கொரோனா பிறழ்வுகளை எதிர்த்து போரிடும் மாடர்னா, ஃபைசர் தடுப்பூசிகளின் “ப்ரைம் டி செல்கள்” – ஆராய்ச்சி முடிவுகள்

தடுப்பூசி போட்ட நபர்கள் மற்றும் கொரோனாவில் இருந்து மீண்டவர்கள் என இரு தரப்பினரும் இந்த மாறுபாடுகளை குறிவைக்கக்கூடிய குறுக்கு-எதிர்வினை டி செல்களைக் (cross-reactive T cells) கொண்டிருப்பதை அவர்கள் கண்டறிந்தனர்.

Moderna Pfizer vaccines prime T cells

Moderna Pfizer vaccines prime T cells : கொரோனா வைரஸில் இருந்து நலம் பெற்ற நோயாளிகள் உடலில் உள்ள டி செல்கள் அல்லது மாடர்னா, ஃபைசர் தடுப்பூசிகளை பெற்றுக் கொண்ட நபர்கள் உடலில் உள்ள டி செல்கள் கொரோனா வைரஸின் இதர வேரியண்ட்டுகளை எதிர்த்து போரிடும் நோய் எதிர்ப்பை பெற்றுள்ளது என்று சமீபத்திய ஆராய்ச்சி முடிவுகள் தெரிவிக்கின்றன. Cell Reports Medicine என்ற இதழில் வெளியிடப்பட்டிருக்கும் இந்த ஆய்வு முடிவுகள், மேற்கூறியவர்களின் உடல்களில் உள்ள ஹெல்பர் டி செல்கள் மற்றும் கில்லர் டி செல்கள் கொரோனா வைரஸின் பிறழ்வு வேரியண்ட்டுகளை எதிர்த்து போரிடும் தன்மை கொண்டவை என்று கண்டறியப்பட்டுள்ளது.

ஆய்வில் ஆல்ஃபா (பி .1.1.7), பீட்டா (பி .1.351), காமா (பி .1) மற்றும் எப்சிலன் (பி .1.427 / பி .1.429) ஆகிய நான்கு வகைகளின் தரவு அடங்கும். லா ஜொல்லா இன்ஸ்டிடியூட் ஃபார் இம்யூனாலஜி (எல்.ஜே.ஐ) ( La Jolla Institute for Immunology (LJI)) வலைத்தளத்தின்படி, ஆய்வு தொடங்கப்பட்ட பின்னர் டெல்டா மாறுபாடு நடைமுறையில் இருந்தது. தற்போதைய ஆய்வுகள் டெல்டா உள்ளிட்ட பல வகைகளுக்கு விரிவுபடுத்தப்பட்டுள்ளன.

மூன்று வெவ்வேறு குழுக்களிடமிருந்து டி செல்களை ஆய்வாளர்கள் பகுப்பாய்வு செய்தனர்: கோவிட் -19 இலிருந்து மீட்கப்பட்டவர்கள், மாடர்னா அல்லது ஃபைசர்-பயோஎன்டெக் தடுப்பூசி பெற்றவர்கள், மற்றும் கொரோனா தொற்றுக்கு ஒருமுறை கூட ஆளாகதவர்கள் என மூன்று தரப்பினரிடம் இருந்து பெறப்பட்ட மாதிரிகளை ஆய்வு செய்தனர். ஆராய்ச்சியாளர்கள் ஆல்பா, பீட்டா, காமா மற்றும் எப்சிலனுக்கு எதிரான டி செல்களின் எதிர்ப்பை சோதனை செய்தனர். தடுப்பூசி போட்ட நபர்கள் மற்றும் கொரோனாவில் இருந்து மீண்டவர்கள் என இரு தரப்பினரும் இந்த மாறுபாடுகளை குறிவைக்கக்கூடிய குறுக்கு-எதிர்வினை டி செல்களைக் (cross-reactive T cells) கொண்டிருப்பதை அவர்கள் கண்டறிந்தனர்.

இந்த ஆய்வின் மூலம் வெளிப்பட்ட அடிப்படை செய்தி நம்பிக்கை அளிக்கின்ற வகையில் உள்ளது. டி செல் செயல்பாட்டை பொறுத்தவரை, உங்கள் நோயெதிர்ப்பு மண்டலத்தால் இந்த புதிய வகைகளை இன்னும் அடையாளம் காண முடிகிறது. மேலும் அதற்கு எதிராக செயல்பட முடியும் என்றும் ஜெனோவா பல்கலைக்கழகத்தின் பிஎச்.டி மாணவரும்
செட் ஆய்வகத்தில் சிறப்பு ஆராய்ச்சியாளர்காக பணியாற்றும் அலிசன் டர்கே தெரிவித்தார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Explained news here. You can also read all the Explained news by following us on Twitter, Facebook and Telegram.

Web Title: Moderna pfizer vaccines prime t cells to fight variants

Next Story
நீடித்த அறிகுறிகள், கண் தொற்று, கருப்பு பூஞ்சை; 2ஆவது அலையில் புதிய பிரச்சனைகள்
The moderation of comments is automated and not cleared manually by tamil.indianexpress.com