முதல்முறையாக ‘பிளாக் ஹோல் டிரிபிள்’ அமைப்பு கண்டுபிடிப்பு: அப்படி என்றால் என்ன?

விஞ்ஞானிகள் முதன்முறையாக விண்வெளியில் ‘பிளாக் ஹோல் டிரிபிள்’  அமைப்பு இருப்பதை கண்டுபிடித்துள்ளதாக  ஒரு புதிய ஆய்வில் கூறியுள்ளனர். 

இந்த அமைப்பு அதன் மையத்தில் ஒரு கருந்துளையை உள்ளடக்கியது, தற்போது அதற்கு மிக அருகில் ஒரு சிறிய நட்சத்திரம் செயல்பாட்டில் உள்ளது. இரண்டாவது நட்சத்திரமும் உள்ளது, இது கருந்துளையைச் சுற்றி வருவது போல் தோன்றுகிறது ஆனால் இது உண்மையில் வெகு தொலைவில் உள்ளது.

பூமியிலிருந்து சுமார் 8,000 ஒளி ஆண்டுகள் தொலைவில் இது கண்டுபிடிக்கப்பட்டுள்ளது. (ஒரு ஒளி ஆண்டு என்பது ஒளி ஒரு வருடத்தில் பயணிக்கும் தூரம், 9.5 டிரில்லியன் கிலோமீட்டர் ஆகும்) . இந்த கண்டுபிடிப்பு கருந்துளைகள் எவ்வாறு உருவாகின என்பது பற்றிய கேள்விகளை எழுப்பியுள்ளது.

கலிபோர்னியா இன்ஸ்டிடியூட் ஆப் டெக்னாலஜி மற்றும் மசாசூசெட்ஸ் இன்ஸ்டிடியூட் ஆப் டெக்னாலஜி ஆகியவற்றின் ஆராய்ச்சியாளர்கள், 'பிளாக் ஹோல் லோ-மாஸ் எக்ஸ்ரே பைனரி வி404 சிக்னி ஒரு பரந்த ட்ரிப்பிள் பகுதியாகும்' என்ற தலைப்பில் ஆய்வு மேற்கொண்டனர். இந்த ஆய்வின் முடிவுகள் கடந்த மாதம் நேச்சர் இதழில் வெளியிடப்பட்டது.

தி டிரிபிள் அமைப்பு 

இதுவரை கண்டுபிடிக்கப்பட்ட பல கருந்துளைகள் கருந்துளை மற்றும் இரண்டாம் நிலைப் பொருளை (நட்சத்திரம் அல்லது மற்றொரு கருந்துளை போன்றவை) கொண்ட பைனரி அமைப்புகளின் ஒரு பகுதியாகும். 

ஆனால் தி டிரிபிள் அமைப்பில் கருந்துளையை 6.5 நாட்களுக்கு ஒருமுறை சுற்றி வரும் ஒரு நட்சத்திரம் மட்டுமல்ல, 70,000 ஆண்டுகளுக்கு ஒருமுறை சுற்றிவரும் ஒரு நட்சத்திரத்தையும் கொண்டுள்ளது.

சிக்னஸ் விண்மீன் தொகுப்பில் அமைந்துள்ள இந்த அமைப்பு, நமது சூரிய குடும்பத்தில் சூரியனை விட ஒன்பது மடங்கு பெரியதாக இருக்கும் V404 Cygni என்ற பழமையான கருந்துளைகளையும் கொண்டுள்ளது.

எம்.ஐ.டி இயற்பியல் துறையின் ஆய்வாளரும், ஆய்வு ஆசிரியர்களில் ஒருவருமான கெவின் பர்ட்ஜ், எம்ஐடி நியூஸிடம் கூறினார், “இது பிளாக் ஹோல் டிரிபிள்  நிச்சயமாக ஒரு தற்செயல் அல்லது விபத்தாக இல்லை... ஒன்றையொன்று பின்தொடர்ந்து வரும் இரண்டு நட்சத்திரங்களைப் பார்க்கிறோம். ஏனெனில் அவை இந்த பலவீனமான ஈர்ப்பு சரத்தால் இணைக்கப்பட்டுள்ளன. எனவே இது மும்மடங்கு முறையாக இருக்க வேண்டும்” என்றார். 

ஆங்கிலத்தில் படிக்க:   First ‘black hole triple’ system discovered: What does it mean?

சூப்பர்நோவா

பர்ட்ஜ் மற்றும் அவரது சகாக்கள் V404 Cygni-ஐச் சுற்றி இரண்டு நட்சத்திரங்கள் இருப்பதாக முன்மொழிந்தனர், ஏனெனில் கருந்துளை ஒரு சூப்பர்நோவாவிலிருந்து எழவில்லை, இது பொதுவாக வெடிப்பில் வெளிப்புற நட்சத்திரங்களை உதைக்கிறது.

அதற்கு பதிலாக, இது "நேரடி சரிவு" எனப்படும் மற்றொரு செயல்முறையின் மூலம் உருவாக்கப்பட்டது, அங்கு நட்சத்திரம் அதன் அனைத்து எரிபொருளையும் செலவழித்த பிறகு  அது வெடிக்காது.

இருப்பினும், வி404 சிக்னி அருகில் உள்ள நட்சத்திரத்தை உட்கொள்வதால், கருந்துளை டிரிபிள் என்றென்றும் மூன்று உறுப்பினர்களைக் கொண்டிருக்காது. ஏற்கனவே கண்டுபிடிக்கப்பட்ட சில பைனரி அமைப்புகள் ஒரு கட்டத்தில் பிளாக் ஹோல் டிரிபிள் அமைப்புகளாக இருந்திருக்கலாம் என்று இது அறிவுறுத்துகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“