அனைத்து கொரோனா வைரஸ்களுக்கும் எதிராக செயல்படக்கூடிய மருந்துகள்!

Identifying potential targets for drugs that work against all coronaviruses Tamil News : SARS-CoV-2 தடுப்பூசி-எதிர்ப்பு வகைகள் மற்றும் நாவல் கொரோனா வைரஸ்கள் உள்ளிட்ட அனைத்து கொரோனா வைரஸ்களுக்கும் எதிராக செயல்படும் சிகிச்சைகளைக் கண்டறிவது முக்கியம்.

இப்போது, ​​ஆராய்ச்சியாளர்கள் 27 கொரோனா வைரஸ் இனங்கள் மற்றும் கோவிட் -19 நோயாளிகளிடமிருந்து ஆயிரக்கணக்கான மாதிரிகள் ஆகியவற்றில் வைரஸ் புரதங்களைப் பகுப்பாய்வு செய்துள்ளனர். மேலும், சிறந்த மருந்து இலக்குகளை உருவாக்கக்கூடிய மிகவும் பாதுகாக்கப்பட்ட சீக்வன்ஸ்களை அடையாளம் காண்கின்றனர். தங்கள் கண்டுபிடிப்புகளை அமெரிக்கன் கெமிக்கல் சொசைட்டியின் ஜர்னல் ஆஃப் புரோட்டியம் ரிசர்ச்சில் தெரிவித்துள்ளனர்.

மருந்துகள் பெரும்பாலும் புரதங்களின் “பைகளில்” பிணைக்கப்படுகின்றன. இது புரதத்தின் செயல்பாட்டைக் குறுக்கிடுகிறது. வைரஸ் புரதங்களின் 3-டி கட்டமைப்புகளிலிருந்து சாத்தியமான மருந்து-பிணைப்பு பைகளை விஞ்ஞானிகள் அடையாளம் காணலாம். இருப்பினும், காலப்போக்கில், வைரஸ்கள் அவற்றின் புரதப் பைகளை மாற்றியமைக்கலாம். இதனால் மருந்துகள் பொருந்தாமல் போகலாம்.

ஆனால், சில மருந்து பிணைப்பு பாக்கெட்டுகள் புரதத்தின் செயல்பாட்டிற்கு மிகவும் அவசியமானவை. அவை மாற்றப்பட முடியாது. மேலும், இந்த வரிசை முறைகள் பொதுவாக அதே வைரஸிலும், தொடர்புடைய வைரஸ்களிலும் காலப்போக்கில் பாதுகாக்கப்படுகின்றன.

ஆராய்ச்சியாளரான மாத்தியூ ஷாபிரா மற்றும் அவருடைய நண்பர்கள், கோவிட் -19 நோயாளி மாதிரிகள் மற்றும் பிற கொரோனா வைரஸ்களிலிருந்து, வைரஸ் புரதங்களில் மிகவும் பாதுகாக்கப்பட்ட மருந்து பிணைப்பு பைகளை கண்டுபிடிக்க விரும்பினர். இது பான்-கொரோனா வைரஸ் மருந்துகளுக்கான மிகவும் நம்பிக்கைக்குரிய இலக்குகளை வெளிப்படுத்துகிறது என்று அமெரிக்கன் கெமிக்கல் சொசைட்டி தெரிவித்துள்ளது.

15 SARS-CoV-2 புரதங்களின் 3D கட்டமைப்புகளில் மருந்துகள் பிணைப்பு பாக்கெட்டுகளை அடையாளம் காண, கணினி வழிமுறையை அந்த குழு பயன்படுத்தியது. ஆராய்ச்சியாளர்கள் பின்னர், 27 கொரோனா வைரஸ் இனங்களில் தொடர்புடைய புரதங்களைக் கண்டறிந்து, அவற்றின் வரிசைகளை மருந்து-பிணைப்பு பைகளோடு ஒப்பிட்டனர்.

வைரல் ஆர்.என்.ஏ பிரதி மற்றும் டிரான்ஸ்கிரிப்ஷனில் ஈடுபட்டுள்ள புரதங்கள் (முறையே nsp13 மற்றும் nsp12 என அழைக்கப்படுபவை), சம்பந்தப்பட்ட இரண்டு மிகவும் பாதுகாக்கப்பட்ட “மருந்து” தளங்கள்.

என்எஸ்பி 12 புரதத்தின் catalytic தளத்தைக் குறிவைக்கும் நாவல் வைரஸ் தடுப்பு மருந்துகள் தற்போது கோவிட் -19-க்கான இரண்டாம் மற்றும் மூன்றாம் மருத்துவ பரிசோதனைகளில் உள்ளன என்றும் என்எஸ்பி 13-ன் ஆர்என்ஏ பிணைப்பு தளம் முன்னர் ஆராயப்படாத இலக்கு என்றும் இது மருந்து வளர்ச்சிக்கு அதிக முன்னுரிமையாக இருக்க வேண்டும் என்றும் ஆராய்ச்சியாளர்கள் தெரிவித்தனர்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil