வானியலாளர்களின் பணிக்கு இடையூறு ஏற்படுத்தும் ஸ்டார்லிங்க் செயற்கைக் கோள்கள்? என்ன இது?

செல்போன் டவர்கள் போன்ற தரை அடிப்படையிலான மின்னணு மூலங்களிலிருந்து ரேடியோ மாசுபாட்டிற்கான விதிமுறைகள் இருப்பதைப் போலவே, செயற்கைக்கோள் ஆபரேட்டர்களுக்கான விதிமுறைகளின் அவசியத்தை இந்த முன்னேற்றங்கள் உணர்த்துவதாக நிபுணர்கள் கூறுகின்றனர்.

எலான் மஸ்கின் ஸ்டார்லிங்க் செயற்கைக் கோள்கள் வானியலாளர்களின் பணியைத் தடுக்கின்றன என்று புதன்கிழமை வெளியிடப்பட்ட ஆய்வில் கண்டறியப்பட்டுள்ளது.

தற்போது, ​​ஸ்டார்லிங்க் "விண்மீன் கூட்டமானது" சுமார் 550 கி.மீ உயரத்தில் பூமியைச் சுற்றி வரும் 6,300க்கும் மேற்பட்ட ஆக்டிவ் செயற்கைக் கோள்களைக் கொண்டுள்ளது. இந்த செயற்கைக் கோள்கள் இணையம் அணுக முடியாத இடங்களுக்கும் அதிவேக இணையத்தை வழங்குகின்றன.

அதே நேரத்தில், அவை "ரேடியோ சத்தம்" அல்லது திட்டமிடப்படாத மின்காந்த கதிர்வீச்சை (UEMR) உருவாக்குகின்றன. வானொலி வானியலாளர்கள் பூமியில் இருந்து வானத்தை கவனிக்கும் வேலையை இது தடை செய்கிறது.

அதிக ஒளி 

ரேடியோ வானியல் என்பது வானியலின் ஒரு பிரிவாகும், இது வானொலி அலைவரிசைகளில் வான பொருட்களை ஆய்வு செய்கிறது. புலப்படும் ஒளியைக் கண்டறியும் ஆப்டிகல் தொலைநோக்கிகளைப் போலன்றி, ரேடியோ தொலைநோக்கிகள் விண்வெளியில் உள்ள பொருட்களால் உமிழப்படும் ரேடியோ அலைகளை (அதிக அலைநீளங்கள் மற்றும் குறைந்த அதிர்வெண்களைக் கொண்டவை) கண்டறிய வடிவமைக்கப்பட்டுள்ளன.

ஆங்கிலத்தில் படிக்க:    How Starlink satellites are ‘blinding’ astronomers

ஆய்வுக்கு பங்களித்த மேக்ஸ் பிளாங்க் இன்ஸ்டிடியூட் ஃபார் ரேடியோ வானியல் விஞ்ஞானி பெஞ்சமின் விங்கல், இந்த இடையூறுகள் விஞ்ஞானிகளின் பணியை தடுக்கிறது என்றார். மேலும், ​​நீங்கள் எதையும் பார்க்க முடியாத அளவுக்கு உங்கள் கண் அதிக ஒளியைச் சேகரிக்கிறது. எங்கள் ரேடியோ தொலைநோக்கிகளில் இதுதான் நடக்கும், ”என்று அவர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“