scorecardresearch

ஜோஷிமத் நெருக்கடி: நிலம் புதைவது என்றால் என்ன, ஏன் ஏற்படுகிறது?

ஜோஷிமத் நிலம் புதைவதற்கான சரியான காரணம் இன்னும் அறியப்படவில்லை. ஆனால், வல்லுநர்கள் திட்டமிடப்படாத கட்டுமானம், அதிக மக்கள்தொகை, இயற்கையான நீரின் ஓட்டத்தைத் தடுப்பது மற்றும் நீர் மின்சக்தி செயல்பாடுகள் ஆகியவற்றை காரணங்களாகக் குறிப்பிடுகின்றனர்.

ஜோஷிமத் நெருக்கடி: நிலம் புதைவது என்றால் என்ன, ஏன் ஏற்படுகிறது?

ஜோஷிமத் நிலம் புதைவதற்கான சரியான காரணம் இன்னும் அறியப்படவில்லை. ஆனால், வல்லுநர்கள் திட்டமிடப்படாத கட்டுமானம், அதிக மக்கள்தொகை, இயற்கையான நீரின் ஓட்டத்தைத் தடுப்பது மற்றும் நீர் மின்சக்தி செயல்பாடுகள் ஆகியவற்றை காரணங்களாகக் குறிப்பிடுகின்றனர்.

உத்தரகாண்டின் ஜோஷிமத்-தில் பல சாலைகளும் நூற்றுக்கணக்கான வீடுகளிலும் விரிசல் ஏற்பட்ட கிட்டத்தட்ட ஒரு வாரத்திற்குப் பிறகு, அதிகாரிகள் ஞாயிற்றுக்கிழமை அதை நிலம் புதைவு என்றும் அப்பகுதியை நிலம் புதைவு பாதித்த மண்டலமாக அறிவித்தனர்.

மத்திய அரசின் மூத்த அதிகாரிகள், உத்தரகாண்ட் மாநில அதிகாரிகள் மற்றும் தேசிய பேரிடர் மேலாண்மை ஆணையம் (என்.டி.எம்.ஏ), இந்திய புவியியல் ஆய்வு மையம் (ஜி.எஸ்.ஐ) மற்றும் தேசிய நீரியல் நிறுவனம் உள்ளிட்ட அமைப்புகள் உயர் அதிகாரிகளின் உயர்மட்டக் கூட்டத்திற்குப் பிறகு இந்த அறிவிப்பு வெளியிடப்பட்டுள்ளது.

ஜோஷிமத்-தில்ஞாயிற்றுக்கிழமை நிலவரப்படி, 68 குடும்பங்கள் தற்காலிக நிவாரண மையங்களுக்கு வெளியேற்றப்பட்டுள்ளன. 90 குடும்பங்கள் விரைவில் வெளியேற்றப்படுவார்கள் என்று அதிகாரிகள் தெரிவித்தனர்.

நிலப் புதைவு என்றால் என்ன, ஜோஷிமத்தில் நடந்த சம்பவத்திற்கு என்ன காரணம் என்பதைப் பற்றி இந்தியன் எக்ஸ்பிரஸ் ஒரு பார்வை.

நிலப் புதைவு என்றால் என்ன?

தேசிய பெருங்கடல் மற்றும் வளிமண்டல நிர்வாகத்தின் (NOAA) கருத்துப்படி, “நிலத்தடி பொருள் இயக்கம் காரணமாக நிலம் புதைவது நடக்கும். சுரங்க நடவடிக்கைகளுடன் நீர், எண்ணெய் அல்லது இயற்கை வளங்களை அகற்றுவது போன்ற மனிதனால் உருவாக்கப்பட்ட அல்லது இயற்கையான காரணங்களால் இது நிகழலாம். நிலநடுக்கம், மண் அரிப்பு மற்றும் மண் சுருக்கம் ஆகியவையும் நிலம் புதைவதற்கான காரணங்கள்” என்று தெரிவிக்கின்றன.

இந்த நிகழ்வு மொத்த மாநிலங்கள் அல்லது மாகாணங்கள் போன்ற மிகப் பெரிய பகுதிகளில் அல்லது முற்றத்தின் மூலை போன்ற மிகச் சிறிய பகுதிகளில் நிகழலாம் என்று அமெரிக்காவை தளமாகக் கொண்ட அமைப்பின் இணையதளம் குறிப்பிடுகிறது.

ஜோஷிமத் நகரம் புதைவதற்கு காரணம் என்ன?

ஜோஷிமத் நிலம் புதைவதற்கான சரியான காரணம் இன்னும் அறியப்படவில்லை. ஆனால் திட்டமிடப்படாத கட்டுமானம், அதிக மக்கள் தொகை, இயற்கையான நீர் ஓட்டம் மற்றும் நீர் மின்சக்தி நடவடிக்கைகள் ஆகியவற்றால் இந்த நிகழ்வு நடந்திருக்கலாம் என்று நிபுணர்கள் தெரிவிக்கின்றனர். இதுமட்டுமின்றி, அப்பகுதி நில அதிர்வு மண்டலமாக இருப்பதால், அடிக்கடி நிலநடுக்கம் ஏற்பட வாய்ப்புள்ளது என்று தெரிவிக்கின்றனர்.

தி இந்தியன் எக்ஸ்பிரஸ் செய்தி வெளியிட்டுள்ளது போல், எம்.சி. மிஸ்ரா கமிட்டி அறிக்கை வெளியிடப்பட்ட சுமார் 50 ஆண்டுகளுக்குப் பிறகு, இப்பகுதியில் இதுபோன்ற நிகழ்வு நடக்க சாத்தியம் உள்ளதாக முதன்முதலில் வெளிச்சம் போட்டுக் காட்டப்பட்டது. அந்த கமிட்டி, இந்தப் பகுதியில் திட்டமிடப்படாத வளர்ச்சிக்கு எதிராக எச்சரித்தது. மேலும், இயற்கை பாதிப்புகளைக் கண்டறிந்தது.

நிபுணர்களின் கருத்துப்படி, ஜோஷிமத் நகரம் ஒரு பழங்கால புதையும் பொருட்கள் மீது கட்டப்பட்டது – அதாவது அதிக சுமை தாங்கும் திறன் இல்லாத பாறை இல்லாமல், மணல் மற்றும் கல் படிவத்தில் கட்டப்பட்டுள்ளது. இது எப்போதும் வளர்ந்து வரும் உள்கட்டமைப்பு மற்றும் மக்கள்தொகைக்கு இப்பகுதியை மிகவும் பாதிக்கக்கூடியதாக ஆக்குகிறது.

மேலும், முறையான வடிகால் அமைப்பு இல்லாததும் அப்பகுதி புதைவதற்கான காரணமாக இருக்கலாம். திட்டமிடப்படாத மற்றும் அங்கீகரிக்கப்படாத கட்டுமானங்களால் இயற்கையான நீர் ஓட்டம் தடைப்பட்டு, இறுதியில் அடிக்கடி நிலம் புதைவது ஏற்படுகிறது என்று நிபுணர்கள் கூறுகின்றனர்.

செய்திகளின்படி, இந்த சம்பவத்திற்கு என்.டி.பி.சி-யின் தபோவன விஷ்ணுகாட் நீர் மின் திட்டம் மீது குடியிருப்பாளர்கள் குற்றம் சாட்டியுள்ளனர். இந்த சுரங்கப்பாதையில் நீர்நிலையிலிருந்து தண்ணீர் வெளியேறியதால் ஜோஷிமத்தில் நீர் ஆதாரங்கள் வறண்டு போகின்றன என்று அவர்கள் குற்றம் சாட்டுகின்றனர். இப்பகுதியின் புதைவுக்கு இதுவும் ஒரு காரணமாக இருக்கலாம் என நிபுணர்கள் தெரிவிக்கின்றனர்.

இருப்பினும், என்.டி.பி.சி இந்த குற்றச்சாட்டுகளை மறுத்து வெளியிட்ட அறிக்கையில், “என்.டி.பி.சி கட்டிய சுரங்கப்பாதை ஜோஷிமத் நகரத்தின் கீழ் செல்லவில்லை. இந்த சுரங்கப்பாதையானது சுரங்கப்பாதை துளையிடும் இயந்திரம் (TBM) மூலம் தோண்டப்படுகிறது. மேலும், தற்போது எந்த வெடிப்பும் மேற்கொள்ளப்படவில்லை” என்று தி இந்தியன் எக்ஸ்பிரஸ் அறிக்கை கூறுகிறது.

மேற்கூறிய, காரணங்களைத் தவிர, ஜோஷிமத்தில் ஏற்பட்ட நிலம் புதைவானது புவியியல் தவறுகளை மீண்டும் செயல்படுத்தியதன் மூலம் தூண்டப்பட்டிருக்கலாம் என்று அறிக்கைகள் சுட்டிக்காட்டியுள்ளன – இது ஒரு புவியியல் முறிவு அல்லது இரண்டு பாறைகளுக்கு இடையிலான முறிவுகளின் மண்டலம் என வரையறுக்கப்படுகிறது – அங்கு இந்திய புவித் தட்டு இமயமலையை ஒட்டிய யூரேசிய தட்டுக்கு அடியில் தள்ளப்பட்டுள்ளது என்று செய்திகள் கூறுகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil”

Stay updated with the latest news headlines and all the latest Explained news download Indian Express Tamil App.

Web Title: Joshimath what is land subsidence and why does it happen