுபாடுகள் தோன்றினால்,  பூஸ்டர் ஷாட்கள் மற்றும் மறுசீரமைக்கப்பட்ட தடுப்பூசிகள் தேவை. இதனால் தடுப்பூசி தேவை வியத்தகு அளவில் அதிகரிக்கக்கூடும், எனவே ஒவ்வொரு நாடும் அதன் சொந்த மக்களுக்கு தடுப்பூசி வழங்க விநியோகத்தை கட்டுப்படுத்த வேண்டியிருக்கும்.

தடுப்பூசிகளின் உலகளாவிய விநியோகத்தை பெரிதும் விரிவுபடுத்துவதே பூஜ்ஜிய போட்டியைச் சமாளிப்பதற்கான ஒரே வழி. இதனை, கிட்டத்தட்ட அனைவரும் ஒப்புக்கொள்கிறார்கள். ஆனால் அதைச் செய்வதற்கான விரைவான வழி எது? இந்த கேள்வி, நாடுகளிடம் அப்பட்டமான வேறுபாடுகள் இருப்பதை காட்டுகிறது, இதுவே, தொற்றுநோயை முடிவுக்கு கொண்டுவருவதற்கான கூட்டு முயற்சிகளை குறைமதிப்பிற்கு உட்படுத்துகின்றன.

சில சுகாதார வல்லுநர்கள் பேரழிவைத் தவிர்ப்பதற்கான ஒரே வழி, மருந்து உற்பத்தியாளர் தங்கள் ரகசியங்களின் மீதான பிடியைத் தளர்த்தும்படி கட்டாயப்படுத்துவதும், இதன் மூலம் மேலும் பல உற்பத்தியாளர்களை தடுப்பூசிகளை தயாரிப்பதில் சேர்ப்பதும் ஆகும் எனக் கருதுகின்றனர். தற்போதுள்ள ஏற்பாட்டிற்கு பதிலாக, மருந்து நிறுவனங்கள் தங்கள் விதிமுறைகளின் அடிப்படையில் கூட்டாண்மைகளை அமைத்து, ​​அவ்வாறு தயாரிக்கப்படும் தடுப்பூசிகளின் விலையை அவர்களே நிர்ணயிக்கலாம். அவ்வாறு செய்யும்போது, உலகத் தலைவர்கள் ஏழை நாடுகளுக்கு மலிவு விலையில் கூடுதல் அளவுகளை வழங்க புதிய நிறுவனங்களுடன் ஒத்துழைக்க தற்போதைய மருந்து உற்பத்தியாளர்களை கட்டாயப்படுத்தவோ அல்லது வற்புறுத்தவோ முடியும்.

இத்தகைய தலையீட்டை ஆதரிப்பவர்கள் இரண்டு முதன்மை அணுகுமுறைகளில் கவனம் செலுத்தியுள்ளனர்: இன்னும் பல உற்பத்தியாளர்கள் ஏற்கனவே உள்ள தடுப்பூசிகளை நகலெடுக்க அனுமதிக்க காப்புரிமையை தள்ளுபடி செய்தல், மற்றும் மருந்து நிறுவனங்கள் தங்கள் தொழில்நுட்பத்தை மாற்ற வேண்டியது, அதாவது, பிற உற்பத்தியாளர்கள் தங்கள் தயாரிப்புகளை நகலெடுக்க கற்றுக்கொள்ள அவர்கள் உதவ வேண்டும்.

சர்வதேச வர்த்தக மோதல்களில் உண்மையான நடுவரான உலக வர்த்தக அமைப்பு, இந்த பிரச்சனைகளுக்கு அடுத்தக்கட்ட பேச்சுவார்த்தைகளுக்கான இடம். ஆனால் நிறுவனம் ஒருமித்த கருத்தினால் இயங்கவில்லை, அதனால் இதுவரை எந்த முன்னேற்றமும் இல்லை.

பைடன் நிர்வாகம் சமீபத்தில் 100 க்கும் மேற்பட்ட நாடுகளுடன் இணைந்து, தடுப்பூசி காப்புரிமையை ஓரளவு ஒதுக்கி வைக்குமாறு உலக வர்த்தக அமைப்பிடம் கேட்டுக்கொண்டது. ஆனால் ஐரோப்பிய ஒன்றியம் தள்ளுபடியை எதிர்ப்பதற்கும் தன்னார்வ தொழில்நுட்ப இடமாற்றங்களை மட்டுமே ஆதரிப்பதற்கும் ஆன அதன் நோக்கத்தை அடையாளம் காட்டியுள்ளது, முக்கியமாக மருந்துத் துறையிலும் அதே நிலைப்பாட்டை எடுத்துக்கொள்கிறது, அதன் அரசியல் ஆதிக்கத்தால் விதிகளை தனக்கு சாதகமாக வடிவமைத்துள்ளது.

அறிவுசார் சொத்து விதிகளை ரத்து செய்வது தொழில்துறையை சீர்குலைக்கும், தடுப்பூசிகளை வழங்குவதற்கான அதன் முயற்சிகளை மெதுவாக்கும் என்று சில வல்லுநர்கள் எச்சரிக்கின்றனர்.

சுவிட்சர்லாந்தில் உள்ள செயின்ட் கேலன் பல்கலைக்கழகத்தின் வர்த்தகம் மற்றும் பொருளாதார மேம்பாடு குறித்த நிபுணரான சைமன் ஜே. ஈவனெட் கூறுகையில், “உற்பத்தி செய்யவும் விநியோகிக்கவும் காப்புரிமை எங்களுக்குத் தேவை. ” எங்களிடம் பெரிய உற்பத்தி திறன் உள்ளது. இவற்றை அச்சுறுத்துவதற்கு எதுவும் வழிவகுக்கக்கூடாது. ”என்று கூறியுள்ளார்.

தடுப்பூசிகளை உலகுக்கு வழங்குவதற்காக மருந்துத் துறையை நம்புவது தடுப்பூசி இருப்பவர்களுக்கும் இல்லாதவர்களுக்கும் இடையில் தற்போதைய இடைவெளியை உருவாக்க உதவியது என்று சிலர் எதிர்க்கின்றனர்.

ஏழை நாடுகளை உலகம் “தடுப்பூசிகளை பிச்சை எடுக்க வேண்டிய நிலையிலோ, அல்லது சிறிய அளவிலான தடுப்பூசிகளை நன்கொடையாக பெற காத்திருக்க வேண்டிய நிலையிலோ” வைத்திருக்க கூடாது என்று COVID-19 தடுப்பு வலையமைப்பின் மூத்த அறிவியல் தொடர்பு டாக்டர் கிறிஸ் பெய்ரர் கூறினார். மேலும் “நன்கொடை என்பதை என்னால் ஏற்றுக் கொள்ள முடியாது.” என்றும் கூறியுள்ளார்.

இந்த பிளவுபட்ட சூழ்நிலையில், WTO இன் தலைவர்கள் தங்கள் விதிகளை தேசிய அரசாங்கங்கள் கேட்டுக் கொண்டதை விட சிறிய அளவில் முறையாக மாற்றுவதற்கான முயற்சியில் இருக்கிறார்கள், இந்த ஒருங்கிணைந்த திட்டத்தில் உலகளாவிய மருந்துத் துறையையும் சேர ஒப்புக் கொள்ளும்படி வலியுறுத்துகிறார்கள். இந்த நடவடிக்கை அடுத்த சில மாதங்களில் நடக்கும்.

காப்புரிமை தள்ளுபடிக்கு பயந்து, தடுப்பூசி தயாரிப்பாளர்கள் இறுதியில் காப்புரிமை இடமாற்றங்களுக்கு ஒப்புக்கொள்வார்கள் என்ற கருத்தில் ஐரோப்பியர்கள் அரசியல் செய்கிறார்கள், குறிப்பாக உலகின் பணக்கார நாடுகள் பணத்தை கொடுத்து தடுப்பூசி தயாரிப்பு பற்றி அறிந்துகொள்வதற்கான வழியை தேடுவது இன்னும் சுவாரஸ்யமாக இருக்கும் எனவும் கருதுகிறார்கள்.

ஆனால் தடுப்பூசி தயாரிப்பாளர்கள் தங்கள் உற்பத்தி முறைகளைப் பகிர்ந்து கொள்ளாவிட்டால் காப்புரிமை தள்ளுபடிகள் எந்த அர்த்தமுள்ள விளைவையும் ஏற்படுத்தாது என்று பல பொது சுகாதார நிபுணர்கள் கூறுகின்றனர். தள்ளுபடிகள் ஒரு சிக்கலான செய்முறையை வெளியிடுவதற்கு ஒத்தவை; தொழில்நுட்ப பரிமாற்றம் என்பது ஒரு மாஸ்டர் சமையல்காரரை ஒருவரின் சமையலறைக்கு அனுப்புவது போன்றது.

“நீங்கள் தடுப்பூசிகளை தயாரிக்க விரும்பினால், ஒரே நேரத்தில் வேலை செய்ய உங்களுக்கு பல விஷயங்கள் தேவை” என்று உலக வர்த்தக அமைப்பின் இயக்குநர் ஜெனரல் என்கோசி ஒகோன்ஜோ-இவெலா சமீபத்தில் பத்திரிகையாளர்களிடம் கூறினார். மேலும், “தொழில்நுட்ப பரிமாற்றம் இல்லை என்றால், இது சாத்தியமில்லை.” என்றும் கூறியுள்ளார்.

காப்புரிமை தள்ளுபடி செய்யப்பட்டு, தொழில்நுட்ப இடமாற்றங்கள் மற்றும் மூலப்பொருட்களுக்கான விரிவாக்கப்பட்ட அணுகல் ஆகியவை இருந்தாலும் கூட மருந்து தயாரிப்பாளர்கள் தடுப்பூசிகள் உற்பத்தியை தொடங்க அதிகபட்சம் ஆறு மாதங்கள் ஆகும் என்று நிபுணர்கள் கூறுகின்றனர்.

உலகளவில் தடுப்பூசிகளை அதிகரிப்பதற்கான எந்தவொரு திட்டத்தின் முக்கிய விவரங்களும், இந்த நிலைமையிலிருந்து மறுசீரமைக்க தேவையானதை விட குறைவாக இருக்கலாம். செல்வந்த நாடுகள், குறிப்பாக மேற்கு நாடுகளில், தடுப்பூசிகளை மொத்தமாக கைப்பற்றியதன் மூலம் அல்லாமல், மாறாக பொருளாதார மற்றும் அரசியல் யதார்த்தங்களின் விளைவாகவே நிலைமை சீராகி வருகிறது.

ஃபைசர் மற்றும் மாடர்னா போன்ற நிறுவனங்கள் வட அமெரிக்காவிலும் ஐரோப்பாவிலும் உள்ள சிறிய அரசாங்கங்களுக்கு தங்களது பெரும்பாலான தடுப்பூசி அளவுகளை விற்று பில்லியன் கணக்கான டாலர்களை வருவாய் ஈட்டியுள்ளன. இந்த ஒப்பந்தங்களால் குறைந்த மற்றும் நடுத்தர வருமானம் கொண்ட நாடுகளுக்கு ஒப்பீட்டளவில் குறைந்த அளவு தடுப்பூசிகளே கிடைத்தன. ஏனெனில், இந்த நாடுகளுக்கு தடுப்பூசிகளை வழங்குவதற்காக உருவாக்கப்பட்ட பன்முக கூட்டாண்மை கோவாக்ஸுக்கு மிகக் குறைந்த அளவுகளிலே தடுப்பூசிகள் கிடைத்தன.

இந்தக் கணக்கீட்டை மாற்றுவது செல்வந்த நாடுகளை வற்புறுத்துவதைப் பொறுத்தது, ஆனால் தற்போதைய நிலை உலகின் பெரும்பகுதிகளில் தொற்றுநோயைக் அதிகரிக்க அனுமதிப்பது, வைரஸின் புதிய மாறுபாடுகளை அனுமதிப்பது போன்ற உலகளாவிய அபாயங்களை ஏற்படுத்துகிறது, இதனால் உலகம் தடுப்பூசிகளின் பின்னால் ஓட வேண்டியுள்ளது.

ஹார்வர்ட் மருத்துவப் பள்ளியின் உலகளாவிய சுகாதார நிபுணர் டாக்டர் ரெபேக்கா வெயிண்ட்ராப் கூறுகையில், “தடுப்பூசி என்பது உலகளாவிய பாதுகாப்பின் ஒரு வடிவம் என்று சொல்வதற்கு, உலகளாவிய தலைவர்கள்  ஒரு குழுவாக செயல்பட வேண்டும். முன்னணி பொருளாதாரங்களின் குழுவான 7 வது குழு, அத்தகைய பிரச்சாரத்தை வழிநடத்தலாம் மற்றும் அதன் உறுப்பினர்கள் அடுத்த மாதம் இங்கிலாந்தில் கூடும் போது அதற்கு நிதியளிக்க முடியும் என்று அவர் பரிந்துரைத்தார்.

விரைவாக விநியோகத்தை அதிகரிப்பதற்கும் ஏற்றத்தாழ்வுகளைக் குறைப்பதற்கும் போதுமான அளவு பயன்படுத்தப்படாத மற்றும் பொருத்தமான தொழிற்சாலைகள் உலகில் உள்ளதா என்பது கடுமையாக விவாதிக்கப்படும் கேள்வி. கடந்த மாதம் உலக வர்த்தக அமைப்பால் கூட்டப்பட்ட ஒரு தடுப்பூசி உச்சி மாநாட்டின் போது, ​​பாகிஸ்தான், பங்களாதேஷ், தென்னாப்பிரிக்கா, செனகல் மற்றும் இந்தோனேசியா ஆகிய நாடுகளின் உற்பத்தியாளர்களிடம் அனைவருக்கும் COVID தடுப்பூசிகளை வழங்க விரைவாக தயாரிக்கக்கூடிய திறன் உள்ளதா என்பதற்கான சாட்சியத்தை வர்த்தக அமைப்பு கேட்டது.

புற்றுநோய் மருந்துகளை தயாரிக்கும் கனடா நிறுவனமான பயோலிஸ் பார்மா, பொலிவியாவிற்கு 15 மில்லியன் டோஸ் ஜான்சன் அண்ட் ஜான்சன் தடுப்பூசியை வழங்க ஏற்கனவே ஒப்புக் கொண்டுள்ளது. இது ஜான்சன் & ஜான்சனிடமிருந்து சட்டப்பூர்வ அனுமதியையும் தொழில்நுட்ப அறிவையும் பெற்றால் சாத்தியமாகும்.

ஆனால் அஸ்ட்ராஜெனெகா மற்றும் ஜான்சன் & ஜான்சன் போன்ற பெரிய நிறுவனங்கள் கூட உற்பத்தி இலக்குகளை அடைய தடுமாறி வருகின்றன. ஃபைசர்-பயோஎன்டெக் மற்றும் மாடர்னா போன்றவற்றின் புதிய வகை எம்.ஆர்.என்.ஏ தடுப்பூசிகளை உருவாக்குவது சிக்கலானது. மருந்து நிறுவனங்கள் கூட்டாளர்களுடன் ஒப்பந்தங்களை மேற்கொண்ட இடத்தில், உற்பத்தியின் வேகம் அடிக்கடி ஏமாற்றமளிக்கிறது.

“தன்னார்வ உரிமம் மற்றும் தொழில்நுட்ப பரிமாற்றத்துடன் கூட, சிக்கலான தடுப்பூசிகளை தயாரிப்பது எளிதல்ல” என்று டியூக் குளோபல் ஹெல்த் இன்னொவேசன் மையத்தின் இயக்குனர் டாக்டர் கிருஷ்ணா உதயகுமார் கூறினார். மேலும், தடுப்பூசி உற்பத்திக்கான உலகளாவிய திறனில் பெரும்பகுதி ஏற்கனவே மற்ற உயிர் காக்கும் தடுப்பூசிகளை தயாரிக்க பயன்படுத்தப்படுகிறது, என்றும் அவர் கூறியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Explained news here. You can also read all the Explained news by following us on Twitter, Facebook and Telegram.

Web Title: Explained what would it take to vaccinate the world against covid 19

Next Story
கொரோனா தடுப்பூசி பற்றாக்குறை; ஏன் கோவாக்ஸ் வசதியில் சேர பஞ்சாப் விரும்புகிறது?
The moderation of comments is automated and not cleared manually by tamil.indianexpress.com