scorecardresearch

Explained: டெல்லி, மும்பையில் அதிகரிக்கும் பாதிப்புகள்.. வரவிருக்கும் ஒமிக்ரான் எழுச்சியின் அறிகுறியா?

இந்தியாவில் ஒமிக்ரான் பாதிப்பு குறைவாக இருந்தாலும், உலகில் மற்ற இடங்களில் உள்ள போக்குகளுக்கு ஏற்ப, ஒமிக்ரான் மாறுபாட்டிற்கு இந்த எழுச்சி நிச்சயமாகக் காரணமாக இருக்கலாம்.

New covid-19 cases in india
Passengers arriving in Mumbai undergo a Covid-19 test at the Chhatrapati Shivaji Terminus on Tuesday. (Express Photo by Amit Chakravarty)

அமெரிக்கா மற்றும் ஐரோப்பாவின் பெரும்பாலான நாடுகளில் புதிய கொரோனா வைரஸ் பாதிப்புகள் சாதனை உச்சத்தைத் தொட்டதால், இந்தியாவும் வரவிருக்கும் எழுச்சியின் அறிகுறிகளைக் காட்டத் தொடங்கியுள்ளது. செவ்வாயன்று இந்தியாவில் 9,000 க்கும் மேற்பட்ட புதிய நோய்த்தொற்றுகள் கண்டறியப்பட்டுள்ளன, இது டிசம்பர் 8 க்குப் பிறகு மிக அதிகமாகும்.

மகாராஷ்டிரா, குஜராத் மற்றும் டெல்லியில், ஏற்றம் போக்கு குறைந்தது ஒரு வாரமாக கவனிக்கப்படுகிறது. ஆனால் இந்த அதிகரிப்புகள் சிறியதாக இருந்தது மற்றும் கேரளாவில் குறைந்து வரும் எண்ணிக்கையால் ஈடுசெய்யப்பட்டது, அதனால் தேசிய அளவில் எழுச்சி அதிகம் காணப்படவில்லை.

ஆனால் அது இப்போது மாறி வருகிறது. தினசரி வழக்கு எண்ணிக்கையின், ஏழு நாள் சராசரி ஏற்ற இறக்கங்கள் சீராக இருந்த நிலையில், செவ்வாய்க்கிழமை புதிய கொரோனா பாதிப்புகள் 7,000-ஐக் கடந்து முன்னேறியுள்ளது.

பொதுவாக வெளிநாடுகளில் இருந்து அதிக எண்ணிக்கையில் வருகை தரும் டெல்லி மற்றும் மும்பையில் மிகக் கடுமையான திருப்பம் நிகழ்ந்து வருகிறது. எட்டு மாதங்களுக்குப் பிறகு, அதிக பாதிப்புகள் பதிவாகும் முதல் ஐந்து மாநிலங்களில் டெல்லி திரும்பியுள்ளது. புதன்கிழமை, இது 923 பாதிப்புகளைப் பதிவுசெய்தது, இது முந்தைய நாளின் எண்ணிக்கையை விட இரண்டு மடங்கு அதிகம்.

மும்பை இன்னும் பெரிய வளர்ச்சியைக் கண்டுள்ளது. புதன்கிழமை, இது 2,510 புதிய பாதிப்புகளைப் பதிவுசெய்தது, இது முழு கேரள மாநிலத்தையும் விட அதிகமாக உள்ளது. இது ஆறு மாதங்களுக்கும் மேலாக அதிக எண்ணிக்கையிலான பாதிப்புகளைக் கண்டறிந்துள்ளது.

உறுதிப்படுத்தப்பட்ட ஒமிக்ரான் நோய்த்தொற்றுகளின் உண்மையான எண்ணிக்கை இன்னும் 1,000 க்கும் குறைவாக இருந்தாலும், உலகில் மற்ற இடங்களில் உள்ள போக்குகளுக்கு ஏற்ப, ஒமிக்ரான் மாறுபாட்டிற்கு இந்த எழுச்சி நிச்சயமாகக் காரணமாக இருக்கலாம்.

ஆனால் எந்தவொரு குறிப்பிட்ட மாறுபாட்டையும் கண்டறிவதற்கு பொதுவாக மரபணு வரிசைமுறை தேவைப்படுகிறது. மேலும் அதற்கு நேரம் எடுக்கும். தவிர, பாசிட்டிவ் பாதிப்புகளில், ஒரு சிறிய பகுதியே மரபணு வரிசைப்படுத்தலுக்கு அனுப்பப்படுகிறது.

இந்தியாவில் ஒமிக்ரான் பாதிப்புகளின் உண்மையான எண்ணிக்கை, அறிவிக்கப்பட்ட எண்ணிக்கையை விட பல மடங்கு அதிகமாக இருக்கும் என்று எதிர்பார்க்கப்படுகிறது.

மேற்கு வங்கத்திலும் பாதிப்புகள் அதிகரிக்கத் தொடங்கியுள்ளன. புதன்கிழமை, மாநிலத்தில் ஜூலை 4 க்குப் பிறகு, முதல் முறையாக 1,000 பாதிப்புகள் பதிவாகியுள்ளன. கடந்த இரண்டு நாட்களில், மாநிலத்தில் பாதிப்புகளின் எண்ணிக்கை இரு மடங்காக அதிகரித்துள்ளது. மகாராஷ்டிரா மற்றும் குஜராத்தில் கூட இதே போன்ற போக்குகள் காணப்படுகின்றன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Explained news download Indian Express Tamil App.

Web Title: New covid 19 cases shoot up in several states is it a sign of a new virus outbreak